فوق هام السحب ( الشعر الشعبي) على متن القوافي

من المَاسي كل يومّ الحظ عَيا مايقوممِ
في كل ليله انتظرَ فرحه تنسَيني الهموم

.....

لا تمد لكل واحد غير حقه
البن ادم لا لقى الزود يتعدى

.....

كم خاب ظنن كنت اظنه مايخيب
وكم باروا الاصحاب فينا للاسف

وكم صالفت بقعا عساها للذهيب
وفي عز شدتها قلبناها ترف

مساعد الرشيدي

‏عليك السلام وكل ماجيت لك سلّمت
سلام العفيف اللي يحبك على الفطره

.....

أكتب غلاك بصفحة الطيب والجود
على الوفاء يا صاحبـي ما نسيتك

وأنا الذي في صحبتك حيل محسود
لو تطلب عيـوني وروحي عطيتك

.....

يارب يسرها على كل ضايق
ورفع ستار الهم عن كل محزون

لو كان في درب السعادة عوائق
تهون مع رحمتك يا خالق الكون

آمين

‏عقب الغلا ومزارق الطيب بالطيب
‏صار الغلا والطيب ذكرى قديمه

‌‏الله يعين اللي جروحه معاطيب
‏وباقي على مبدأ وشيمه وقيمه

.....

‏الحب لك يالروح أكثر من أحساس
‏والعشق لك فى القلب حتى مماتي

‏أنا معك انسان عارف ولي احساس
‏وأنا بغير انسان فاقد حياتي

.....

يا كثر مافي شعوري حنين وذكريات
‏كثر ما سرّيت قلبي بطاريك وسريت

‏يا نديم الشاعرية وروح المفردات
‏ما بعد يا وجد روحي عليك إلا ياليت

‏البيوت اللي تعلّمك عن معنى الحياة
‏لو تحس بصادق احساسها كان استحيت

‏يوم ودّعنا بعضنا وحسيت بشتات
‏اذكر اني بعدها مانمت لكن | ما صحيت

‏توّي اصحى يا حبيبي بعد طول السبات
‏اثرني ميّت من الشوق وأنا ما دريت

.....

‏معك عشت إنتصار ومنك ذقت انهزام
‏وفيك صغت الحروف وعنك ردّيتها

‏كل طعنة بصدري مثل طعن الحسام
‏كنت خايف تسوّيها وسوّيتها

‏وكل فرصة عذر مرّت مرور الكرام
‏كنت اظنّك تغانمها وخلّيتها

‏أنت مثل الحياة الفانية بالتمام
‏عارف إني بخلّيها وحبّيتها

.....