ديوان قصائد لشعراء المملكة العربية السعودية (متجدد)☘️☘️

لك وسط قلبي فلل وقصور/ للشاعر ابو عبد الله ��â‌¤ï¸ڈï¸ڈ

لك وسط قلبي فلل وقصور

بالقلب روفي على مهلك

من وضعنا يالغلا مقهور

اخاف لو طال فيه اهلك

بالقرب منّك انا مغرور

قلبي وطن لك وكل اهلك

معاك مالف والا آدور

تركت كل البشر لآجلك

الورد في طلتك منثور

وان غبتي العين تدمع لك

ابوعبدالله

طابت خواطرنا ولاعـاد نبغاك/ الشاعر ابو عبد الله��

طابت خواطرنا ولاعـاد نبغاك
حتى المشاعر من سبايبك طابت

من قبل لو تطلبني الروح تفداك
غير الهقاوي فيك بالحيل خابت

لاتقول آسف حطها تحت ماطاك
منك الشعر بالوجه والراس شابت
ابوعبدالله

ياعيد مرتني صور مثل الاحلام����

ياعيد مرتني صور مثل الاحلام

راحت وخلت لي جروحن مقيمه

مات الفرح ياعيد عامن وراء عام

مات الفرح ماعد للعيد قيمه

نوفاا

الرد

الله يعين ،اللي ،به جروح ،والآم

بنت بوسط القلب ملحق وخيمه

من بعدها في عالم الضيق قد هام

وعواقب ،سنين المعنى ،،وخيمه

ابوعبدالله

من علّمك هذا الجفا والعناد ؟/ كلمات الشاعر ابو عبد الله����

من علّمك هذا الجفا والعناد ؟

ماهي بعاده قول من علّمك

للحاسد اهديت المنى والمراد

هذي جديده ماهي في سلّمك

بحق حبي لك وزود الوداد

ارجع حبيبي جعلني ماعدمك

ابوعبدالله

ماغثني غير الدفوش المساكين/قصيدة ين صقر والرد من ابو عبد الله����

ماغثني غير الدفوش المساكين

اللي من اوصاف الرجال معدومه

الياجلس يهدر هدير البعارين

واليافتشته شفت فالثوب بومه

مابه رجا في ساعة العسر واللين

وفي لازمه مثل الفتاه مخدومه

صقر

التعليق / لأبو عبد الله

عسى مثيله بقطع حد السكاكين

والناس ،تهزابه ،بساعة قدومه

الكل عن مثله وشرواه ،دارين

وشاعر اذا شرشحه لاحد يلومه

قليل عرف ،مابه رجوله ،ولادين

عايش بعالم ممتلي من وهومه

ادري الغلا باقي على العهد لازال/ للشاعر ابو عبد الله��

ادري الغلا باقي على العهد لازال

من كل ،قلبي، يالخلايق ،،فديته

عليه ،،بعد الله ،،حياتي، ،،والآمال

وساكن بوسط القلب لي مانسيته

القلب له وحده ،،مع الغير مامال

ليته يقدر ،،كل ماقلت، ليته

وشمس حبي ماتغطى بغربال

واقول بين الكل ،،وحده هويته

ابوعبدالله

متى نقول فلان (و نعم ) ،،ورجال/ بدع ورد للشاعرين ابو عبد الله وابو بدر منصور الشرعي����

متى نقول فلان (و نعم ) ،،ورجال
لو شابه بالافعال ،،مثل الشراري

اهل الشيم والطيب والجاه والمال
وصيتهم بالطيب ،،حد المداري

منصور منهم ونعم الجد والخال
عز الله اني لخوته ،،دووووم شاري
ابوعبدالله
الرد
متى نقول فلان نعمٍ ،،،،،ورجال..
لا صار شمراني بفعله ،،،،،نماري..

قبيلهٍ تبدي على كل ،،،،،،الأحوال..
متميزه فازت على كل ……..باري..

منهم عقيدالقوم مضرب للامثال ..
ابو عبدالله قلت فيه ،،،،اختصاري..

ابوبدرمنصورالشرعي_سيف_الشمال

الوداع الأخير / كلمات الشاعر أبو عبد الله
أداء يوسف بن مطر

الـلي يبينا إحـنـا نـودّه ونـغـليه/ من بدع ورد للشاعرين صالح بن زاحم وابو عبد اللهâ‌¤ï¸ڈï¸ڈ

الـلي يبينا إحـنـا نـودّه ونـغـليه

واللي تغلّى الله معه وش نبيبه

الـّود لـهـل الـود نـشريه نـشريه

لـو دونـه الكايد نـجيبه نـجيبه

صالح_بن_زاحم

لك يجي واحنا لزوما بناجيه

ولاتفرقنا ،،، مسافه ،،،وغيبه

حنا حزامه بالشدايد ونفديه

وان قسى فينا الزمن نعتزيبه

اابوعبدالله

لا صرت آمن وسط سربك ومرتاح/ من بدع ورد الشاعرين صالح بن زاحم و ابوعبدالله����

لا صرت آمن وسط سربك ومرتاح

ما جا بعدهن زود .. والـزود بيّن

وإمـا حصل زودٍ فـلا تـحسبـه راح

الـزود زود ولا تـقـل ويش أزيّن

صالح بن زاحم

ابشرك ماكان بالراس لي طاح

واصبحت اشوف الكايد اليوم هيّن

ياحظ من يكتم علومه ولاباح

وتعامله يبقى مع الناس ليّن

ابوعبدالله