فوق هام السحب ( الشعر الشعبي) على متن القوافي

‏لاتعتبر صدك عن الناقصه عيب
العيب والله زلة فوق. زله

اهل المكارم تجزي الطيب بالطيب
والناقصه ردك عليها مذله

.....

‏احذر تعاتب من تعمد يجافيك
لوم العتب بعـد التجافي مذله

لاخير في من باع عهد الوفا فيك
ولاخير في خلن جفا عهـد خـله

.....

‏وش المحبه دون وصل المحبين
و وش المواصل دون شوق الحبايب

ترى المحبه تقسم القلب نصفين
وعزي لمن نصفه غدا اليوم غايب

.....

‏ودي بقـربك واحـــلم اني احاكيك
و يشدني لك شــوق صمته ذبحني

دايم بعـيني ويـن مَ رحـت الاقيك
حبك ترى عن حب غيرك سـرقني

ياساكــن أعماقــي أنا ميتـن فيك
وعشقــك تملكني وحبـك اسرني

وعقلي بكل الوقت يسرح بطاريك
والشوق لك ياحـب روحي حرقني

.....

‏يارب يارحمـــــن ياعالــــي الشان
ادعيـك تجعـل دعوتــي مستجابه

تبعـد على قلبي همومـي والاحزان
وتزيــــــح عنـــي ضيقتي والكآبه

ويارب تـرزقني السكينه والايمـان
وتملى حياتــي بالفــرح والطرابه

وتحفظ بحق اليوم اهلي والاخوان
وتحفـظ لقلبي رفقتــه والصحابه

.....

‏لو يتيح العمـــــر فرصــه في حياتي
كـان ماحبيـــــت فــي الايـام غيرك

انت غايــة مطلبـــي وانـت امنياتي
وانت قصـري في الهوى وانا اميرك

اعشقك عشق الهواء مـن كل ذاتي
واعشقـك كلك مـع شـرك وخيرك

واوعــدك مادام باقـي فــي حياتي
والقسم طول العمر ما ارضا بغيرك

.....

‏جيتــك اصبــح يامنــى الروح بالنور
وأقـول يا الغالي هـلا كيـــف حـالك

يالله عساك بخـير طيـــب ومسرور
ويالله عساني مانحـرم من وصالك

وعساك طول العمر بالخير مغمور
وعسى السعاده دايـم الدوم فالك

.....

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....