فوق هام السحب ( الشعر الشعبي) على متن القوافي

‏ياعاشق الدنيا تراها محطات
‏تعيش في ديره وتفنى بديره

‏لا ياخذك طرد الهوىٰ والملذات
‏اذكر محطات الحياه الاخيره

.....

نمشي ولا ندري متى الوقت بيزين
ونصبر ولو جور الـــــدهر ما رحمنا

.....

أنا اشوف المفارق خير من وصلٍ بلا ودّ
‏علاقات المحبه ودّها أكبر من مواصلها

.....

على الله يزين الحال وان كان مازان
مقاسيم ربي كلها عندنا خير‌ه

.....

تعال حل المساء دام المساء حل
تحلا بك الجلسه ويحلا بك الجو

غيابك اللي طال مالك معه حل
غيرك يجوني بس ما كنهم جو

.....

يـاظلام الليل ماعـنـدك جـواب
عـن ولـيف راح والـخــافـــق معه

.....

عزاي إني على قيد الأمل لو السنين تميل
مثل شمسٍ تعدّاها المغيب وتنتظر بكره

.....

عيش الحياه وعيشها كيف ما جات
تكسب رضـا نفـسـك ويرتاح بـالك

لاصـار ما هـي دايـمـه لك سهالات
اخـسـر ولا تخسـر رفيـقٍ صفـالك

.....

بعض الوجيه جميله نفس وأطباع
ما يشبه إحساسها إلا جمال الطبيعة

وبعض الووجيه جماد لها بس بقناع
لو تكشفه تشوف لك شوفه فضيعه

.....

خلك مثل ماقيل للعزم تبّاع
مافيه صعب الا وربك يحلّه

.....