فوق هام السحب ( الشعر الشعبي) على متن القوافي

‏احب الرفيق اللي يسير بلا ميعاد
‏ واحب الشجاع اللي خصومه يهابونه

.....

‏ياطواري الوجد والشوق والليل الطويل
‏كيف اجاري دمع عيني وانا قلبي يذوب

‏خلني في بحر حبك ما ابي بحر الخليل
‏في كنف صدر المشاعر وبالبال الرحوب

.....

الـــــود لايـطلبْ ولاينعطــــى جبر
‏إن كان مـاسـاقـه لـهيب المـشـاعـر

‏من عُـقب لهفة شوق ومجالد وصبر
‏وأحساس مُرهف يجعل القلب شاعر

.....

‏أنت لي في صبح الأشواق تعديلة مزاج
‏كن صوتك لا أصبح الصبح فنجال قهوه

.....

‏فعيوننا عند لحظات الوداع إشتياق
‏إذا حصل بيننا اللي ما نبيه يحصل

‏انـظر لي بنظرة اللي يكرهون الفراق
‏وانظر لك بنظرة اللي يعشقون الوصل
‏
بدر بندر

لاتقوم تحط نفسك تحت رحمة حظك
اجتهد وان طاح حظك حط رجلك فوقه

.....

‏الظروف تفر راسي وانا بالي طويل
‏ما ذبلت عزوم نفسي ولا ذليتھا

‏الليالي ما عطتني سوى الشي القليل
‏بس روحي من قليل العطا اغنيتها

.....

‏تهز البدن كلمه تجي من عديم شعور
‏ويقفي ولا يدري وش أتلى عواقبها

.....

‏مؤمن بالقدر والصبر إتخاذي
‏ما بعد ضيق الصدور إلا سعتها

‏وش يحزّن خاطري والارض هذي
‏كل حي ٍفوقها يرجع تحتها

.....

‏عسى الأفراح في قلبي وكل الخير في دربي
‏وتبقى دايم بوجهي ملامح فرحتي حيه

آمين