فوق هام السحب ( الشعر الشعبي) على متن القوافي

ياوجـودي ليت مالي على الدنيا وجـود
او وجودي ليتني عشت بالكون اوّحدي

وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي
ِ
اتقلب في فراشي وخلق الله رقـّود
وينه اللي يقسم النوم واقول بعدي

مرحباً ياقشر الاقدار لا جيتي وفود
فطرة الله في ضلوعي تحيّي موقدي

.....

أمل الوجار وخلوا البـاب مفتـوح
خوف المسير يستحـي مـا ينـادي

نبغي الى جاء نازح الـدار ملفـوح
وشاف البيوت مصككة جاك بـادي

يقلط لديوان به الصـدر مشـروح
ورزقه على رازق ضعاف الجرادي

محمد بن شلاح رحمه الله

اكـبـر عـلامـه في قـلـيـل التوافـيـق
لامـن نصـحـتـه قـام يشعب ذلوله

والنصح من طبع الرجال المطاليق
الي لـيـا طــاح الرفـيـق افـزعـو له

والا الـرخـوم تـوهـق الناس تـوهيق
ومـن جـاب نكـبـه كـلهم صفقوله

لاعـنـدهـم ذمـه ولافـيـه تـبـريـق
اهـم شــي ان الـهـدف ياصلوله

.....

التفاؤل والثِقه بالله تصنَع مُعجزات
والتوكل والرجاء والصبر مفتاح الفرج

والتشأؤم يقتل الهمِه ويفسد مُنجزات
والبلاء من يستمع هرج المُثبط لاهرج

تجربه في مختصر بيتين مني موجزات
والنشر للفايده من باب حدّث لاحرج

.....

ان ادبرت ولا أقبلت دنيا نهايتها حطام
سجده على وجه الثرى اخير منها كلها

.....

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

خلك على الدنيا صبور وقوي باس
وخلك على الشده قوي العزيمه

ولاترتجي رد الجمايل من الناس
الناس إذا افتكيت أذاهم غنيمه

.....

مضى مامضى والله على المقبلات يعين
وعسى الله يهونها على القلب لاشآنت

نسوق القدم ونقول جعل الزمان يزين
والاجواد لاضاقت يقولون هي ھآنت

.....

يميّز الانسان عقله وثقله
وانا بعمري ماتصنعت ثقلي

اخاطب الجاهل على قد عقله
واخاطب العاقل على قد عقلي

.....