فوق هام السحب ( الشعر الشعبي) على متن القوافي

اغليك جداً عسى الله لايبين غلاك
ياواحدً لو طلب عمري مايغلى عليه

والله مدري وش اخطائي ولكن خطاك
انك الي الان ماتدري وش اللي تبيه

واني اللي الان ماني مستعد لجفاك
تبيني اذوق طعم الانكسارات ليه

.....

قال لي ودعتك الله قلت روح دربك اخضر
رافقك قلبي وفكري يالغلا قبل السلامه

الفراق اصبح ضروري واللقاء ماهو مقدر
مانقـول الا وداعاً نلتقــي يوم القيامه

والنصيب الله يعينه كم مفارق به تعذر
بينما وجه النصيب ابيض تعداه الملامه

كلنا نرمي خطايانا على الوقت الموقر
في الكبيره والصغيره تم ظلمه واتهامه

من تأمل في طباع الناس واتمعن وفكر
تتضح له صورة الواقع وتتجــلى امامه

من يضيع من يده فرصه ثمينه ما تكرر
بي يجي له يوم يذكرها ويشعر بالندامه

الغلط لو يدمحه من كاهل المخطي مبرر
ما وعد بكر ابن وائل بالفنى عم اليمامه

وفي النهايه ما نفع صيته وسيفه والمشهر
طاح واصبح تحت رحمة سيف خيال النعامه

.....

‏لاتــحاسبني علـى حـالتي وآخر ظهـور
بعد ماقفلت الابواب واعلنت الرحيل

فرق واسع بين جبر الخواطر والكسور
الكسر يجبر وجبـر الخـواطر مستحيل

.....

‏كل ما شفتك خفق قلبي جالك
‏يثني الترحيب في طلّة عيونك


‏إستلمني عشق يا عشقي لحالك
‏مازاستلذ العشق يا عشقي بدونك

.....

جندت الاحرف وصدق الشوق جندني
والحب والعشق كم طوع وكم جند

وكلما زاد حبي زاد يبعدني
لافك باب الهوى كلا ولا بند

وليش يامنتها آمالي تعاندني
ماتعلم انك اذا عاندت اصير اعند

لازلت مشتاق واحلامي تراودني
واتنفسك بالولة نفحة كعود الند

اريد ان اسعدك وانت تسعدني
احنا مع بعض ذي ندكي على مسند

الى متى بوعدك وانته تواعدني
على السعاده وقلبك حين تنام اعند

وريت الابيات في حبك تساعدني
يامن نقشتك بحرف ابجد وبالمسند

.....

وين اودي شوق قلبي والوله
‏لو غديت بعيد عني ما اسمعك

‏تملك احساسي وفكري تشغله
‏ترحل طيوفك وفكري يجمعك

‏هاك قلبي هاك ليتك تقبله
‏خذ سنين العمر او خذني معك

‏انت تالي الحب عندي واوله
‏من يقول اني نسيتك يخدعك

.....

‏كنت احسبك نادر ومالك شبيه
‏واثرني انا النادر والواجد عليك

.....

لك صباح الشوق يا محيي الشوق
ولك عظيم الود واشكال الغرام

عيني اليمنى على حبك تفوق
وعيني اليسرى على وصلك تنام

.....

‏القلب واحد والمخاليق عدّه
‏ولا هز قلبي بالهواء غير واحد

‏أنت الوحيد اللي خفوقي تشدّه
‏وغيرك أجامل حضرته لا تواجد

.....

‏ان قلت احبـــك يغار الحب من حبك
‏وان قلت غالي غـلاك اغلى من الغالي

‏لله درك ملكـــت القلـب فــــي قلبـــك
‏والروح ترخـــص لعينــك يا بعد حالي

.....