فوق هام السحب ( الشعر الشعبي) على متن القوافي

يـــا الله يـــا غــفــار يــــا عــالــم اســــرار
كـــل الـبـشـر واقـدارهــم فـــي يـديـنــه

انــت الــذي تكـتـب لـنـا طـــول الاعـمــار.
.وانــت الــذي تـخـتـار مـــن حـــان حـيـنـه

حــنــا عـبـيــدك وانــــت ربــــن لــلاقـــدار
.مـحـدن كـفـر بــك وانـــت رب السفـيـنـه

يــا عــزوة المضـيـوم يــا عـضـد الاخـيــار
يــا الـواحـد الـلـي مـــا بحـكـمـك غبـيـنـه

انــــك تــبــدل تــــارك الـــــدار فـــــي دار
جـنـات عــدن ومــن لـجــى لـــك تعـيـنـه

يــــا واحــــد لــذنــب المـخـالـيـق غــفــار.
تـبــري جـــروح الـلــي جـروحــه مهـيـنـه

يـــا عـزوتــي لا يــتــرك الــجــرح تــذكــار
بــي مـثـل مـــا بـــك والـمـواجـع دفـيـنـه

فــي مهجـتـي مـثـلـك غـرابـيـل واكـــدار
لــكــن مــــع الــوالــي حـبـالــي مـتـيـنـه

مـرت ثـلاث عـقـود فــي غـبـن واعـسـار.
لــكـــن فـرجــهــا واحــــــدن مـرتـجـيـنــه

وبمفارق امي با الطعش عشت في نار.
وابـــــــوي قــبــلـــه كــلــنـــا فـاقــديــنــه

وحبيـبـتـي راحـــت بـــلا سـابــق انــــذار
فــي عــز عـمـري دوك روحـــي رهـيـنـه

عـقـبـه يـــزاول لـــي ومـلـيـت الاسـفــار
اشـوفــهــا فـــــي كـــــل ورده حــزيــنــه

مـن فــارق الاحـبـاب مــن نــار فــي نــار.
نــــار الــفــراق ونـــــار تـكـمـيــل ديــنـــه


أحمد الجريفاني

انشهد أن الحيا يسرق قلوب الرجال
‏مثل الزهر طلعه الاول خفيف وندي

‏اجحد ليا شفت منسوب الحيا لايزال
‏واقول ماشفت ويشوف الغشيم بعدي

‏الطف من الحلم واحلا من نسيج الخيال
‏واطهر من المدلهمْ اللي يصب بردي

‏عذراً تقول انها يوم اعتراها الجفال
‏ورعٍ يبا يهج لكن مايعرف يعدي
‏
.......

‏ياصاحبي ماني من الهم مرتاح
والقلب من بعض المواضيع مجروح

ضايق ولو اني مع الناس مزاح
ماودي ابدي ضيقه الصدر وابوح

.......

خـذتني الفاتنـه مشـوار عمـر جـديد
تقول انا اغـلا من الساحـه واشعارها

هذي عيوني الوساع وذي عيون القصيد
شف الي اجمل من الثنتين واختـارها


.......

إبتسمت البسمه اللي من ذهول
يوم شفتك صـار قلبي في خطـر

السـؤال اللي يـراودني يقــول
القمـر يشبهـك ولا انت القمــر


.......

‏فمان الله والعذر السمين ابلغ من التبرير
‏عفى الله عن خطايا اللي خطايانا على شانه

‏فمان الله يالغصن الليان اللي هجرك الطير
‏هذا طيرك يبلغك السلام بروس جنحانه

‏سمحت من المحبه وانت سامحني على التقصير
‏وصلنا اخر حدود العشره اللي مالها خانـه


.......

هني ياعيـني اللي فيـك مايقبل التبـديل
يبيـع الحيـاة ان قيل لـه لأجـلها بعـها

يعرف انك اجمل ماخلق بين هذا الجيل
جمـالك مهـوب الحاجـه اللي يضيعهـا

ترى الحب مايقبل من العـاشقين بخيل
ماخاض الهوى غير اكرم الناس واشجعها


.......

الصدفـه اللي جـابتك والا القـدر
مـدري ولكن المشاعـر حيتـك

دايم تبشر بالمطر وانت المطـر
اللي يربـع خـاطري من جيتـك

.......

‏عيني كفيفه عند زلات الاقراب
‏واذني صميمه عند مالا نطيقه

‏الاوله عندي لها ستر وحجاب
‏والثانـيه يا جعلـها في حريقه

.......

لساني على ( طاريه ) لامرت طيوفه
يتمتم ويشكي في مجيّه ، على ربه !

ياوجدي عليه ووجد عيني على شوفه
احبه ،، واعرْف إنّه يعرْف انّي احبه

.......