فوق هام السحب ( الشعر الشعبي) على متن القوافي

‏على النسيان ما مرَّ الطريق ولا كساك إنصاف
‏مثل ما اواجه أقدار العمر ذكراك أواجهها

‏تبين بكل غيمة ما تضرّ وكل غصنٍ جاف
‏أشوفك فالوجيه اللي أحبّ وفاللي أكرهها

.....

رجعت من الزعل تايب وتاب الله على من تاب
‏وسمحت من الزمان اللي تكسّر فيه مجدافي

‏حبيبي جعل مايقفى مواصيلي معاك غياب
‏أنا مالي بعد غيمك سحاب يبلل أطرافي

.....

أبتسم لي ضاقت بـ وجهي جميع اربع جهاتي
‏واقترب لي لا شعرْت إني فـ هالدنيا وحيدة

‏مالي إلّا وجهك اللي به زهابي وامنياتي
‏وصوتك اللي لا سمعته صارت سْنيني سعيدة

‏عادك اوّل من عرفت و عادك أحْلى ذكرياتي
‏يا هواي اللي لو يْعود العمر بـ ارجع اعيدة

.....

‏أستبحتي حرمة المجنون بإدراك وعنايه
‏وألتفتي له بعقلك وأرتكزتي في صميمه

‏أمتلكتي غايته لو كان ماله فيك غايه
‏وأنتصرتي في عيونه وأعترف لك بالهزيمه

‏من كثر ما يعشقك ما قالك بالحب رايه
‏خايف الأيام لا تطلع عواقبها وخيمه

.....

‏ويــن الذي غايــب عن العـين يا ناس
اتفرمــــت احساسي معــه في غيابه

بُعده هدم بالعقل فكري والإحساس
والقلـــب يشكي يا رفاقـــــي عذابه

أمنتـك الله لو معـك قلــب حساس
ارفق بعاشـــــق ذاب ماحــد درابه

أمسـي أفكر فيــك وأحـس باليأس
واتخيـلك في وهــــم قاسي سرابه

.....

‏فقدت من الليالي صوت ما غيّب صداه سنين
‏سكن بين القصايد نغمةٍ تطرب لها آفـاقي

‏فقدت أنسامك بصبحٍ هدوءه غاية المسكين
‏ووجهك كان عنوان الصباح وموعد إشراقي

‏اشـوفك في وجيه الناس من رحلت الين الحين
‏ملامـحٍ ترسم الذكرئ طريق يــزلزل اشـواقي

.....

‏أشوف إن المفارق مشكلة وأنتَ تشوفه حلّ
‏مثل ما الحب أشوفه إنه غِنى وتشوفه آغاني
‏
‏تمر أحلى مواعيدي معك مثل العمر وتزل
‏واخاف انك تجي في موعد وما عاد تلقاني

.....

يا قبلة غرام ٍ مبتداه الليالي ذيك
‏يوم الحب كل ٍ فيه قد خاض تجربته

‏لا تلعب عليك ظنونك أني ما عاد أغليك
‏لا والله غلاك يزيد من سبته لسبته

‏ترا قلبي اللي هام فيك وتعلق فيك
‏لو أنه يقلطني على الموت ما هبته

‏ اللي حب مثلك مستحيل أنه يخليك
‏لو أنه يحط السيف الأملح على رقبته

.....

هني والله اللي فيك مايقبل التبديل
‏يبيع الحياة إن قيل له لأجلها بعها

‏يعرف إنك أجمل ماخلق بين هذا الجيل
‏جمالك مهوب الحاجة اللي يضيعها

‏ترى الحب مايقبل من العاشقين بخيل
‏ماخاض الهوى غير أكرم الناس وأشجعها
‏
.....

‏أنا احبك بس ترى عيبي مع الغيره
‏ولا اقبل يشاركني احد من قبلك وبعدك

‏رسم وجه الفرح فيني بعد حبّك تعابيره
‏اشوف الحبّ في وجهي وكنه يقول من قدك

‏ابيك تمارس شعورك معاي بكل معاييره
‏ابي عطفك ابي لينك ابي هزلك وابي جدّك

.....