فوق هام السحب ( الشعر الشعبي) على متن القوافي

ياللي خطفت بكل مافيك الأضواء
أنت البلاد وباقي الناس غربه

البيت هذا ماهو بحاجة إهداء
مجرد إني أكتبه دل دربه

.....

الوقـــت لا بده ليا شـان واعياك
‏يسقيك من حلوه وتنسى هماجه

‏اصبر على الشدات مهما تحداك
‏كـــم مزنةٍ يسبق مطرها عجاجه

.....

‏على كوب قهوه والبحـر عانه اقبالك
‏تجي لك طـيـوفٍ قبل مانت بتمناها

‏ولـكـن بـعـض احيان الافكار تحلالك
‏لامنك وضعت ايمينك بوسط يمناها

.....

على تفاصيلك وعطرك عظيم السلام
‏وعيونك اللي تجيب العيد من غير عيد

‏انتي كريمة ومريتي مرور الكرام
‏ولا تركتي خلافك غير قبر وشهيد

‏يا فاتنه من الى حتى بلوغ المرام
‏لا زال عودك طري لا زال طلعك نضيد

‏لو ضمت كفوفي كفوفك علي الحرام
‏ماحط في ذمتي غيرك من الغيد غيد

.....

‏يا مالـك قلبـي و عينـي تراعيـك
‏لبيت قلبي يوم هـاض بغرامـك

‏أحترت مـن زود الغلا ويـن اوديك
‏حتي عيونـي ماتليـق بــمقامـك

‏والله لو صدري يضمـك ويحويك
‏لجعلك فوق القلب تبني خيامـك

.....

زين حياتك بالدعاء والعبادات
وامشى بها واطلع نقي السريره

لا تخاف من قرب الوعد للنهايات
الله غفور ولو ذنوبك كثيره

.....

‏ياللي مسـاك اسعــد خلايـق يمسّون
و ياللي صباحك به نسايم واحاسيس

و ياللي مكانك داخل القلب مضمون
والحسْـن عندك ما تقيسـه مقاييس

.....

أشوفك بالدروب وفالملامح كل يوم تبين
‏وأحس إن الخطاوي كلها صوبك توديني

.....

يا غصن الغرام الي سقاه القصيد ومال
‏ما مرك سحاب الوصل في يوم عصريه

.....

‏قلبـــي سجيـــــن الحيأ وطيبته زاده
لو شان وجه الزمـن ما شانت أخلاقي

وانا تربيــــــت والطيبــــه لنـا عاده
واخلاقـــــي العاليه واسلوبي الراقي

قصــر المكارم مشيـد فيني امجاده
وقصر الوفا والشهامه ساكن اعماقي

والطيب في داخلي مغروسه اوتاده
ماحيل وابقـى على عهدي وميثاقي

.....