فوق هام السحب ( الشعر الشعبي) على متن القوافي

‏لاعاد تنشدني عن فلان وفلان
‏حيين لاكن عندي انهم توفو

‏علمي بهم نمشيى سوا مثل الاخوان
‏لكنهم يوم استوى الدرب لفو

‏معاد بالدنيا لا خوه ولا امان
‏لاصار مابه مصلحه منك قفو

.....

‏اعتذر من صاحبي حتى لو أنه مخطي
‏والخطا لاجا من الغالين تحت أقدامي

‏بس تدري وش يجنني ويرفع ضغطي
‏واحد يحكي وراي ويبتسم قدامي

.....

‏البارحــة مـرني طيفك بنص الكلام
‏واشتقت لك لين قالوا كمل السالفة

.....

‏لا تدقق في الامـــور ولا تبرق
‏بارك الله فالبساطه والسهوله

‏الكـــلام الـزين يجمع ما يفرق
‏والكلام الشين ودك ما تقوله

.....

كن مـثل ما ودّك تكـــون لكن لاتصير
‏مثل من يجهــل مكانه ولاّ ينشــد عنه

‏وانتبه لا تحقــر صغـــير وتجادل كبير
‏الصغير اضحك معه والكبير استح منه

.....

‏اليوم ما عاد به صكات ومواجه
‏في ساير الناس لا اشكك ولا ارّيب

‏لاشفت من غيرت الايام منهاجه
‏جزعت منه جزوع امجري الهيّب

‏مالي ورى الناس لا مطلب ولا حاجه
‏ما دام رايي وجيه ومنهجي طيّب

.....

ريحت شمــاغ ابــوي لاجاء من الذود
‏وريح الجـــلال اللـــي تصلـــي به امي

‏اطيب من اغلى نوع في المسك والعود
‏وعـــلاج صـــدري كـــل مــا زاد همي

.....

‏الأم موطن حب وإحساس وأمان
‏يـدري بها اللي في حـياته فـقدها

‏تجمع شتات البيت مابين الأخوان
‏وفـي عينهـا أغلى الـخلايق و لدها

‏عد وتخــير في البشر كـل من كان
‏كم خـرجـت إنســـان ناجح بيدها

‏الناس تلهى عنك في بعض الأحيان
‏وأمك مـدار الوقت تسخي جهدها

.....

‏تمر الشعور وتسكن الصوت حين دْعاه
‏وتستوحش دْروب أنتظاري مشاويرك

‏يا ذنب الشعور اللي متى ما تتوب خْطاه
‏تعثِّر له الذكرى على درب تكفيرك

‏يمرّون غيرك فوق موق العيون أشباه
‏فتنت الليالي لين عافت عوض غيرك

.....

‏اهم حاجه ما قال الله وقال الرسول
‏يا راجي الناس عند الناس وش ترتجي

‏الزود زود الثقه والنقص نقص العقول
‏مهوب نقص الفلوس اللي تروح وتجي

.....