فوق هام السحب ( الشعر الشعبي) على متن القوافي

الناس انواع وانت نوع لحالك
‏مافي احد يشبهك الاول ولا ثاني

‏ سجلني اعز خلق الله بجوالك
‏واسجلك اجمل العالم بجوالي

.....

ما كل من تحسن به الظن طيّب
احيان ظنك ما يجي في محلّه

مثل السراب اللي تشوفه قريّب
واليا قربته بـالنظـر ضاع كله

.....

‏لا عاد تسألني عن علوم واخبار
‏مابهزجديد الا الجروح القديمه

‏اودعت في قلبي من جروحك اسرار
‏واودعت في عيني دموعً اليتيمه

.....

ودي اجيلك خاص واشرح لك الحال
ولكن اشوفك كاتب الخاص ممنوع

لو كان لي يازين مخرج ومدخال
الا واطق الباب واالراس مرفوع

.....

تحملت صمتك لجل عينك ترد الروح
وتشرح لي الاوضاع وتدخل بوجداني

احس اني في جو غريب فرح ومزوح
ولو سولف المحبوب انا فجوي الثاني

عيونك تغطي كل مافيك يالمملوح
ولو جيت انا بوصفك هل انته انساني

.....

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

.....

‏لـو الخلايـق علـى حبك تنـازعني
‏يبـطون مآحركوا فيني مغز إبره

‌‏ماغيرك أحـد ٍ قوى قلبي وولعني
‏وغلاك عندي بوسط القلب ياكبره

.....

لا شـفت مرسـالك تـزيـد التراحيـب
وانسى الدوا والقلـب ينسى جراحه

معـك معـك ولـو مـلا راسي الشيب
هـذي الصـراحه لابغـيت الصـراحه

أوعدك ياروحي وانا ما اعلـم الغيب
القلـب بيتــك والعيـون اسـتراحـه

.....

إن كسّبتني كسبت لك صدوق
‏وإن خسرتني خسرت لك سند

‏أعجبك لأ صارت الدنيا حقوق
صحيح انا واحد لكن عن بلد

.....

احرص على الشيبان ياللي تجيهم
ترى كبير السن يفرح بمن جـاه

لكن طلبتك لاتســولف عليهــم
هذا دنى موته وهــــذا دفناه

.....