فوق هام السحب ( الشعر الشعبي) على متن القوافي

يالليل هذه علومي وآخر آخباري
للحين ضيقي على دربك مسريني

لاتنشد ان شفتني في عتمتك ساري
ما اخترت غيرك من الدنيا يخاويني

.....

يا بنت مامثلك في جميع الاصايل
يزهاك مدح الشعر اقصاه وادناه

بنت الرجال وبنت نعم الحمايل
بنت الاصل والعز والطيب والجاه

.....

ياللي علينا بالمحبه تغليت
‏بالله توكل رافقتك السلامه

‏ لا تحسبني بتبعك كان صديت
‏ما أتبعك دام الراس وسطه كرامه

‏من صد جازيته بصده وصديت
‏ومن يتبع المقفي يقل إحترامه

‏وكانك نويت تذل هالراس أخطيت
‏والله لتبطي ماتنزل من مقامه

‏أنا ترا لا قفيت ياهيه أقفيت
‏ما عاد أرجع لو تقوم القيامه

.....

‏لا حدتك دنياك والربع صدو
اصنع من ظروفك لهم قطعة اعذار
َ
ماهو اكيد ان الجماعه تردو
ظروفهم في حكم علام الاسرار

.....

‏لو الهوى المحبوس في جوف صدري
يظهر على الدنيا غشا العالم هــيام

فيني غرام فوق محمول صبــري
وفيني خيال فوق تصوير الافلام

.....

لآخـر لـحـظـة مـن عـمـري
اقـولـكـ انـت مــحـبـوبـي

وحـبـكـ فـي دمـي يـجـري
وطـيـفـكـ نـور فـي دروبـي

يـالـيـت الـعـمـر يـتـوقـف
عـلـى حـالـة هـنـاء جـنـبـك

نـعـيـش فـيـهـا ولا نـخـفـف
من الـشوق اللي مـن مـايـوصـف

ونـتـهـادا ورود الـحـب
ونـروي فـيـهـا نـشـوة قـلـب

حـبـيـبـي تـعـبـت الايـام
تـنـاديـنـا فـي حـاضـرهـا

صـبـرنـا وصـحـة الاحـلام
وفـرصـتـنـا فـي حـاضـرهـا

احـبـكـ يـارشـيـق الـقـد
احـبـكـ فـي الـلـقـاء والـصـد

احـبـكـ والـدمـوع عـالـخـد
احـبـك مــهـمـا كـان الـرد

وانـا فـي حـالـتـي مـعـذور
بـربـكـ لا تـلـوم مـجـبـور

وانـت مـنـاي مـطـلـوبـي

يـارتـنـي امـلـك الافـراح
واتـصـرف بـهـا وحـدي

واعـرف كـم بـقـي لـي جـراح
وكـم سـاعـة هـنـا عـنـدي

واخـلـي فـرحـنـا دائـم
واخـلـي عـمـرنـا هـايـم

واقـول لـلـشـوق مـيـن انـت
تـوكـل روح يـاظـالـم

ونـتـهـادا ورود الـحـب
ونـروي فـيـهـا نـشـوة قـلـب


.....

طاب المساء والمحبة والسمر
على ضفاف المعاني والقصيد

في حضرة الطيب وانوار القمر
والذوق والفن والسحر الفريد

يحلى اللقاء دائما باغلى البشر
ويكون للوصل فرحة يوم عيد

ننسى التعب والمواجع والكدر
كأن الأرواح عادت من جديد

الأصدقاء خير ما جاب القدر
وبهجة الروح والعمر السعيد

.....

أَلَم تَرَني بُليتُ بِذي دَلالٍ
خَلِيٍّ لا يَرِقُّ وَلا يُبالي

أَقولُ وَقَد أَخَذتُ الكَأسَ مِنهُ
وَقَتكَ السوءَ رَبّاتُ الجَمالِ

.....

عذب ومنهو يردك لا تعذبني
البال مرتاح والأعصاب مرتاحة

لا ينكسر خاطرك كيفي وعاجبني
اجرح ترى صاحبك مبسوط بجراحه

.....

يا رب حقق كل حاجة بنفسي
ادعوك يا عالم بتأويل الانفاس

تجعل غدي يفوق بالخير امسي
وزيل عني كربة الهم واليأس

وجيرني من كل جني وانسي
مغرور متكبر وظالم ودساس

واجعل حياتي مشرقة مثل شمسي
وزيدني من قوة العزم والبأس

واجعل لباس العافية خير لبسي
فالعافية تغني عن الدر والماس

لا ضاقت الدنيا تذكرت درسي
من والدي والدرس حكمة ومقياس

اصبر عسى والصبر فيه التعسي
وعيش عمرك دايما رافع الراس

كل التعب مهما تجرعت منسي
الا الشكى وكثرة الذل للناس

.....