فوق هام السحب ( الشعر الشعبي) على متن القوافي

‏يا حبيبي كل ما ضاق المزاج
منك تسعدني الحكايا الدافيه

ما ابي دكتور يصرف لي علاج
شوفتك تكفي تجيب العافيه

بيني وبينك مشاعر واندماج
بالمحبه والقلوب الصافيه

ابتدينا الحب يا طلق الحجاج
يوم عين الشك عنا غافيه

نورك اللي شاع في قلبي سراج
والف شمعه بعد حبك طافيه

وقبل حبك خافقي حوله سياج
كيف احب اهل القلوب الجافيه

انت كلك حب صادق وابتهاج
ومنك تكفيني الحكايا الدافيه

....

عطني يديـك وسكّر عيونـك شوي
واتخيّل ان الكون ماشي ومقفي

باقول احبك وان شعرت امسك يدي
لا تقول احبّك قبضة يديك تكفي

....

ياويل قلبي منك ياكثـر ما اغليـك
أغلى من الدنيا ثراهـا وسماهـا

ياويل قلبي منـك لاحـل طاريـك
نفسي وهي نفسي تشـك بغلاهـا

....

سألت عنك الشوق والذوق والحب
وناديت لك في كل وقت ودقيقة

يمرني طيفك وانادي له ارحب
وانا ادري انه طيف ماهو حقيقة

....

‏يامساء الخير والدنيا بخير
‏يامساء مسكنه بيض القلوب
‏
‏يا مساء الطير لا غنى لطير
‏في لحن شوقً له المسمع يذوب

....

‏انا كل ماجيت انتظر جيت المحبوب
‏تركني اسير الوقت و قصده يجنني

‏وهذي دروب الحب والحظ والمكتوب
‏يا لله عسى المحبوب ظنه على ظني

....

‏يامساء الخير من بعد السلام
ويامساء الذوق يل اهلًا هلا

يا مساء الورد بالناس الكرام
يا مساء الشوق وحروف الغلا

....

ضلـوع صـدري للوطـن فيهـا بـلاد
‏وبكـل شبرٍ مـن بـلادي لـي وطـن
💚🇸🇦

لا تعلقني على وصل وقطاعة
ياتسر القلب والا لا تضره

....

من بـاعـني زعـلان بـعـته اليارقت
‏مـاني معـلق في سـواحـل عـيونه

‏عـندي قناعه ما تـغـير مـع الوقت
‏إن الغـلا يـسـتـاهـله من يـصـونه

....