فوق هام السحب ( الشعر الشعبي) على متن القوافي

‏لوطاوعك هالغياب وجيت لا تسأل
‏بيزيد فيك التعب من زود تكرارك

‏يمكن بتسمع جواب من الصبر مثقل
‏أنا حزين بغيابك وأنت شخبارك

.....

‏ﺑﺪﻕ ﺩﻗّﻪ ﻋﻠﻰ ﺍﻟﺰﻋﻼ‌ﻥ ﻭﺍﺳﻜِّﺮ
‏ﺑﺸﻮﻑ ﻭﺵ ﻗﻴﻤﺘﻲ ﻓﻲ ﻋﻴﻦ ﻣﻀﻨﻮﻧﻲ
‏
‏إﻥ قال ﻳﺎﻣﺮﺣﺒﺎ ﻳﺎﺣﻆ ﻣﺘﺸﻜِّﺮ
‏ﻭاﻥ قال ﺧﻴﺮ ﺷﺘﺒﻲ ﻛﺴﺮﺕ ﺗﻠﻔﻮﻧﻲ


.....

مـــاعندي الا قلب واحــد ومسروق
‏والســـارق اللي ســارقه جـــايزٍ لي

‏عســـاه مايعثر ولا يصدفــه عــوق
‏وعســـاه مع طول العمر صافـيٍ لي

.....

لاتخاوي غير مطنوخ يجمل
‏النوايا طيبه والراس طيب

‏واترك اللي لاينوب ولا يكمل
‏مانفع بأول حياته لين شيب

.....

لا صرت ماتعرف اسلوبي وعاداتي
اكرمني بحسن ظنك وازهل الباقي

.....

يكفي وجودك في حياتي وطاريك
إسمك ورسمك في سمائي غنيمة

انت القمر والشمس قلبي يراعيك
أنت الغمام إللي سقى الروح دِيمة

.....

مدري السهر بلوى وفيـه إبتلينا
وإلا ظــلام الليل حنــا هوينـاه

.....

من اللي عيونه نعّس وعاتقه منتوق
شعوري شعور المغترب لا ضحك سنّه

غدت نظرتي لعيونه وليله المفهوق
مثل نظرة اللي مالقى واحد يحنّه

.....

من دون خلي يمر الوقت مالي به
وش لي بليلٍ طويل وسيده غايب

.....

الناس نامت وليل الصمت ياطوله
ومسافة العشق للمشتاق طاويها

قصايد الهمس بالاشواق محموله
ماتسمع الا بتالي الليل طاريها

.....