اخترنا لكم

خَلِّ الثقَه باللـَّه مَنبَر صَلاتَكْ
يبقَى الأمَل مَمدُود بينَـكْ وبينه

لا تِشتَكِي لِلنَّاس مِن مشكِلاتَكْ
البَحر عُمْرَه مَا اشتكَى مِن سفِينه

تَرَى العيُون الحَالمَه فِي شمَاتَكْ
تِرْوِي عَطَشْهَا بالدِّمُوع الحـَزينه

.....

ماكنت اقصر فيك من كثر الاعجاب
يومك تساوي عندي الكون كله

كنت القريب وكلهم كانو اغراب
حتى القمر لا غاب شفتك محله

خلاص لا ترجع ترا خاطري طاب
الخاطر الي كنت عايش بظله

روح واعتبرني واحد أذنب وتاب
ماني بثوب تلبسه ثم تمله

مايجتمع في الحب صادق وكذاب
رزقي على الله وانت رزقك على الله

.....

مالي معك حل إلا الصمت والحيرة
‏‌تـركـت درب العتب من كثر مافيني

‏‌طـبعك تغيّر معاي وصعب تفسيره
‏‌تجرح شعوري جفى وتقول تغليني

.....

‏قال انت وشفيك لا حاضر ولا غايب
‏قلت المقادير لا منها ولا عنها

‏لا تمتحني وانا من الفضفضه تايب
‏وغاسل يدي من كفوف الناس والسنها

‏من قلبي الطفل حتى عقلي الشايب
‏عفت الاحاسيس ظاهرها وباطنها

.....

كان المسا محتاجلك والحاجه ام الاختراع
‏كن الليالي تحتري شمسٍ تسابق ظلّها

‏شوفي مشاويري معك لا دمع عين ولا وداع
‏ابتسمي انتي والقلوب الميّته تفطنلها

‏وعيونك اكبر مشكلة بين انتمائي والضياع
‏ان جيت كيف احلّها وان رحت كيف احلّها

‏ما يلوي ذراع الشجاع الّاك يا قلب الشجاع
‏لا بح صوت وسال دمع ومال خصر وملّها

‏انا فدا ذاك الجمر والعنق والحور الوساع
‏والورد وانغام الفجر لولاك مدري من لها

‏انتي من اللي ينتمي للريح والما والشراع
‏وانا تبعتك خطوتين ان ضيّعتك ادلها

‏لا مالت كفوفك ترف واخفيت حسن وحسن ذاع
‏تتساقط اوراق الشعر مابين ليت وعلّها

‏اختاري الفكره وانا برضيك قدر المستطاع
‏شاعر ولكن صورتك فوق المشاعر كلها

.....

‏شبيت ناري والغرض بأقتل البرد
‏ولقيت برد الجوف جاير وغلاب

‏بشويش ياصبح الشتاء خافقي صرد
‏لا النار تدفيني ولا خاطري طاب

.....

يارب خذني على سجادتي ساجد
‏واجعل شهادتك من كلماتي اخرها

‏يارب عفوك امل وذنوبنا واجد
‏يارب من غيرك السيات يغفرها

.....

‏قل للظروف ان بيّنت صادق الود
‏شكراً وقل للي تبيّن تراني

‏ماني خوي اللي ليا ضاق ما ردّ
‏انـا خوي اللي ليا ضاق جاني

.....

‏رفيقنا اللي فعول الطيب منهاجه
‏قـدام لا نمدحه يمناه مادحته

‏يفداه من في اللوازم يعقد حجاجه
‏تقول شمس العصر فالخط ناطحته

.....

يبي يحايلني وانا صاحيٍ له
‏اصحى من الاشهب ليا صار جيعان

‏عقدٍ يعقده والله اني لا احله
‏لو كان في راسه ثمانين شيطان

.....