فوق هام السحب ( الشعر الشعبي) على متن القوافي

يا طير انا مثلك مقيد ومحبوس
حبسي طويل وشفت منه الغبينه

يا طير حزني داخل القلب مغروس
حزن الليال وموحشات سنينه

ثوب الشقا كنه مفصل وملبوس
والوقت ينحر كل فر صة ثمينه

.....

‏ماهو صحيح انك على شوقي اشتقت
لو انت صادق كان جابتك الأشواق

ياللي بطول البعد عذبت واحرقت
قلب تولع بك وبالشوق لك ضاق

لوذقت من نار الوله مثل ما ذقت
ما طال يالمشتاق هجرك لمشتاق

وين الوعد وش فيك عني تعوقت
طال الرجا والشوق ماهوب بينطاق

.....

‏خذوا الفعول وردوا العلم عنا
‏ياللي تدور من ورانا عذاريب

‏تنافسوا على رداكم وحنا
‏متنافسين كل ابونا على الطيب

.....

‏ناسٍ تبيّن لي مع كل شدّه
‏وناسٍ توارت يوم محدٍ زهمها

‏وناسٍ عدمها من حياتي مسدّه
‏وناسٍ لا والله جعلني ما اعدمها

.....

‏معذبٍ نفسك وزايد حماسك
‏ماتدري ان الكذب عيب وفشيله

‏فصلت لك ثوبٍ ولاهو قياسك
‏الثوب قاصر والمخابي طويله

....

حاول يكـون لنظرتك هيبه وصيت
لأن الثقه بالنفـس فضـل وفضيله

وجامل وعامل بالمثل وخلك ان جيت
جية مطـر وان غبـت غيبـة قبيـله

....

ما كل واحد في كلامه موفّق
‏الخبل دايم سالفته اجوديّة

‏سيله من جبال العلوم يْتدفّق
‏تفرح به اهل الثرثرة والقفيّة

‏اذنه على اسرار البيوت تْشفّق
‏كنّه يجازا لاجمعها عطيّة

....

لا تغير شي من طبعك لجل محبوبك
الحبايب راضيه بأحبابها ومرضيّه

العيون اللي تحبك ماتشوف عيوبك
لو خطاياك أكبر من الكورة الارضيه

.....

‏جعل يفداك القصيد إللي يثير إعجابك
‏تدري إن ذكراك بين الذكريات أزينها

‏حافظك بأصغر تفاصيلك وأدقّ أسبابك
‏ومعتبرك أجمل توافيق القدر وأثمنها

.....

‏إن ڪانها غيبه وبترجع بأحتريڪ
‏وان ڪنـت نــاوي نفترق خذني معڪ

....