فوق هام السحب ( الشعر الشعبي) على متن القوافي

‏اكتسحت القلب كلّه
‏صرت شريان ووريد

‏ما زعلت انك ملكته
‏وودي اعطيك المزيد

‏اعترف لك انك اجمل
‏شخص ياعذب القصيد

‏واعتبر نفسي بحببك
‏صاحب الحظ السعيد

.....

‏من أوّل احطّه على الجرح ويطيب
‏واليوم لا احطّه على الجرح زاده

.....

‏ما ينكسر عـــزم ٍمقــرّه على ساس
‏لو يلحقه من لوعـــة الوقــت خله

‏اللي ورى العالم لا يمكن يجي راس
‏لو يلتفـــت ما يتبعـــه غـــير ظلّه

‏لا تنتظر الانصــاف من ساير الناس
‏الناس عــوق الناس والمنصف الله

.....

‏بلغيه ان عاد صدري رغم كونه هادي
‏تفرحه لشيا البسيطه وايتباها فيها

‏لو نوا يرجع وسج من الهديه عادي
‏يا هدية غايبً جات ونست راعيها

.....

‏ابتسم له واتلذذ في كثر تعذيبه
‏ادري انّه في جروحي ماهو بمتمادي

‏اونس بغيبته ضيق اللي تمنى صيبه
‏لاح شيبه من حرارة ما وطاه وزادي

‏واترقب مثل عودٍ جر له ترحيبه
‏شايفٍ خيرة عياله من بطى وبعادي

.....

‏انا فيني مشاعر تستهيض البلبل الصدّاح
‏انا فيني قصايد طيّرت من عيني ارقادي

‏أنا أكره ناس للحاجة تجيني بدمعة التِّمساح
‏وأنا أللّي أكرم الصّادق ولو هو ياخـذ أعيادي

.....

‏من عرفت إن التخاذل من كبَار العيوب
‏ماعطيت النفس فرصه تدوّر معذره

‏طالب العليا لو تضيق به كل الدروب
‏كن في صدره عن الياس عودٍ ينهره

‏اصرفي نظرات الإشفاق يالريم اللعُوب
‏أنا ما ينظر لي إلّا بعين المفخره

.....

عيش الحياه وفضها اليوم سيره
‏العمـرمره والتــوافـــيق قــدام

‏يموت حلم وينخلق حلـم غـيره
‏ما توقف الدنيا على موت الاحلام

.....

‏ليه ساكت و الحنين يهبْ برده
‏وأنت صوتك يا رهين البال دافي

‏طاح من غصن الغلا والحب وردة
‏لا يطيح الغصن طاح الورد كافي

.....

لا تسأليني في البشر من تشبهين
أنتي مثل للحين ما جا لك مثال

بلا حور عين وبلا غمّازتين
جمالك أجمل من علامات الجمال

.....