فوق هام السحب ( الشعر الشعبي) على متن القوافي

على كثر الشتات اللي يمـر ويربك افكاري
‏لقيتك ظـلي الثابت معي دايم على الهقوة

‏يا وجـهٍ كل ما ضاقت علي و شانت اقداري
‏ذكرته وانجلى ضيقي وصارت عبرتي غنـوة

‏تخيرتك ولو غيرك وجوده عندي اجباري
‏اعرف ان الحياة بدون وصلك ما هي بحلوة

.....

من تعنى لوصلك لا ترده ڪسير
ومن تباھى بھجرڪ أترڪه للعنى

.....

يالله توسع خاطري دامني حي
وتجعل هناي وراحتي في صلاتي

يارب مابي خاطري يكسره شي
ابيك تسعد ما بقى من حياتي

آمين

ما رضيت أكون هامش ولا أرضى بالقليل
وإن وطيت الجمر عادي ولا أوطى في وحل

.....

‏لا تستفزّك ذكريات الراحلين
‏مافيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة بلد

‏حاول تعيش العمر بإحساس السنين
‏عابر وإذا مرّيت ما ترجع لأحد

‏وإذا ذبحك الشوق وأوجعك الحنين
‏تذكّر إنّك ما انت اول من فقد

.....

‏حاول انك كل ما جيت تبطي ما تروح
‏ما سترت الشوق عنك وقلبي كاشفة
‏
‏اي نعم فيني هموم وتناهيد وجروح
‏وعيني من البعد تدمع وكبدي ناشفة

.....

‏شوفك علاجي عن حبوب البندول
‏لا صار يوجعني من الشوق راسي

‏وأنت المضاد وفيك ميزه على طول
‏تمحي التهاب القلب لو كان قاسي

.....

‏مهوب ذنبــي لاعصتني المقادير
‏واصبح خفوقي للمصايب وطنها

‏أحدٍ فــراقه عن عيـــوني تباشير
‏وأحدٍ فــراقه يآخذ الشوف منها

.....

‏يالبيه يامن لك بقلبي غلاٍ مخصوص
‏بسولف عليك ومن كلامي خذ الزبده

‏هني الغرير اللي على ضمّتك مرخوص
‏لا خالف يديك وغطّ كبدك على كبده

.....

‏انا اللي خذاه الحب والعشق دون إدراك
‏وحشّد حبك الطاغي على القلب قوّاته

‏ما ينساك عقلي يا هوى البال ما ينساك
‏تخاشر حبيبك سجدته في صلاواته

.....