فوق هام السحب ( الشعر الشعبي) على متن القوافي

‏أنا عاشق جاك معلن " بالهزيمه "
‏يوم ربي لك مع العشاق ساقه

‏ارتكابك للقلوب أكبر جريمة
‏يا حسينِ الوصف وعْلو الاناقه

‏تاخذ العشاق للعشق وْ نعيمه
‏بالكلام الذرب - وأسلوب اللباقه

‏انخلق " شهدك " للارواح السقيمه
‏ليه تحرمني .. وتمنعني مذاقه

.....

‏يا رقيقة مدّي الحسْن وتمادي
‏واشرحي لليل مفهوم الوسامه

‏وافتحي شبّاك تفكيري ونادي
‏كل نجم اخايله .. تارك علامه

‏اضحكي للغيم دام الجو هادي
‏مثلك انتي ؟ له غلاه وله مقامه

‏رافقتْك الشمس يا قمرة فوادي
‏لو تدور الارض ، عدّتك الملامه

‏القصايد مالها موقف حِيادي
‏في عيونك يعلن الشعر انهزامه

.....

‏انت الجديد انت القديم انت لحظات
‏كل الثواني في حظورك سعيده

‏انت القصايد كلها وانت الابيات
‏وانتم دواويني قصيده قصيده

.....

‏اقبلت مثل الصبح لا من كفكف الليل البهيم
‏ومليت عين الي معك مبصر ومع غيرك عما

‏اثر صباح الخير منك مثل ذعذاع النسيم
‏وانا ماني باهتم في مبدا صباحي انما

‏ من كلمتك في ذمتي ذمه و والله العظيم
‏أني ما عاد ادري انا في الأرض ولا فالسما

.....

‏عليه جسم غير عن كل الاجسام
‏ مهما لبس من لبس تقول متعري

‏ وعلى كثر ما شاف من خير وانعام
‏ جميع مـا ياكل بـ جسمه يمري

‏ على المفاصل كنه يربط حزام
‏ والجلد كنه داهن بسمن بري

.....

سيّدة معشر هل الزين ربّات الدلال
‏فدوتك حرف الشعر يا مُناتي فدوتك

‏معجزه من عند ربي و آيه فالجمال
‏شوفتك نعمه ولاني بمرخص دمعتك

‏لا لمحتك انسكر كنّك الخمر الحلال
‏من تمايل خصرك إلين نبرة ضحكتك

‏اعشقيني و اغدقيني بلّذات الوصال
‏موتي وموت المشاعر بلحظة صدتك

.....

أعرف مكاني وترتيبي وتقديري
وماطيح حتى لو إن احياناً أتعثر

اللي خسرني هنيئاً له هوى غيري
واللي كسبني هنيئاً له وأنا اكثر

.....

داريت حاجات الضماير عن الخلق
‏دام الرجاء في يد منشي السحايب
‏
‏جداي و العبرات في مدخل الحلق
‏خلت حبال الصوت نبرات شايب
‏
‏كل الوجع بيهون يا صدري الغلق
‏بكره يبا يصفي نسيم الهبايب

.....

‏والله اني حافظك يالغالي بقلبي وعيني
‏حافظك وادرى عليك وكلني لك وانت غالي

‏راهنٍ روحي بمرضاتك وماتملك يديني
‏ياحسين الوصف يازين الطبايع والخصالي

.....

‏اجدد مع ذكراك عقب الغياب عهود
‏وانا والله اني خـابرٍ مانـت نـاسـيـني

‏محبتـك عـندي كـل ليـلٍ ويوم تـزيد
‏تـزيد وتجـدد دام انـا وانـت حـيـيني

.....