فوق هام السحب ( الشعر الشعبي) على متن القوافي

اتعبتنا الحياة ودوختنا الظروف
‏واه يانفسي اللي وصلت حدها

‏كانت تعالج العالم وكانت تروف
‏قلت يانفسي هدي والحزن هدها

‏معنويات منهاره وضيفه وخوف
‏يوم بانت مواقف وانكشف سدها

‏أثرت فيني لين أصبحت ماني شغوف
‏بس جالس مع الصدمات واعدها

‏
.......

‏يانظيف القلب ثلثين العرب شمّاته
وامثلتهم يوم افكـر في بعضها خلّه

قالو انه ما يعيش اللي على نياته
والحقيقه صـف نياتك ويـرزقك الله


.......

‏يارب تسعد ضايـق الصدر والبال
عجل فـرج مخلوق بالحيل ضايق

بدل عسر دنياه في يسر الاحـوال
وعسى مزاجه ويـن ماراح رايـق


.......

بعض الصداقه لو أهلها يغيبون
‏تبقي لو ظروف المواجه شحيحه

‏والرفقه اللي حدها بالتلفووون
‏تضيع لو ضاعت عليك الشريحه


.......

تمر الليالي بين يمكن ، لعل و ليت
و أنا أدري تبادلني الغلا و اتّمنـاني

ياكم مرةٍ جيت أعترف لك لكنْ أزريت
ذبحني شعوري و الحيـا يربط لساني

بنيت بضميري لك مكانة و قدر و بيت
ولك الله مافوقك بالغلا غير شيباني


.......

القلب ماهز ثقله كل مزيونه
الا الجمال المثير المغري الفارق

كان الشهاده لغرقا الحب مضمونه
فأنا شهيد الوساع النعّس الغارق

ذهانة الوجه والحجان مقرونه
وخد شعاعه كما شمس الضحى الشارق

وليا انثعى الخمري المسدول من دونه
ليلٍ تبدد ظلامه نجمة الطارق


سعد بن جدلان

الأمور المغريه والعالم النصابه
والله انها تتعب الواحد وتبحث سدّه

فيه شيٍ مثل فال ماحسبت حسابه
وفي شي تذكره مده وتنسى مده

وفيه شي يجبر العاقل تثور اعصابه
لين ضغط السكري فيه يتعدى حده

واخرتها كل واحد عند باب اصحابه
افتحوا ولا قلبناها عليكم هدّه


سعد بن جدلان

طلعتك ياشمس كلٍ ينتظرها في محله
المفتح ينتظرها والأكفا تنتظرها

ياطلوع الشمس وهاج المصابيح المطلّه
نورك الوهاج يشرق للأوادم في ديرها

وخاطري مكسور من شيٍ بغاه ولاحصل له
والخواطر مايجبرها يكود اللي كسرها

والمصيبه كاسر الخاطر يريس العلم كله
سالفه يقدر يشعبها ويقدر يختصرها


سعد بن جدلان

يا عنا القناص يالصيد المدسّم
ياكتاب الشمس وكتاب الطلاسم

امسك اعصابي واذا شفتك تبسم
كنك تكويني على الكبد بمياسم

كن بياضك مع حمارك لا تقسم
عارضٍ في وجنتك موكب مراسم

حبكم سيطر على قلبي ورسّم
مثل ماسيطر على بغداد قاسم


سعد بن جدلان

ظروف الشدايد سدها للمراجل فيد
ويقدرها راع الوجهات والنصب والبرقه

الا حاجتينٍ تظهر اللي مداه بعيد
لياطال المرض ولا لياطالت الطرقه

هذي والله اللي يظهرن الردى والجيد
ومن فاز بالثنتين ذولي ظهر فرقى

نبات الفلا يابس وتسفي عليه البيد
وعرق النوامي بالثرا سابحٍ عرقه


سعد بن جدلان