فوق هام السحب ( الشعر الشعبي) على متن القوافي

‏الظمأ هذي مشاوِيْره على الغصن المدلَّي
‏كم مضى له في حنايا خاطري روحه وجيَّه

‏جِيت أشدَّد خطوة الأيَّام في دارك وأهلَّي
‏وأرتمي بَيْن الكثير من الغلا والقابليَّة

‏بس عيَّتْ عن ثمين أوْقاتنا لحظة تغلِّي
‏وعدت أشيل أغلى معاذيْر المحبَّة في يديَّه

.....

‏يالله تجعل لي حضور مشرّف
‏واجعل حروفي بالقصايد جزيله

‏والهمني الحكمه وحسن التصرّف
‏وابعد خطايه عن دروب الفشيله

.....

‏من باعني بالدين في سوق الاحباب
‏بأبيع قربه كاش للي يسومه

‏ومن حطني في وسط عينه والاهداب
‏عليت قدره بالسما مع نجومه

.....

‏حسسيني بقربك قد ماتقدرين
‏واكبري في عيون ضنوني الخايبه

‏من برودك معي ما اخاف لو ترحلين
‏انتي اصلاً كذا ولا كذا غايبه

‏ما افترقنا ولكن شبه متفارقين
‏مدري اهمال ولا نفسونا طايبه

‏المهم ان خذاك الطيش لاترجعين
‏انا قد الفراق ولاني بهايبه

.....

‏يقولون لاتدعي على الكافرين بخير
‏وانا اقول جعل مسوي الهاتف الجنه

‏ليّا صرت فى دارن وخلك بدارن غير
‏يسولف عليك وكنّك قريّبٍ منه

.....

‏الغايب اللي غيابه زاد عن حده
‏ليته يرد لخفوقي بسمة ايامي

‏مايدري اني بعد فرقاه والصده
‏زايد عليه الحنين وزايد هيامي

.....

‏يا قلبي اللي تحاول قد ما تقدر
‏تلحق على اللي بقى لك من بقايها

‏اعوذ بالله من كئابة المنظر
‏هذي سكاكينها ولا هداياها

‏يبدو لي ان ما لنا مسلك ولا معبر
‏كل الطرق صارت تودي لذكراها

‏احلامنا اللي كتبناها على الدفتر
‏تبكي على احلامنا اللي ما كتبناها

.....

‏يارب دبرنـي علــى خيــر تدبيـر
‏وعاملني برحمتك واقبل صلاتي
‏
‏وانك توجهني على منهج الخيــر
‏وانك تحقـق لي جميـــع امنياتي

.....

‏جيتك وتسبقني عيوني ل لقياك
من لهفتي تاهت بروحي معانيك

قريت شوق وهاجس الشعر لباك
لحظة حنين وفي حروفي تغنيك

.....

الناس ماهم بالمظاهر والاشكال
الناس بالأفعال تحكم عليهم

ناسٍ كما غيثٍ به الوبل همّال
وناسٍ تحب الشر لاخير فيهم

واترك كلام اللي يغرك ليا قال
وابعد عن الانذال واحذر تجيهم

ياما تشوف بقربهم ضيقة البال
ماتقضي الحاجات مدة يديهم

.....