فوق هام السحب ( الشعر الشعبي) على متن القوافي

‏لا صرت ماتمشي مع الناس محتاج
‏ولا جاك في بيتك من الناس ديان

‏ولا شلت في جيبك مواعيد وعلاج
‏هذي غناةٍ ما تقدر بالأثمان


........

من لا يحوش المرجله قبل لا يشيب
‏ويشوف بعيون الرجال احترامه

‏اصغر عيال الذيب يكبر وهو ذيب
‏وفرخ النعامه طول عمره نعامه


........

من الادب لامن تخاصمت وياك
احفظ لسانك مثل ماحفظ لساني

انصت لي بوعيّك وناقش بـ آدراك
ولا تسير بكل موقف اناني

اسلوبك ونطقك ومعدنك واقصاك
يبين لي وقت الزعل في ثواني

اما كبرت بعين صاحبك واغلاك
والا غديت بعينه انسان ثاني


.......

‏قلوبنا ماتعرف الحقد والصد
‏ ونطيب فاللي مايطيبون فينا
‏
‏نحب لكن فالمحبه لنا حد
‏ لا وصلت حدود الكرامه مشينا
‏
‏وان ضاقت الايام ناقف لها ند
‏ نضحك لها قدام تضحك علينا

.......

ماكل من تعرفه ترتاح لأطباعه
‏الناس في القلب من قيمة مواقفها

‏تقابل انسان وعيونك على الساعه
‏وانسان لاقابلك ودك توقفها


.......

مافيه داعي ل الزعل والانفعال
‏ومجادل الجاهل وكثر اللجلجه

‏خلك على ماقيل شيّال الثقال
‏ومن يبي يزعجك صمتك يزعجه


.......

‏النبا الزين يكفي عن قعود وخروف
‏مانصوك العرب من جوع والا ضما

‏واحدً يلتوي وجهه لا شاف الضيوف
‏جعله الوجه وعيونه عساها العما

‏عبدالعزيز الوذيناني

‏بعض العـرب طبعه صراحه يحيّر
‏ليا تركته جاك وإن جيت خلّآك

‏و بعض العرب مثل الذهب ماتغيّر
‏مادام له عندك قدر صعب ينساك
‏
.......

العمـر كلـه دورت ايام وسنيـن
والنفس تجلس في لحدها وحيده

مـاينفعك يـاكود دعـوة محبين
وافعال خير في حياتك مديده


.......

امانه يانسيم الليل تحياتي توديها
إلى عند الوليف اللي بصده حرق اشجاني.

وشف لي وش دها حاله وحالي لاتخفيها
ابيك توضح لخلي غرامآ هز وجداني.

ترى الاحزان من عقبه معي زادت تحديها
واخاف ان طالت المده اموت وكلي احزاني


.......