فوق هام السحب ( الشعر الشعبي) على متن القوافي

الدرب خله سمح لاتزرعه شوك
يمكن يجي لك يوم وتمر حافي

....

ماﻛل شخص قال وش فيك رديت
لأني ٱشوف ٲحيان ﺻمتي إجابه

الصمت في عوج الحنايا بنى بيت
يصعب على بعض العرب فك بابه

....

‏وان علمتني الفاتنه وشلون اسير بلا بصر
‏علمتها الفنجال وشلون اتحدى واشربه

‏وعلمتها إني كذا طال الزمن ولا قصر
‏وان اعذب الحبّ اصدقه وان اعذب الشعر اكذبه

....

يا الله يا منـــزل تـبارك والانــفال
‏تكتب لنا عفــوك وعتقك من النار

‏يا منجيٍ ذا النون من درك الاهوال
‏يا واحـدٍ تعلـــم خفـــيات الاسرار

آمين

‏ما للزمن في حزنــك وفرحتــك رأي
‏عش يومك وقلبــك بالأقدار راضــي

‏واللي يقول الماضي أحلى من الجاي
‏قله مصير الجـــــاي بيكون ماضــي

....

واللي يريـد الوصـل يـا مكثـر الطـرق
‏ لـو وقفـوا كـل العـرب فـي دروبـه

محمد بن فطيس

أنا فجرك وأنا صبحك وأنا عصرك وأنا ممساك
‏وأنا اللي لا خذلك الوقت ما خليتك لحالك

‏أنا كفك وأنا سيفك وأنا رمحك وأنا شلفاك
‏وأنا اللي لا عدوك الناس أول شخص يطرا لك

‏أنا وجدك وأنا شوقك وأنا قلبك وأنا مضناك
‏وأنا اللي لا هزمك الشوق اجيك اوقف قبالك

....

‏ضمني والشوُق في قلبي مصبه
خل عطرك يوم اشوفك يحتويني

لا تحداني على كثر المحبه
انت في دنياي ثالث والديني

....

يقولون بان الزين مثل الحيا متبوع
وانا اقول طالت طرقتي يا مشاويري

لي الحين حول اسبوع واكثر من اسبوع
وانا منشلع قلبي ومسلوب تفكيري

غدا بي غزالٍ حلو خلقه وحلو طبوع
تقول يحلف والله ما تنسون تاثيري

....

اللي يسوِّي الطيّبـه من نصيبه
يلقى بها قدمه معاميل وفراش

والبعد ما ينحى الفتى عن صحيبه
والقرب ما ينفعك فالصاحب اللاش

فالح الزراقي