فوق هام السحب ( الشعر الشعبي) على متن القوافي

‏خلّ عنك اللي لو يلجّ العرب بصياحه
‏وكلّم اللي ما تغيضه عثرة المتكلّم

‏صمته أبلغ من مديح العالم المدّاحه
‏واحد ٍيقضي لزوم ولا يحب يعلّم

.....

ويتكدر خاطري يوم آتذكّر
‏جادلٍ قادت مقاديم العفارى

‏باب قلبه عن هوى غيري مسكّر
‏مثل قلبي عن هوى باق العذارى

‏يا عيون اللي على الداعي تنكر
‏بايتٍ بالرجم ما صاد الحبارى

‏يجدعون الشلو قدمه ويتفكر
‏ضيّقوا صدره مداوير السدارى

.....

‏من اللي يقول العين ماتكشف المستور
‏كلام العيون اصدق من الموت في حيّنه

‏صحيح الصدور قبور بس العيون تبور
‏خصوصاً ليا سن الجفا راس سكينه

‏هذا اكبر دليل اللي تغافل وعاش الدور
‏بغا ينكر الموضوع واستسلمت عينه

.....

‏حمامة سلام ساقك الله لقلبي لين
‏ربيتي ورى عوج الضلوع وتمكنتي

‏عليك السلام الصادق ايلين يوم الدين
‏سلام يحفك بالرضى وين ما كنتي

‏ياكثر الوله من يوم غبتي اللى هالحين
‏وياكبر الفراغ اللي ما يملاه غير انتي

‏لاعل العوض فالليله اللي تضم ثنين
‏اللى امنّت بعد الفاتحه وانتي امنتي

.....

‏القلب بيت شيوخ ماهو بفندق
‏ما كل من زاره حبيبي سكن فيه
‏
‏ودك تصدق ما تبي لاتصدق
‏قلبي تربى ما يبي من يربيه

.....