فوق هام السحب ( الشعر الشعبي) على متن القوافي

‏الطيب ماهو سهل والا الردا هّين
‏والناس بالطيّبه تشرا وتنباعي

‏والمنطق المحترم والجانب الليّن
‏اطيب من الكلمه اللي مالها داعي

.....

‏مرحبا من سبب ولّا بليَّا سبايب
‏يا سبب كل جرح ويا دوا كل علّة

‏يا حبيبي بدون أدنى شكوك وطلايب
‏والله وبالله اللي كوَّن الكون كلّه
‏
‏إنك الحاضر اللي كن ماهوب غايب
‏وإنك الغايب اللي ماتغير محلّه

‏وأنك أغلى من أغليته وسيد الحبايب
‏دام قلبي يحب وربي وربك الله

.....

‏سيّد الليل وأنفاس الفجر والمغيب
‏من شرا شوف عينك ماشكى غشّها

‏لو عصافير حيّك ماتشوفك حبيب
‏ما بنت في نوافذ غرفتك عشّها

.....

‏دموع الرجال تِعيب وتضر بالسمعه
‏وبالذات لا طاحت على سالفة زله

‏احايل عيوني كل ما طاحت الدمعه
‏على شان ما نبكي ونبلش بخلق الله

.....

ما وعدتك وجيت الا وكلي رضا
‏والله اللي عليمٍ والله اللي شهيد

‏الغلا لك بقلبي والغلا ما انقضى
‏والدليل ان حبك منتمي للوريد

‏لو تقاضي حبيبك مثل حكم القضا
‏ما تخلا ولا فكر يروّح بعيد

.....

‏ما ادري كسرني قلبي وظني الزين
‏والا جبل هقواتي اللي تهاوا

‏والا أنت ياللي منْك ما نامت العين
‏خلّيتني ويّا الجروح أنتخاوا

‏جيتك بجرح ورحت منّك بجرحين
‏والجرح من غالين صعب ايتداوا

.....

‏عطيتك اللي ما عطيت اقرب الناس
‏وعلقت فيك أحلام عمري وضاعت

‏لي قلب مايقسى وصادق وحساس
‏ولي عين ماصدت وخانت وباعت

‏ولك قلب طيب بس ما عندك احساس
‏ولك عين ماشافت جروحي وراعت

‏جيتك على وضح النقى رافع الراس
‏وطوعت لك نفسٍ عزيزه وطاعت

‏ابعتبر حبك مثل غلطة إحساس
‏وانت اعتبرني مثل فرصه وضاعت

.....

‏فنـجال قهــوه وأبتـسامه وسعة بال
‏تلقـى المســاء يروق لو كنت ضايق

‏لا تقـول مـالي خلـق وتـكـدر الحـال
‏حـــاول تـعيــش من التفـاؤل دقـايق

.....

بعض العرب غطى على ريحة العود
‏نظيف قلــــــب وخوته ترفع الرأس

.....

‏يا صاحبي ماني على خبرك الــعام
‏أنـا تـغـيــرت وتـغــيــر زمـــانــي
‏
‏شفني بعد صارعت قـسوات الأيام
‏مـن كــثـر ما عانيت ما عــاد أعـاني

.....