ديوان قصائد لشعراء المملكة العربية السعودية (متجدد)☘️☘️

يصير خير

بسم الله الرحمن الرحيم


يصير خير الوعد لاصرت محبوبك
لاصرت همي عسى الله يسرع بهمي

احيان اقول انت عادي واصنع اعيوبك
واحيان اسبح لمن زينك واسمي

لاصارت الشمس شالك والقمر ثوبك
هي وش تقول القصائد غير ياعمي

والنعم فيه وفي صدك وعذروبيك
مافارق النور عتمه جابتك لمي

لاصرت ناهبك والا صرت منهوبك
وش يزعلك طالمى ان النزف من دمي




مساعد الشمراني

يتحول مكاني

بسم الله الرحمن الرحيم



امي ويتحول مكاني فراشات
امي ويطلع شفاتي عصافير

امي يعيبها انها تكره الذات
امي تحليها العيون المساهير

تلمس يديني التقي الكون وردات
تزعل القي ضحكة الناس تكشير

تزعل يصير الكون صرخه ودمعات
ترضى يصير الصعب املا وتعبير

ياكثر ماتسهر وياكثر مابات
فيها الحنان اشجار وعيوني الطير

اموت في ذيك التجاعيد بالذات
وحنا يديها الله يمسيه بالخير

احب ابو ولو سلملي سلامات
لكن امي ياعرب حبها غير




مساعد الشمراني

قالو جماله

بسم الله الرحمن الرحيم


قالوا جماله كامل الحسن وافي
شوفه عسى تكتب قصيده جديده

شفته وقلت الله يعين القوافي
وشلون ابكتب في القصيده قصيده

كل الكلام الزين ماهو بكافي
والشعر وان مانقصه مايزيده

هذا يخلي برد الاشواق دافي
والعمر لوهو راح شوفه يعيده

لعيونه امشي الدرب لوكنت حافي
تحت امر عينه بس يشر بيده

كب الشتى فوقي وشقق لحافي
علمني انه تاج عصره وسيده

الشعر ضاع وقال رمشه عوافي
كنه يقول اسكت وفرصه سعيده



مساعد الشمراني

يحبونه

بسم الله الرحمن الرحيم



يحبونه وانا يتعب فؤادي
يودونه مثل شوقي ودادي

بعذر اللي يحبه يوم حبه
خفيف الدم واحبيب وهادي

اشوف الناس تبغى كسب
وده سئلته ليه قال الامر عادي

يحبوني وانا ماحب غيرك
بوادي كلهم وانته بوادي

اجاملهم بكلمه وابتسامه
وتبقى غربتي انت وبلادي

ولو فكرت اغيب عنك لحظه
اشوف الكون يسعى في عنادي

سئلته ماحصل يوم وجرحتك
وقال اجرح مدام انته ضمادي

وانا صدقت خلي في كلامه
اعرفه صاحبي كله مبادي





مساعد الشمراني

حي الله الي

بسم الله الرحمن الرحيم


حي الله اللي يواعدني ولاجاني
وانا معك ياحبيبي ما اسويها

ادريبك انك تبي قربك وتهواني
بس المصيبه وعودك ماتوفيها

لاصرت ماني بلول ماابي الثاني
هذي طباعي ولايمكن اخليها

باقي معك وقت عوض كل حرماني
ماراح شي ياحبيبي تونا فيها

اول ياروحي تقول العمر يفداني
تقوللي كلمه ماكنت تعنيها

هذا جزاتي ومعروفي واحساني
امد ورده لكفك وانت ترميها

مدري بقلبك نساني او تناساني
بس الاكيد الموده انت ناسيها

اخذت مني احاسيسي ووجداني
تشرب من البير وتقط الحجر فيها




مساعد الشمراني

حبيت أسلم عليك

حبيت اسلم عليك واخذ اخبارك
واذكرك بالغرام الي تناسيته
واذكرك اني باقي حافظ اسرارك
حفرتله داخل عيوني وخبيته



لاقلت بكره بتمطر شاحت امطارك
ذاب غصن المحبة وانت ما ارويته
غيري سكن جنتك واسكنتني نارك
حتى الي مايستوي وياك سويته

مساعد الشمراني

خلـــهم ينــفـعــونـك دامــهـم يعــجبــونـك


اليوم تضحك شـفاتـك بكـره تبـكي عــيونـك





صـرت منهم وفـيهـم صرت خاتم بيديهم


بعـت قلـبك عليـهـم ليتـهـم يـشـترونـك





كنـت غايـة مــناتــي وكـل فكـري وذاتـي


كنـت ماخـذ حـياتـي قبــل مايـأخـذونـك





يـاحبـيـبي يـاعـمـري ماينفعك غـير حـبي


مايفـهمك غـيـر قلـبي والناس مايفهـمونـك





رح لهم وش تـبي بـي قريب جرحي يطيبي


رحمه الـله حـبـيبــي ولارحـمـت عـيوـنـك





عطيتك أصدق شجوني وارخصتـني ياعـيوني


مادمت عايش بـدونـي بعيش عـمري بدونـك
مساعد الشمراني

قال ايش

بسم الله الرحمن الرحيم


قال ايش قال اني تمنيت فرقاه
معقول ما يدري بالي جرالي

من غاب وانا الحال يعلم به الله
الكل حولي بس كني لحالي

والله ما يرخص حبيبي ولا انساه
لو طاح من فكري تلقاه بالي

من غاب وانا من تهناد في اه
كني مضيع واحد من عيالي

طبعه عفيف من بين الاخيار مرباه
قد راسي ما فوق النجوم العوالي

ما راح ويايا ولا رحت وياه
مصيون عن قولت تعال وتعالي



مساعد الشمراني

ابوس رأسك يا زمن

شعار دنياي الصبر و شعارها الدنيا كفاح
لا قلت يوم و تستوي ..مرت سنين وما استون

والله اني مقتنع باللي يصيب من الرماح
اصغر رماحك صابني يوم اكبر رماحك طعن

وفوق هذا ما سلمت.. انا اسمح ولا القى سماح
كل يمن بجيته ..حتى الدمع لا جاء يمن

ابوس راسك يا زمن..ماعاد فيني للجراح
خلاص يكفيني أسى .. ابوس راسك يا زمن

يا مكثر ذنوبك معي .. ما كل ذنب لك يباح
لامن زعلت وش تستفيد.. وش مكسبك من ذا الحزن

استسلمي يا عزتي لا صارت ايامي سلاح
كان نفسي اسعدك بس الليالي طولن

حاولت انا اشعل شمعتي بس المصيبه في الرياح
لاهي باللي نورن.. ولاهي باللي انطفن

اخترت في الدنيا ثلاث..الستر وانصاف وصلاح
و كرهت في الدنيا ثلاث .. لا و لايمكن و لن

وحبيت في الدنيا ثلاث الفن وامي و الصباح
و حلفت لا ما اخون الثلاث انتي و جاري و الوطن
مساعد الشمراني

كش ملك

بسم الله الرحمن الرحيم



اوعديني تجين حاولي ماتجين

خلي الشوق يتمناك

مايوصلك

امنعيني حنانك واحرميني الحنين

واتركي لي مجال

احن واشتاق لك

من يجي بالسهوله مايسمى ثمين

ومن لقيتي قبلي ,,,,يجي مايقبلك

قلت لك لا لا تكوني

طيبه تندمين

لا يجي يوم تقولي ماقلت لك

ماسهلك لا لا زعلتي

كيف ماتزعلين

شفتي شلون صرتي

اقول يا ماسهلك

وش خذيتي من القلب

الحنون الامين

وش كسبتي من اللي

قال لك مانبلك

احرقي هالقلوب جربي تكذبين

في يدك قلعتين

وخيل والجند لك

ياذكيه تراها كلها نقلتين

انقلي ذي بدل ذي

واصرخي

كش ملك !!



مساعد الشمراني