فوق هام السحب ( الشعر الشعبي) على متن القوافي

قعدنا نداري خاطر الناس لين الناس
تـعدت حدودٍ مـالها حق تاصلها

.....

‏اكثر ثلاث اشياء بها هم واحراج
الموت والفرقا ودرب الخيانة

واللي على قول المثل مالها علاج
رسميتك مع شخص عقب الميانة

.....

‏لك في عيوني همس وحروف وابيات
ولي في عيونك من دفا الحب تجديد

يا سيد إحساسي تموت المسافات
في داخل عيونك وتحيا المواعيد

.....

‏عطني وعد انك معي طول الأيـام
‏واعطيك عهـد انك حيـاتي وذاتـي

‏اخاف تتعبني معك وارسم احلام
‏والقاك بكره صرت من ذكرياتي

.....

يا ليل الاشواق حبه بالحشاء مبني
وأشواق بعده في الشريان ملصيه

يا طاير الشوق انا اترجاك وصلني
واهده من اعماق قلبي اجمل إتحيه

البعد يا صاحبي في الليل يجبرني
اصيغ الأبيات باسم الزين ليليه

البعد والهجر وغيابه يزعلني
و حالة القلب تراها يا اخوي مرثيه

يا الله انا ارجوك و اترجاك تجمعني
مع الحبيبه نار الشوق مخفيه

وكلما اخفيه با ا لصفحات يفضحني
لان مستوئ حبها ميه علئ ميه

ماخاب في حسنها وفي ذوقها ظني
كانها كما الشمس لي عن السحب معليه

هموم قلبي تغادر لو هي شافتني
وتصبح همومي من الوجدان ملغيه

كتبت الاشعار وباعز ف باسمها لحني
لهافي القلب والاعماق حنيه

.....

يحق لك يا ام الرموش المظاليل
سلي مظاليل الهدب واطعنيني

انا قطعت لشوفتك هجعة الليل
وانتي زرعتي ليل الاحزان فيني

لا تتركيني لليال المقابيل
صدي تغلي بس لا تتركيني

كل المشاكل في عيوني تساهيل
دامك بخير وساكنه وسط عيني

اشواق صدري قامت تحط وتشيل
وانا الذي لا اشتقت لك تعرفيني

لمصافحك بعانق الحزن والويل
حتى لو افني ما بقى في سنيني

ما دامك اقرب لي من الجدي وسهيل
بيجيك يوم وبلمسك في يميني

من يعشقك تسهل عليه الغرابيل
ويكفيني انك بس ما تجرحيني

وانا بلا نقص بجميع الرجاجيل
اطلق شنب ما ياخذك من يديني

لاني ليا حبيت حبيت بالحيل
ودامي عشقت استاهل اللي يجيني

حامد زيد

خل السوالف انا مشتاق لعيونك
عجل وشف لك طريقة نلتقي فيها

اترك هلابك وكيف الحال وشلونك
لا تنشدني عن الحال وانت مشقيها

لا تخلي الشوق يذبح حال مجنونك
لاجتك الفرصة طلبتك لا تعديها

واذا انت عايش انا ما عيش من دونك
العيشة اللي على هالحال مابيها

لو هي على الناس كل هالناس يفدونك
وانا حياتي فدى لعيون غاليها

اسالك بالله ترفق بي على هونك
مافيه داعي معك حالي تعنيها

لوفتشوا عنك وسط هالروح يلقونك
كنك مع الروح يا عمري مخاويها

ولو طالعوني على غفلة يشوفونك
اغلب اوقاتك بوسط العين تقضيها

دامك معي ياحبيبي لا يهمونك
لا يا بعد اول الدنيا وتاليها

عيني وقلبي من اللهفة ينادونك
عجل وشف لك طريقة نلتقي فيها

.....