فوق هام السحب ( الشعر الشعبي) على متن القوافي

‏أنا الحضور اللي مايشبه للغياب
وأنا الغياب اللي شعر به من حضر

لا جيت مثل المزن في عرض السحاب
وغيري سحاب مايجي منه مطر

.....

الـطيب لـه بـين الـملا شأنٍ عريق
والـعـاقل الـلي مـن كـلامه تـفهمه

وما بذلته من عطاء لأجل الرفيق
تـلـقاه لا مـنّـك بـالـشدايد تـزهمه

.....

‏يا كبر قدرك يا رفيقي عن الناسَ
ما يشبهك في طبعك إلا المرايا

هِي تعكس الأشياء بدقّه ومقياس
وأنت تعكس طيبك وبيض النوايا

.....

‏خلك غريب وممتلي حلم واسرار
حتى طموحك مختلف فـي اتجاهه

عادي تغيب احيان عن كل الأنظار
البعد عن بعض الأوادم نقاهه

.....

‏الشعر لعيون الصبايا بدعنا
‏ومن الكلام السنع جبنا سمانه

‏معهم مشاوير المجارا قطعنا
‏ماهي اغاني للغزل دان دانه

‏درب ٍ على جال النقا قد وسعنا
‏وكل عن الزلات صاين لسانه

.....

‏ما دريت الا وهو بالقلب وازي
‏غفلةٍ ماهي على قلبي حسوفه

‏قلت يا عذب المها ثقل المرازي
‏يا بعد من داعبت كفي كفوفه

‏قال يابويا وهو ماهو حجازي
‏قلت وابوياه من قلبٍ تلوفه

‏مساعد الرشيدي

ياريت تسمح لي عل خاص رسالك
وسالك عن حالك وتسمع كلامي

وياريت تسمح لي وشوفك وقابلك
وشكي لك اجروحي ولهفت غرامي

عز الله اني في غرامك توسلك
وني لكاس الود ي زين ضامي

.....

‏لاباس ياصكات الايام لاباس
‏وش ذا التغلب المزاج ياروحي

‏كذبت فيك الي يقولونه الناس
‏وصدقت فيك الي تشوفه عيوني

.....

‏بعض الخطا لو تعتذر عنه مافاد
‏يسقط معه تقديرك اللي من أوّل

‏واللي يحسب انـه طبيعي ومعتاد
‏على الخطا هذا مريضن مهوّل

.....

من زمان أنتظرها فرحتي من زمان
لوترى جايتك وش لون مفعولها

فرحتي واصلة لما السماء والعنان
كود لانا ملكت الأرض في طولها

إحتفالات كبرى داخلي مهرجان
والجوارح تهني كل من حولها

أنت روحي ولك داخل عيوني مكان
عندي أغلا من الدنياء وبترولها

فيك ميت وبك مجنون بجنن جنان
والعيون النواعس صرت مقتولها

بختصرها ترى التعبير خان اللسان
ايه أحبك بمعناها ومدلولها

.....