فوق هام السحب ( الشعر الشعبي) على متن القوافي

طريت في بالي وفجأه تبسمت
وغمضت من لذة خيالي عيوني

الليل والذكرى وطاريك والصمت
هالأربعه في غيبتك سامروني

.....

ياطبيب الروح قلبي ماتحمل
العتاب الي وصلني من جهاتك

وانت من خليت ورد الحب يذبل
في بساتين امنياتي وامنياتك

وانت من تجرح وتزعل ليه نزعل
وانت سم الحب يقطر من شفاتك

ليش لي رديت باب العشق مقفل
وانت من اجبرتني ادخل حياتك

طارق محمد البداي

جيتك غريب ٍضايع الخطوات في ليلٍ طويل
‏أبصرت بك فجر ٍضحك لي نوره وغيثه همىَ

‏من جرب وصالك ماعاد يطيب له غيّرك بديل
‏يشوفك لحالك سحابه والبشر كلها ظمى

.....

الشعر ما يروي عطش قلبٍ مقهور
ولا يداوي جرح نفسٍ امغبونه

ولو نكتب الأبيات بإحساس وشعور
نار الحزن تفرض عليها لحونه

تبكي الحروف وتنحني داخل السطور
ويذوب صبر القلب وسط سكونه
يا ليت بعض الهم ينقال ويدور
ولاّ يزول بخاطره من يخونه

.....

لا تتلف الروح لجل الناس ترضيها
وهمّ ولا يوم سوّوها على شانك

والله ماتندم على الدنيا ومافيها
لو تعرف الوقت من موتك لنسيانك

.....

ترى التشكي للمخاليق يشــــــنـاك
يحط من قدرك ويفـرح امعــاديـك

وكثر التـشره يجعـل الناس تجـفاك
ولاعــاد تلـقى بيـنهـم من يخـاويك

.....

ماعاد لك توقيع ياللي على بالي
واسمك مغيب ليه و إحساسك الروعه

وإحساسك اللي غاب مثر على حالي
بس اترقب متى الإشراق وطلوعه

ليتك عرفت القلب ويش كثر يغليك
وليتك عرفت اني معك اصدق انسان

ضيعت فرصه ياحبيبي من ايديك
خلاص تبقى فعل ماضي من الان

لا لا تحـاول بـس ماعاد يمديك
فات القطار وخاطري منك زعلان

روح عسى سود الليالي تربيك
وتنصف لقلب صان حبك ولا خان

.....

ان كنت شاعر جيت والروح تفداك
لان شعرك مثل شعر الصعاليك

مثل الفرزدق وامرو القيس شرواك
وان كان مش شعرك فباترك طواريك

.....