اخترنا لكم

أشياء واجد تضايقني وانا راضي
‏على رغم قوتي اسكت ولا أتكلم

‏ترى اكثر إنسان مايحكي عن الماضي
‏هو اكثر إنسان من ماضيّه يتألم

.....

نسري على ضيّ القمر تالي الليل
ويازين مسرى الليل لاصار قمرا

.....

‏يامرحبا ياللي هنيا تمرون
في كل يوم وكل ليلة وحزه

يامرحبا مليون تردف ترليون
باهل الوفاء والطيب واهل المعزه

بقلمي

‏أحب اللي محبتهم تدوم سنين ما تنعاف
‏ماهو اللي محـبّته سحـابة صيف خـدّاعه

.....

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

.....

‏اثر القلـوب تـذوب مـن بعـد الاحباب
وأثـر الغيـاب غيــاب وصــلك وصوتك

وأقسى جروح الوقت صوتك اذا غاب
وأعظم عـذاب القلب لحظـة سكوتك

.....

مهيب مزيونه إلا متعديّة الزين
‏فيها ثقافة حضر وسنع بدوية

‌‏درة مصيونة ومعربة الجديّن
‏لانشدت عنها قالَت أنا جنوبيه

.....

والله ما غيبت لحظة عن البال
اصحى على ذكرك وحرفي يناديك

وانام اهوجس بك لك الشوق لازال
يا ناسيا ودي ولا اني بناسيك

ارسلت لي البارح لتسال عن الحال
حالي بدونك صعب ما اظن يرضيك

شوقي لوصلك زلزل القلب زلزال
بردان بدفى فيك ويلاه وادفيك

.....

زعلك ماهو ذنب ندخل به النار
ورضاك ما يفتح لنا باب جنه

دقيت في نعش المساكين مسمار
والخاطـر المرتـاح ما قال ونـه

كانك تبيني سو شي صدق ماصار
وإبذل ربيع العمر من غير منه

أنا على دربي تلاغيم وأسوار
بتطيّر أشلاء الذي زاغ بنه

وقلاع مبنيه على دم الاحرار
ومن تعداهن أنا حسب ظنه

.....

من جرب الحب ما يعرف طريق الجفا
ولا عرف خافقه غير النظيف النظيف

يا ظالم الحب وارباب المحبه كفا
والعمر بالحب يا مسكين كله خريف

اغنم زمانك وذا الدنيا عليها العفا
واسمح لقلبك يخذ منها الخفيف الخفيف

الحب مثل العسل طعمه وفيه الشفا
وصفه لمن كان قلبه من زمانه ضعيف

علمني الحب درس التضحيه والوفا
واصبح معي ضد غدرك يا زماني حليف

عايش بنور المحبه والظلام اختفا
ليلي سعاده وليلك يا معقد مخيف

.....