ديوان قصائد لشعراء المملكة العربية السعودية (متجدد)☘️☘️

قصيدة مجاراه مني لشاعره عهود
اكتب لكم اهم البيوت في قصيدة الشاعره والذي توضح معاناتها والمعنى واضح

تقول

غنيت انا من زايد الضيق موال******** لين انقطع صوتي من اسباب عبره

الى ان قالت

مد الزمن من صالي الضيق فنجال******* وماعاد بالموضوع ياهيه دبره

اما اتقهوى من عنا الوقت واحتال****** ولا نصوم ونترك الوقت يشره


فجاريتها بهذه الابيات


ماعاد بسمع شيلة منير ليشال ******* عنده على طرق المواجيع خبره

غنا بيوت عهود ووحيت ماقال ******* تشكي من اهموم كثيره وعسره

وحبيت اجاريها من الشعر باقوال ****** لعلها تطفي عن القلب جمره

المشكله يابنت ماعاد تنحال ****** ولاتشرحين الحلم لحد يعبره

صحيح ماكل يسمى بخيال ******* لاكن هذي دبرة الله وامره

ونا نذيرك من رديين الاعمال ******* ترى لهم في وقتنا اليوم زمره

وهذي سوات الوقت في بعض الاحوال **** لعل همك يضعف الوقت كبره

قصيدة مرسله من الشاعر سعد عبدالله حنتم الشمراني
البارحه بيني وبين الغلا شوق ***** الشوق واضح والغلا مستهيفي
خلاني احرك لواليب صندوق ***** وابحث عن الشعار واسل سيفي
واقول قول لابن عثمان ماثوق ***** انت زعيم العيز وانا رديفي
عز الله انك في نواياي مرموق ***** تأمر على صيفي وتنهاء خريفي

تهنئة بمناسبة العام الهجري الجديد
يا سلام الله سلام معطر بالمسك و الكمبود

ياسلام الله كما ذوق العسل ذوقة على مجناته

للرجال ابنا الرجال و من مشايخنا و ربعنا

و التهاني ودي اعمم بها ربع و ربوع بلادي

مع قدوم العام يالله في قدوم الخير و السعد

قصيدة عرضة مسيرة (جديده)
هذي قصيدة عرضة مسيرة (بنظرة عامة)آمل ان تنال اعجابكم .......




البدع:



يا قويين المعرفه في زمان الفكر و الاعصار

وينكم عن ساحة تلعبها الارياح من كم عامي

و المعرفة ما عطاها الله مجنون و لا غبي


*******************


انا حاولت انشد التاريخ عن مجد حصيله شاب

قال تاريخ الشرف تاريخنا يا ربعنا شمراني

الحقوني قبل ما يهدم عمود المجد و الاركان



*******************


انا ماشكي من ظروف الوقت لاكن اشتكي من غيره

اشتكي من عالم عميان و قلوب تحب الذات




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ



الرد:




يالله عاونا وعنا نحتمل الارياح و الاعصار

نسلك الدرب السليم و نترك الدرب الردي العامي

و الهدف واضح و طيب ما ختفا دربه و لا غبي



**********************


فنا ماشي خصوصي مامعي هم وراسي شاب

ونا مندم كل ماماري لبيب العقل و يشمراني

و انبسط لصار راع الشور مالقادات و الاركان



*****************


فياهل القالات والمدح واهل الطيب واهل الغيره

كان للتاريخ عوده ما حد له غيركم بالذات







الشاعر/مبارك بن عثمان بن ثواب الشمراني

قصائد الشاعرة ريف شمران




الوطن والقبيلة شعور نماء وانتماء
تتجلى في ابيات صغتها حباً ورسمتها عشقاً ونثرتها بين إيديكم شامخة بشموخ هذا المكان :

ســـلام لك ياموطني عز الاوطـان
يافزعة المضــيوم منـجي دخـيله
عيش الامان بـضل قايدك سلمان
وعيش الرخاء في كل يومً وليله
حنا معك في ماضي الوقت والان
قافً عن ربوعي بوقــف واشيله
مادام لي جوله وسط كل ميدان
بسرج من اخيار السوابق اصــيله
سمــــيتها يامحزمي عز شمــــران
ولشاعرة شــــمران خذها دليـــله
لعيونكم يالابتي بقدح الحـــــان
قدح البروق اللي بوسط المخيله
انتم كلام الفــصل لو ينطق لسان
وانتم عزاز الــقدر عن كل ميـلــه
تـــكاتفو والعــز من عــالي الشان
اللي جــــعلنا عون منهو يجي له
كنـــــــا ولازلنا عــلى مر الازمــان
اللابه اللي بالـــــمواقف جلـــيله
الفضل لله مانســبناه لانـــــــسان
وحده نجيه ودايمً نلتـجــــي له
ثم للشيوخ مرجــحت كل مـيزان
اللي بـــــنو بالـفعل مــجد القبـيله

ريف شمران

فخر وانتماء وللفخر والانتماء وقفة أخرى :

ختم الــــــــجزاله ثبــــــتو توكيلة
للي تصدرها بشــــــــكلً رسمـــــي
خمسه أثنين خمسه ذي تــحويله
شمــــران يا اللابه وياخــتم ظ²سمي
هم ساس عزي جملة وتفــصيلـــه
وهم خير قسمً لالفــــاني قســـمي
شعري لبس من الفخر ظ²كلـــــــــيله
وأشعر نسـيمه يختلط مع نســمي
المــجد يعلن لـ أســــمنا تبجيــــله
حنا العناصي والعصــــاة المسـمي
نثبت ولاحـــــدنا وذا تحـــليلـــــه
عصاه للقل وقنــــوف الوســــــمي

ريف شمران

الوسم ‏البرق يبرق والسحايب مراديف
والهجس حظر والشعر فك بابه

يامودعين الصيف قد روح الصيف
والوسم مزنه حولت من سحابه

اليوم يغريني طلوع المشاريف
واليوم يبهجني شعور الكتابه

لاالنفس يلحقها مع الجو تكليف
ولاعاد يلزمها سؤال واجابه

نطلق سراح امعقلين ومناكيف
مادام نملك فالخيال الرحابه

انا وشعري والسحايب مواليف
أرض القصيد اليوم نروي ترابه

لــ: ريف شمران

القصيد العذب
قد تمر الذاكره بفترة ركود وعدم رغبه فالانتاج ولكنها لاتلبث طويلا حتى تعود بما هو مختلف
اما بعد :


يالقريحة لي شعورً بـــرمجـيه
هات منـــتي به لعــينه جايده

القصيد العذب نشـتاق ونجـيه
لو تعـــاندنا الـظروف الـكايده

لاعتلى هامات خـيله مسرجيه
شفت قوم عـن حدوده ذايــده

نادر الـقيفان للعــين أنتـــجيه
خلي العاشـــق يشـوف القايده

ومن يخالف نهـــجنا مانرتجيه
لو يــــقدم من هــروجه مـايده

وان تــعرفنا علـى ذيك الوجيه
اشـــهد انــا ماســــتفدنا فايده

ريف شمران

الصــــــــباح البــــــاكر الصباح لا يتغيّر، ولكن كل يوم يأتي بشكل أجمل

اما بعد :

كل يوم لاحل الـــــصباح الباكر
اعطي لحالي من عزومي كروه
انا أحــــــمد الله لي لسانً شاكر
لومامــــــلكت من الدراهم ثروه
كثر التذمر من طــــبوع الـــناكر
أصبر ولو ضـــيقي بــــلغ لذروه
مادام لـــــي طبعً.... عليّـه حاكر
ذاتي ماخذت من الاوادم شروه
أقرب من الطــيب واصد الماكر
الصدق نهـجي والصراحه عروه

ريف شمران

( يامرحبا ياعيد ) قصيدة للشاعرة ريف شمران 12:04 ص - 24 مايو 2020
( يامرحبا ياعيد ) قصيدة للشاعرة ريف شمران