ديوان قصائد لشعراء المملكة العربية السعودية (متجدد)☘️☘️

ياسيد الأحباب


ياسيدّ الأحباب

للمبعدين دورب

منت أوّل الغيّاب

قبلك كثير قلوب

عدّت على المرقاب

وأقفت مع المكتوب

كلٍ معاه أسباب

محد يجي مغصوب

يالصادق الكذّاب

يالكاره المحبوب

بكرة تطير أسراب

غصن الوجع وأتوب

كان الحديث أنياب

خلّ السكوت ينوب

وأسكّر الأهداب

لين الدموع تذوب

والله وصرت آهاب

وأنا قبل مهيوب

يا آبعد الأقراب

كاس السهر مصبوب

قلت أشربه بعتاب

قبل الهموم تجوب

الصمت عتق رقاب

دام الحديث ذنوب

وإن كان جرحك طاب

فالذكريات ندوب


نواف التركي

نهايات 1


ما سألتك ..قلت لي رايح ..وخليتك تروح ..جاي بعد الإيش ..جيت ليش ..لا تقول الحب جابك ..قول كل اللي تبيه إلا المحبّةأنت ما خليت في قلبي مكانخلّ عنك كانمابقى لا لك ..ولا لغيرك مكان ..جاي بعد الأيش ..جيت ليش ..أنت عاديما احبكما أكرهكأنخذلت ?مومهم عندي أبدأنجرحت ?والله عادي مو مهمفيه أشياء بحياتي منك أهمغيرتني دنيتي بعدك كثيرصرت ما أحب الكلامصارت البسمة على شفاهي عجبصار صمتي في عيون الناس عادةلين شمّعت أمنياتي بأغنياتي وأستلذيت الغيابالغياب اللي أحبّهالغياب اللي من الداخل بروحيما معي غيري أحدأكتب لنفسي وتقرىوأتجاهل كل من حولي من الأرواح واقرىلأني أصدق من يحس بما قرىولأن أحبابي قليل ولأن أصحابي قليل ولأنّي المثقل بروحيفي جروحيفإنتمائيفي وفائيوأنّي أجمل من كثيرلا تحسب إنك مسوّي في حضورك خيرويش جابككنت مرتاح بغيابكجاي تحسبني من الفرحه بطيرما بقى بي ريشجاي بعد الأيش ..
نواف التركي

نهايات 2


مو غريبة ..كان لي قبلك حبيبة ..مثلك إنتي ..تعرف تمدّ الوجع بكفوف راحة ..لا يهمّك ..قلبي متعوّد جراحه ..صدقيني صرت ما أستغرب ولا أسأل ..من حبايبمن قرايبمن عدو من أي صاحب ..ما تخاف من البلل روح الغريق ..كان عندك جرح هاتي ..وإرجعي مثلك مثل غيرك غريبة ..السنابل ماتبي تذبل بكف الريح رحمة ..لا أينعت راحت تنادي للمناجل ..أحصدي حبّات روحي وأطحنيها وأخبزيهاخلّي الأرواح تقتات الكلام ..باكر يطيح المطر وأسقي عروقي وأرجع أنبت من جديدوأتهيّأ للحصاد ..سمّح الله درب كل اللي حصد منّي غلاه وراح مبعد ..بالسلامة والطريق اللي وصل فيك بيردّك ..بالسلامة ..لايهمّككان لي قبلك حبيبة ..علّمتنيكل حاجة ..لين ما عادت ولا حاجة غريبة ..
نواف التركي

محد يعرف قدر من حبّ لين يغيب


كلّ يوم يمرّ نكبر ..كلّ يوم أحلامنا تصغر و تصغر ..خايف أصحى يوم وألقى العمر فات ..خايف إنّ الذكريات ..وحدها العمر الجميل ..وإن هذا الباقي ما بقى به باقي ..كلّ ما أتفقدّ مكان ألقاه خالي ..وأتذكّر ..كانت الأيام أجملكانت الأحلام أكمللو بيدّي ..كان أوقّف عقرب الدنيا وأظلّ هناك باقي ..واللي باقي ما أبيه ..لو بيدّي ..لكن أدري ما بيدّي شيّ ..وأدري إنّ الوقت يمشي ..وإنّي أفقد كل يوم أرواح أكثر ..وأنّي أكبر ..وأنّ كل أحلامي بتصغر وتصغر ..وأنّي بصحى وألقى كلّ العمر فات ..وألقى بسّ الذكريات ..حاضره والكلّ فات ..كان باقي فيك حلمٍ ما وصلته لا يردّك شي عنّه ..لا يفوتك ..ذوق به طعم الحياة ..بكرة أجمل ما بيبقى الذكريات ..بكرة أجمل ما بيبقى الذكريات ..وهذا الشارع الخالي يذكرّني ..وهذا الكرسي المهجور ..وهذا الليل ..وحبّات الرمل تذكر ..وإذا مرّيت في نفس الطريق اللي خذاك ولا بعد جابك ..تذكّرني مثل ما أتذكرك أجمل ..أنا قد قلت لك مرّة إذا تذكر ..محد يعرف قدر من حبّ لين يغيب ..وكنت بنظرتك ساهي ..بعيد هناكوأنا وحدي مع روحيورجعت أمشي مع جروحيرجعت أستدعي أجمل ما بقى بالذاكرة منّك ..وكان الشارع الخالي صخب أرواحمنو باقي ومن هو راحهي الدنيا كذا تدفع ثمن ضحكة عيونك دمعنسيت الجاي قلت أفرحوجاني الجايوكل ضحكة معك بدفع ثمنها جرحمافيه أفراح بالمجّانوهذا الجاي وهذا النايوهذ الشارع الجمهوروهذا الشاعر المهجوروهذا البعدمحد يعرف ثمن من حبّ لين يغيبفمان الله والدنيا وسيعة والطريق يطولتبي تصدف كثير أحبابوتضحك قدّ ما تقدروتتذكّرمحد تهتزّ له روحك مثل من غابمحد يعرف قدر من حبّ لين يغيبتذكّرني ..تذكّرني ..فمان الله .
نواف التركي

نهايات ( 4 )


هذا أنا يا أسماءتعيشني جروحيهارب من الأشياءمتوحّد بروحيأتعمّد الأقصاءوأستفرد ب بوحيهذا أنا ..أحيان يخذلني الحكيأحيان يأخذني الحكيأحيان أحسّ أني طفل وأشاغبكوألاعبك ..وأزعل على اتفه سببوأحيان أحسّ انّي كبرت ب هالعمروأنّي كذا ملّيتنيوأنّ السنين اللي تمرماخلّت بعمري عمروأشتاق ل الأوّل وأحنوأحسّني مثل السفنتبحر بعيد مسافرةوتغيب ضحكتها على كل المواني العابرةومكابرة ومكابرةتخاف لا هبّ الحنين شراعهاتشتاق لأحضان الوطنلا تعبثين بشاعر أضحى خالي إحساسه من الأحساسخليه مثل الناسينام خالي هميصحى ولا يهتمخليه يا أسماءهارب من الأشياءهارب من جروحههارب إلى روحهوالسلاميرفرف بصدره حماموالسلام يرفرف بصدره حمام
نواف التركي

ما لهذا الصبر أخر
ما لهذا الصبر أخر ..
ما ل هذا البحر مينا ..
وش بيدّي ..
كل ما رفرف بقلبي حزن
غنّيته ..
كل ما راود عيوني مزن
بكّيته ..
وش بيدّي ..
ما تخيّرت الكلام ولا تخيّرت السكوت ..
ما تخيّرت الحياة ..
بسّ يمكن ..
أقدر أتخيّر أموت ..
لا تمرّ بروحي إلاّ عابر وقلبي معاك ..
لا تمرّ جروحي إلاّ من هناك ..
من بعيد ..
مثل طعم العيد ..
خلّك أبعد من مسافات الطريق اللي مشيت ..
خلّك أبعد ..
ما بقى في دفتري وقت وحنين ..
لو لمحت أنّي حزين ..
لا تجيني ..
خلّني منّي وفيني ..
لا تجيني ..
القلوب أوقات تغريها المواجع ..
وأنت عارف ..
ما بكت عيني فراقك يوم طريّت الرحيل ..
كانت دموعي قصايد ..
كانت جروحي قلايد ..
كل جرح ألبّسه شعري ويفرح ..
شوف كيف أحيان بعض الشعر يجرح ..
رح بعيد ..
ماني راجع ..
القلوب أوقات تغريها المواجع ..
رح بعيد ..
رح بعيد ..
نواف التركي

وداعاً ..!!
كتبتك لين ماعاد الكلام أجمل ..
وبقيت أجمل ..
بقيت أطهر حقير بساحة ال والي ..
بقيت الطامن العالي ..
وداعاً .. مو لأنّي ما لقيت أحساس ..
وداعاً .. لأن الناس ماهي الناس ..
وداعاً لأني الأجمل ..
وأذا مرّيت بشفاة الحديث وغنّت الذكرى ..
أذا جابتني الصدفة ..
بربّك شف لها صرفة ..
وقلّ لليل ياعمّي خلاص أنسى ..
وقلّ للفجر ..
ترا جينا من اقصى العمر ..
ندوّر للتعب مرسى ..
ورحت ولا بكى صاحب ..
ولا بنت أرخصت دمعة ..
كذا يمشي الغريب بسكّة التيه الطويل ولا معاه أحباب ..
كذا هي سيرة الغيّاب ..
يا آخر ضحكةٍ مرّت ببال الدمع قبل أرحل
أنا مغرور من يومي ..
أنا من خلقتي أجمل ..
أذا مرّة حكيت لعابرين الدرب ..
إذا ليلة ضعفت وقلت ..
فأنا فالغالب الأبعد ..
عطيني قلبي أسرفتي وأنا ما عاد أبي أصبر ..
صبرت أكثر من المعقول ..
ضعفت أكثر من اللازم ..
خلاص الحين ماعادت عيونك قبلة الأحلام ..
تعبت أسهر ..
أبي أرتاح ..
ابي عيوني مثل كلّ العيون تنام ..
كتبتك لين ماعاد الكلام أجمل ..
وبقيت أجمل ..
بقيت أطهر حقير بساحة ال والي ..
بقيت الطامن العالي ..
إلى النسيان يا الأحلام ..
إلى الخذلان يا الأقلام ..
إلى مالا نهاية سارت الأقدام ..
وداعاً لأني الأجمل .
نواف التركي

الصدق جنّة ..!!
من يقول الصدق جنّة ..!! ماصدق ..
جرّب تعيشه صحيح إنّ كان ودّك ..
شوف كيف يهدّك ..
وأنت ما قصّرت والله العظيم ..
لك بصدري عمر ما تكذب
عشاني ..
كنت أناني ..
كان مفروض أتْركك ترتاح منّي ..
لاتغنّي ..
أكذب .. أكذب ..
حبّ ألعب طيش ..
روح لأحضان الغواني ..
للسواني ..
وأشرب أشرب ..
سوّ كل اللي نهيتك عنّه ..
من يقول الصدق جنّة ..!!
لا تغنّي ..
ماذبحني غير صوتٍ أبعثه منّي ل منّي ..
أسف أكثر من سنينك ..
من تعبْك ..
ومن حنينك ..
وأكثر أكثر أسف ..
كثر ما جرّيتك لشوك الطريق وتمشي ..
كثر ما بللت رمشي ..
كثر ما أهرب فيك من كل السنين الخضر لسنين الجفاف ..
كثر ما نوّاف صادق مع نوّاف ..
من يقول الصدق جنّة!! ما صدق ..
رح هذاك الدرب وأصوات الغياب تنادي ..
يا فؤادى لا تسل أين الهوى
كان صرحا من خيال فهوى
اسقنى واشرب على أطلاله
وارو عنى طالما الدمع روى
رح هذاك الدرب وأصوات الغياب تنادي ..
مدّ روحك وتتلقفّك الأيادي ..
وأنتبه في يوم تصدق ..
أكذب أكذب ..
وإنّ شعرت بذنب لا تحزن تذكّر ..
أنّك أخر قلب يسقط ..
وأنّ صدقك جمرك ..
وإنّ كذبك خمرك ..
أثمل أثمل غيب عن كل القناعات السخيفة عن اساطير الغرام
والحكايات القديمة والوفاء والصدق وأطباع الكرام ..
لأنّ هي الدنيا ماعادت مستقيمة لا تكون أنت الوحيد المستقيم هيم هيم ..
كل وادي غيّ مرّه ..
كل كذبة في طريقك أرتكبها ..
سوّ كل اللي نهيتك عنّه ..
من يقول الصدق جنّة!! ماصدق .
نواف التركي

قميص فرقا ..!!
أجمل اللي عرفت بهالحياة رحلو
غيّبوا غيبة الضحكة بوقت العزا
كنّ قلبي غريمٍ عن دياره جلو
كل ما جاه علمٍ عن ضعنهم غزا
أبذروني غلا حتى بلغت الغلو
وأحصدوا دمعتي يوم المفارق جزا
كان ودّك تطيح فطيحةٍ من علو
أجمل الشعر شيٍ تكتبه من وزا
،،،،
ياحادي العيس ليت العيس ما مدّت
على وحى الصوت يوم يدوّه الساقي
أسمع حنين الزمل وقلوبهم شدّت
وأتلحّف الصبر غصب وتلفح أشواقي
حسيت كنّي طلل ل: سنين قد عدّت
ما هو بوقتي ولا تسمح لي أخلاقي
أتبع لي أرواح يوم أقبل لها صدّت
لو كان ما يستريح الدمع بأوراقي
سلّمت للبعد يوم أقفيت ما قدّت
قميص فرقاي من تستطعم عناقي
بكره جفيته وعين البارحة سدّت
عن كل حزنٍ جديد يراود أعماقي
ياهيه ماعاد فيني قلب .. لاندّت
ورود الأحلام قل ماعاد به باقي
حمامة الروح لأعشاش الصدر ردّت
وأبكسر جناحها لو تطري فراقي
قصايد الوجد لا جابت ولا ودّت
باهت غروبي وباهت مثله إشراقي
الحين يا من ل: عينٍ كل ما لدّت
كنّه تدوّر لوسواس الشعر راقي
هذا هو الصدق وضعون الجفى مدّت
عسى الغياب الطويل يموّت أشواقي
نواف التركي

قميص فرقا ..!!


أجمل اللي عرفت بهالحياة رحلو

غيّبوا غيبة الضحكة بوقت العزا

كنّ قلبي غريمٍ عن دياره جلو

كل ما جاه علمٍ عن ضعنهم غزا

أبذروني غلا حتى بلغت الغلو

وأحصدوا دمعتي يوم المفارق جزا

كان ودّك تطيح فطيحةٍ من علو

أجمل الشعر شيٍ تكتبه من وزا

،،،،
ياحادي العيس ليت العيس ما مدّت

على وحى الصوت يوم يدوّه الساقي

أسمع حنين الزمل وقلوبهم شدّت

وأتلحّف الصبر غصب وتلفح أشواقي

حسيت كنّي طلل ل: سنين قد عدّت

ما هو بوقتي ولا تسمح لي أخلاقي

أتبع لي أرواح يوم أقبل لها صدّت

لو كان ما يستريح الدمع بأوراقي

سلّمت للبعد يوم أقفيت ما قدّت

قميص فرقاي من تستطعم عناقي

بكره جفيته وعين البارحة سدّت

عن كل حزنٍ جديد يراود أعماقي

ياهيه ماعاد فيني قلب .. لاندّت

ورود الأحلام قل ماعاد به باقي

حمامة الروح لأعشاش الصدر ردّت

وأبكسر جناحها لو تطري فراقي

قصايد الوجد لا جابت ولا ودّت

باهت غروبي وباهت مثله إشراقي

الحين يا من ل: عينٍ كل ما لدّت

كنّه تدوّر لوسواس الشعر راقي

هذا هو الصدق وضعون الجفى مدّت

عسى الغياب الطويل يموّت أشواقي


نواف التركي