فوق هام السحب ( الشعر الشعبي) على متن القوافي

‏لا تكتم شعورك وانا شابع سكات
‏لا أشتقت لي قلّي وباقول لا اشتقت

‏وصوّر لي عيونك على مر الأوقات
‏مردّها بْتقفِي عيونك مع الوقت

.....

‏ياللي عن أنـظـار المضافين خافي
‏مالي على التغريد بـغـيابكم شف

‏والنـاظر المـحـزون للنـوم عــافي
‏لا تطول الغـيـبات في حـالتي رف

.....

طرف الليل وانقاد النسيم وتنبه
‏خاطرٍ من صواديف الزمن فيه حرّه

‏ليت قلبي ذعاذيع الغلا ما تهبه
‏وليت عيني تجود بدمعها ما تثره

‏كيف ابسلا وانا اطا كل ليله مربه
‏وتعترض صورته واقول لله دره

‏تهت مابين عنق وبين منحر و لبه
‏وعين حر وجديلٍ ضافي وخصر حرّه

‏قد طلبته وانا المطلوب مانيب احبه
‏وقد تبعته وانا مانيب تباع جرّه

‏يوم شفته نوا الهجران من دون سبه
‏وقام يكثْر علي من العتب و يتشرّه

‏قلت درب الفراق اللي تطريه ذبه
‏واخذ معك الغلا الباقي بخيره وشره

‏قال قلبك قسى بعد الوفاء ؟ قلت صبه
‏ما بقى في مداهيله للاشواق جرّه

‏من طروق الغرام ومن دروب المحبه
‏سامحٍ خاطري ماعاد لي شف مره

.....

‏ذقنا ملذات الهوى حب وفراق
‏وشفنا من صدوف الزمن واكتفينا

‏وعشنا ثلاث سنين بالضبط عشاق
‏احلى ثلاث سنين مرت علينا

.....

‏ماتركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فـ انا اوّل من يشيله
‏وان تمادى بالسهر ليله فـ انا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

‏لعنبو من ذل نفسه لغــير امه وابوه
‏لو تــروح الـروح نفس الفتى ما ذلها

‏علموا من هان نفسه لمطمع علموه
‏شيمة الرجـــال تســوى حياته كلھا

.....

‏أصل البكا يا صاحبي من كذا نوع
‏مره وله ومره حزن ومره إخلاص

‏إحدٍ إليا منه بكا طـــاحت دموع
‏وإحدٍ إليا منه بكا طاحوا آشخاص

.....

‏عذرك تحبين القصايد وعذري
‏انك طموحات القلوب النبيله

‏أنا اختصرت الناس بإبداع شعري
‏وانتي اختصرتي كل أنثى جميله

.....

‏عطوني اللي مرّها ماهو مثل مرّ الحياة
‏ما كنّها الّا ترفةٍ يستر زعلها زِينها

.....

‏وقفة الطيّب اكبر من حدود الكلام
‏الذهب مايصدّي والمواقف محك

‏عـادة الوافي اللـــي يدفعك للامام
‏كل ماضــاقت الدنيا بعينك ضحك

.....