فوق هام السحب ( الشعر الشعبي) على متن القوافي

‏لبى المساء تاملته على شانك
‏ولبى حروف تفرقها وتجمعها

‏يازين كلمة مـساء الخير بلسانك
‏من حلوها كني اول مره آسمعها

.....

‏أبتسم ترى العمر تحصيل حاصل
كُن سعيد اكثـر تكون اكثر وسامه

السلام أسهل أساليب التواصل
واجمل أنواع السلام الإبتسامه

.....

‏ماكل شخصٍ يملي الطيب عينه
‏بعض البشر لو زاد طيبك تمرد

.....

‏قلوبنا ما تعرف الحقد والصد
‏ونطيب فـاللي ما يطيبون فينا

‏ونحبّ لكن فـالمحبه لنا حد
‏لا وصلت لحد الكرامة مشينا

‏وان ضاقت الأيام نوقف لها ند
‏نضحك لها من قبل تضحك علينا

.....

‏ياللي غيابك حطني في مصيبه
‏اختار من بين الحلول ابسطها ؟

‏تبغى جفى ، ولا وصل ، او غيبه
‏فكر ترا خير الامور اوسطها

.....

‏أنا جناحي عز يا وجه الأيام
كيف ألتفت للي يجيني بوجهين

.....

في خيالي وجهك المألوف ساطع
عفت كل الناس من زحمه طيوفك

كـــن وجهك لافته في كـل شارع
وين ما اتوجهت فعيوني اشوفك

.....

تقاويت سلمي احسبني عليك امون
‏اثرني غلطت وغلطتي مالها داعي

.....

المواقف ما تجامل و الفرص دواره
‏والليالي تكشف اللي بالحكى متزيّن

.....

‏ بشروا راعي الصبر حلمه قريب
‏ لو يطول الوقت لا يفقد رجاه

.....