فوق هام السحب ( الشعر الشعبي) على متن القوافي

‏لو كنت آنا مع لمّة آلناس مرتاح
ماجيت آدوّر في عيونك ملاذي

يفدآك دمعٍ في مساء غيبتك طاح
وعيوني آلثنتين هذي وهذي

.....

‏الشوق والاحساس والحب لك انت
ولا ترى غيرك من الناس عادي

لاهان قلبن شايلك وانت لاهنت
حبك وسط قلبي وداخل فؤادي

.....

‏من يلتجأ اليك يارب ماخاب
‏الك الشكر والحمد دقه وجلّه
‏
‏اذا البشر تعفي على عتق الارقاب
‏يارب عفوك ياسع الكون كلّه

‏سياف السواط

يارب تعرفني وتعرف نواياي
وتعرف جميع ظروفي المستبده

احيان اصيب الراي واضيع الراي
واحيان افتح باب واحيان اسده

.....

الثلاث اللي من اسباب السعادة
الوفاء والخلق والنيه سليمه

والثلاث اللي من اسباب النكادة
الخطاء والظن الاقشر والظليمه

.....

من عرف وش لذة الحسن ما يبغى الحياة
مايبا الا حسن وجهك وحسن الخاتمة

.....

‏تلعب مع النود لا حرك غصون الجريّد
وما مس شامة نحرها كون سلسالها

.....

الحر مايرضى على نفسه الميل
وإن كان شانت باعاها ماشراها

.....

يالله يا قابـل صـلاة الخاشعين
‏ياعالمٍ كـل الامــور الخافية

يارب تشفي كل مرضى المسلمين
‏وتجمع لهم بين الاجر والعافية

آمين

أمشي على طيب الفكر والنوايا
وان طابت النيه ترى سعيها طاب

لاصارت الحاجه بـايدين الردايا
اقفيت أردد منة الناس بتراب

.....