اخترنا لكم

يقول خالد الفيصل :
‏
اللي معدنه طيب ماتغيره الأيام
‏والكفو يبقى كفو لو الزمن هد حيله

‏عوى الذيب يا ساري وباقي الأمل يحداه
يدلك عوي الذيب في الحل والترحال

عوى الذيب في ديرة عرب ماتعرف عواه
يسوقوا شهاب الموت ماودهم خيال

عزيزة على الشيبة وعندي كبيرة جاه
عساها على القوة ولا ضامها العيال

.....

يا مدور الهين قليل الحمية
ما ينفعك من لا ترده حمياه

من كان عزمه في العوافي شوية
وقت الشدايد جعل بقعا تعشاه

الجيد ما هو للمصالح مطية
الجيد والله من طريقه مخلاه

مانا رفيق اللي يخلي خويه
انا رفيقي اللي يجي لك من اقصاه

ان كانها بايده طويل النهيه
وان كان ما بايده تسرك نواياه

تغزلي بالطيب يالغشمرية
واستبشري خلي يدينك محناه

باقي الليالي مقبلة يا بنيه
بافراحها اللي ما تجي بالمراضاه

بالله وثم باهل العزوم القوية
اللي ترد السيل يرجع لمنحاه

من عاش ما عنده لنفسه قضية
يموت ما حد يذكره واش سواياه

.....

عَجبًا لبُخلِكَ فِي الوِصالِ تَورعا
حتىٰ خيالكَ فِي المَنامِ تَمنعا

.....

وَإِذا طَلَبتَ مِنَ الحَوائِجِ حاجَةً
فادعُ الإِلَهَ وَأَحسِنِ الأَعمالا

فَليُعطيَنَّكَ ما أَرادَ بِقُدرَةٍ
فَهوَ اللَطيفُ لِما أَرادَ فِعالا

فَدَعِ العِبادَ وَلا تَكُن بِطلابِهم
لَهِجاً تَضَعضَعُ لِلعبادِ سُؤالا

إِنَّ العِبادَ وَشَأنَهُم وَأُمورَهُم
بِيَدِ الإِلَهِ يُقَلِّبُ الأَحوالا

.....

يا أَمير المُؤمِنينَ المُرتَضى
اِن قَلبي عِندَكُم قَد وَقَفا

كُلَّما جَدَّدتُ مَدحي فيكُمُ
قالَ ذو النَصبِ نَسيتَ السَلَفا

مَن كَمَولايَ عَلَيٍّ زاهِد
طَلَّق الدُنيا ثَلاثاً وَوَفى

.....

البعض يطيبُ لهمُ المساء
‏والبعضُ يطيبُ بهم المساء

.....

‏ياسكون النفس فكي عن شعوري كلّ قيد
‏وحرريني من جروحٍ قد ملت قلبي جلافه

‏فيه ليل وفيه فكرة حارت بقاف القصيد
‏وفيه دمعٍ ماذرفته غير من رهبة المخافة

‏شي راح بسهولة صعب يرجع من جديد
‏وشي ماتعرفه نفسي اه ياصعب اكتشافه

.....

‏معك ربّيت المحبة على قد الطموح
‏والنصيب يحدها والجفى يوميلها

‏اثري الغيبه حقيقة وأنا احسبها مزوح
‏قامت الدنيا علينا وشدّت حيلها

‏ياحبيبي انشد الوقت والحظ الشحوح
‏من جدار البال صورتك كيف أشيلها

.....

مصيبه ليا منه تردى كبير القوم
ليا ضاع راس القوم وشلون رعيانه

فلا كل من جده وليده يجي زيزوم
ولا كل طيب وارثٍ طيب جدانه

.....