فوق هام السحب ( الشعر الشعبي) على متن القوافي

لو القمر يقدر يوكل محامين
‏ويرفع على زينك ملف وقضيّه

‏مايغلبك بالزين ياكامل الزين
‏وفيك الحلا والذوق والجاذبيّه

.....

أشهد إن القلب يجهل والحياه تعلّم
والضروف تقيّم الأصحاب واحد واحد

.....

أوّل أيامي معك جامعه كل الشتات
‏ أذكري كيف آتمنى وصالك واللقى

‏يا حبيبي عاشقك باقيٍ ليين الممات
‏ لا تروح وتتركه بين همّه والشقى

.....

‏قالـو غـلاتـه قـلت يـانـاس صعبه
‏أُوصِّف غلاه اللي على الروح مغليه

‏ سـعادتي لـوهـي دقايـق بـقـربـه
‏تسوى العـمـر كـله مع كـل ماضيه

.....

يابنت ياللي تعرفين المشاكيل
‏لا تعشقين الامعه والهلامه

‏والشاعر اللي بين ضول الرياجيل
‏يسوقه لدرب الملامه كلامه

‏اما ذكر وصفك بادق التفاصيل
‏ولا تكلم عن خصايص غرامه

‏شومي لذربين الكلام الحلاحيل
‏اهل الكرم والمعرفه والشهامه

.....

‏ماعليك من البرود وما عليك من المكابر
‏والله انك غاليٍ جدّا وفي قلبي لحالك
‏
‏انت في قلبي مقيم وغيرك من الناس عابر
‏وانت تامر ياحبيبي كل ماعندي حلالك
‏
‏وماعليك من الكلام وما عليك من المخابر
‏قلبي اعلن واعترف بان الغلا وان الولا لك

.....

عليك الغرآم يحدني حدة المحتاج
‏ذبحه الحيا والناس شحت بمدتها
‏
‏أنا ابغيك بس خايف من الإحراج
‏وانا مادمرني غير نفسي وعزتها

.....

على نور الصباح وهب ذعذاعه وصوت الطير
‏ثلاث أشياء كفيله تنعش أشواقي وتحييها

‏صباح الطيب ولا الفل ولا الحب ولا الخير
‏تخيّر في الصباحات الجميله وأنت راعيها

.....

‏انطق بقول الحق والحق راحة
مافاد في العالم فنون التعامـل

جاملتهم قالوا وين الصراحة
صارحتهم قالو ماتعرف تجامل

.....

‏كانك تبي تامن الطيحه
‏ لا تكسب العالم اخسرها

‏ الـقلب بالصدر مرجيحه
‏ كثر المحبين تكسرهـا

.....