فوق هام السحب ( الشعر الشعبي) على متن القوافي

بين تأكيدي ومابين احتمالي
‏كم كشفت اشياء مابي اكتشفها
‏
‏الامور اللي تنقص قدر غالي
‏والله إن ودي اموت ولاّ اعرفها

.....

لو تعدّيتك يرجّعني لدربك حنين
ولو تناسيتك ترى ذكرياتك ما سهت

أصعب أنواع العلاقة نكون مْعلّقين
لا رجعنا مثل أوّل ولا حتّى أنتهت

.....

يفداك عمرن ضاع كله حسافه
‏على الزمان اللي قضيته بدونك

‏جيتك بقايا حب هذا اعترافه
‏اهواك احبك اعشقك ما خونك

‏يعني احبك حب اسمه خُرافه
‏لطرّوا اساطير الهوى يذكرونك

.....

من بين كـل الخلائق قلبـي اختـارك
ما كان حسب الاراده حبك اجباري

أصبحت كالنحله اتنقل على ازهارك
أصنـع فطائر واغذيهـا من اشعــاري

يـا ليتني لحــن تعزفنـي بجيتــــارك
وليت وصلك نغـم ينبـع مـن اوتـــاري

أجبرتني فيك لا تلعـب بك افكــارك
محال الوم القدر وانت اجمل اقداري

يا زين لاتدفن احلامــي مع اســرارك
لو مات حبك يموت الكـون بانظــاري

.....