فوق هام السحب ( الشعر الشعبي) على متن القوافي

يالله انا طالبك ياسامع الصوت
يلي خلقت الخلق لأجل العباده

ترزقني التوبه قبل ساعة الموت
ومن قبل نزع الروح نطق الشهادة

آمين

‏تولعت بك ولعة هل الطير للمقناص
‏ياعين العديم اللي على كف صقاره

.....

وانا لو رقدت بظلمة القبر والتابوت
فلا زال حبك مشعلٍ شمع وجداني

تلعب بقلبي في يدك لعبة البيلوت
وانا يالحبيب مالي أشكل ولا ثاني

.....

‏لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفا النفس يدري

سبحانه

‏تغاضى قد ما تقـدر مادام إن العمـر محدود
‏ولاتحزن على الفايت رحاب الأرض ممدوده

.....

ياربي إغفر لي ذنوبي وأنت غفّار الذنوب
النفس تغريها ملذات الحياة الفانيه

يسّر لي التوبه تراني كل ما قرّرت أتوب
وسوس لي الشيطان لين أذنبت مره ثانيه

آمين

لا توصيني ولا احتاج في حُبـك وصاه
لو ظروف الوقت من دون وصلك حايله

الغلا لك والمحبه على كل اتجاه
لا يهمك دام حُـبك بقلبي شايله

لو تباعدنا وشانت مقادير الحياه
ما سكن غيرك في قلبي ولاحدٍ طايله

.....

حبيبي طواري الشوق والهجر ما تنطاق
فراقك عذاب وذكريات الغلا مرّه

على كثر ما عانيت مع قلبي المشتاق
فقدت الامل في طاري الوصل بالمرّه

.....

من طب بحر الهوى ماعاد عيّن خلاص
وقايع الحب فالعاشق طويلة أجل

تعال بالسيف والشلفا وبإم الرصاص
ولاتجي بالمعنق والعيون النجل

.....

مرحبا يا أغلى من الشوف لعيون الضرير
المشاعر في حضورك تبدي لْك إعجابها

ما أنت عادي والذي حط لك رمشٍ غفير
أنت فرصة عمر يا سِعْد من يحظى بها

أخاف لا مريت، قلبي من ضلوعي يطير
وأقوم أفتّش في زواياها وأقفّل بابها

.....