ديوان قصائد لشعراء المملكة العربية السعودية (متجدد)☘️☘️

انا اشوف حالي يالمخاليق مره ماش
عطوني الحلول الطيبه وش هي الدبره
تعبنا وحالي يطلب علاج له وانعاش

وقلبي ،،بصال الشوق له نافذاً صبره
احبه ولو باذن الله الراس عندي عاش
ماللقلب خيره غير شوفته او قبره
وكل مانويت،اصارحه ،،ارتبك وانحاش
وبالله افزعوا لي ،،يآهل الرآي والخبره

العام احبك وقلبي فيك متعلق
واليوم وصلك حرام وحبنا شرهه
صدى


ياما توسلت عندي وكنت تتملق
وارحمك يمكن تغيّر لو لفا بكره
واليوم احلف يمين وبعده آطلّق
مثلك وشرواك فاله عندنا يكره
ابوعبدالله

لاتعتبر صدك عن الناقصه عيب
العيب والله زلة فوق. زله
اهل المكارم تجزي الطيب بالطيب
والناقصه. ردك عليها. مذله
ماجد_النقريني

الكفو جيّته تشبه للرشوش
قبله الترحيب قدراً واحترام
ينّقش بالقلب اسمه بالنقوش
ينطبق وصفه على صالح تمام
ابوعبدالله

جيت المكان اللي جمعني بك العام
(شطر لأهل الإبداع)
الصريح

جيت المكان اللي جمعني بك العام
ياليت ،،مامريت ،، صوبه ،، ولاجيت
عام مضى ،،كان آخره ،،زود ،،الألآم
بنفس المكان سحبت نفسك وقفيت
ماكان بالخاطر غدا ،مثل ،،الأحلام
جرحي ،استمر ،،للان ابد ماتشافيت
ابوعبدالله

عبده الشوحطي
وانا اقول
جيت المكان اللي جمعني بك العام
وتحركت فيني..... المشاعر وبكيت
يوم التقينا كان...... فرحه واحلام
واليوم من كثر... الجفا منك عانيت

وينك فديتك فديت رضاك وعتابك
عاتب وانا ارضيك قرّب يالغلا وينك
ياروح روحي ،بغيت آجن ،،باسبابك
فقدت همس الغرام ولمسة ايدينك
ابوعبدالله

مجاراه للشاعرين / سلمان الذيابي و ابو عبد الله


على كثر ما كنت أحبك وأداريك
ماشفت مردود العطا والمجارى
واليوم ياليل الشقا ضاق ساريك
في ظلمتـك لين الصباح يتوارى
كم عاشـق ٍ عينـه سهيره تباريك
غير الهموم اللي بـ صدره تبارى
سلمان_الذيابي

اسمح لي ياسلمان اني اجاريك
واقولها ،،من ،،رغبةٍ واختيارى
ياليل ،،لاتخلف ،علينا ،،مباديك
لأني اشوف ماشيّب الراس وآرى
خلك صديق ونعشقك في لياليك
انت الونيس لكل منهم حيارى
ابوعبدالله

قلبك وضعته في مكان يليق بك
موجود حبك في حشاي ولايزال
ماتشوف عيني من عيونك ترتبك
رهبة مشاعر لو تناديني تعال
صدى

ترى المشاعر من بعيد بتشتبك
ماتفترق عن بعضها هذا محال
في كل لحظه وسط فكري تكتبك
ماتسمح لغيرك ولاتعطي مجال
ابوعبدالله

اقوول
أصحابنا اللي نعتبرهم من الرّوح
تغيّروا مدري وش اللي دهاهم
علاقتي ماهي على شـان مصلوح
لله ماابغى حـاجـةٍ مـن وراهـم
والرّزق عند الله والاعمار باللوح
ماني معاتبـهـم وباحث خفاهم
الصريح

صح اللسان وصح ماقلت من بوح
ياشاعر ،،،ابيات ،،المتابع ،،قراهم
لاتشتكي وابكي من الضيق وجروح
من ناس ،،مبغي طرحها في قفاهم
لكن كثير باسباب الاصحاب مطروح
والصد ،،والسفهه ،،نصيحه دواهم
ابوعبدالله

شكرآ جزيلآ للمواقف والايام / للشاعر أبو عبد الله

يهون الخطا لاصار ماهو عمد واهمال

يهون الخطا لاصار ماهو عمد واهمال
لكن المصيبه ،،لو الخطا كان متعمد

وفي الحالتين اصبر كما يصبر الجمال
مصير ،،،كل نار بالنهايات تترمد
ابوعبدالله