فوق هام السحب ( الشعر الشعبي) على متن القوافي

يمكن يضحك بس لاهو بالهنا مرتاح
القلب لو يسلى نظر عينه يحن لها

عبدالله الحربي

يوم أنتظرته يسومه سامه بكلمتين
واوميت للي يحرج يوم سامه بعه

عبدالله آل لزيوح

ماني موصف ويش ويش وكيف كيف وباختصار
هات المحبه والغلا واخذ المحبه والغلا

.....

ودي أفضفض لي على شيطان
وإذا خلصت اقرأ آية الكرسي

علي مسفر

ترى سكوتي ماهو إنك على حق
يزبن خطَاك بوجه قدرك وأخليه

.....

‏ترا القصيد العذب تطربله الناس
‏مثل الهبوب البارده تنعش الروح

‏لاطرز المعنى تعابير وحساس
‏يبطي صداها بين عاشق ومجروح

.....

نفسك على العز سقها للعلا والصعود
‏مهما تشوف الظروف القاسيّه متعبه

.....

‏لا شحت كفُوف الزمن امالنا مثل السحاب
تمطر صبَر وأرض القناعة والرضا تستعذبه

.....

‏العز يبقى والصداقة توافيق
ياحظ من خاوى الرجال الكريمة

والرزق بيد الله ربّ المخاليق
محيي الأراضي من سحابة وغيمة

لو خيّروني بين كل المطاليق
بختاركم يا أهل النوايا السليمة

ويبقى غلاكم في صميم المعاليق
وتبقون راس المال وأكبر غنيمة

‏لو طاحت أسواق الذهب والصناديق
ماطاح سوق أهل الوفاء والعزيمة

.....

‏ولا تحزن على عثرات عمرك جعلها تفداك
‏تشوف المقبل أجمل كل ما توقف على حيلك

.....