اخترنا لكم

إذا قيل أيّ فتًى تعلمون
لمُعترِّ فِهْرٍ ومُحتاجها

ومَن يُعجِل الخيلَ يوم اللّقاء
بإلجامها قبل إسراجها

أشارت إليك أكفُّ النِّساء
بذلك من قبل أزواجها

.....

‏ما غير اسلي خاطري بالمشاوير
‏اروح وارجـع والهواجـس مقيـمه
‏ㅤ
‏إن كان صدك ماخذك عني الغير
‏روّح ولو إن الخـساير وخيمه
‏
‏فان كانها عني خذتك المقادير
‏فالعفو عند المقدره فيه شيمه
‏
‏يامرحـبا والحـب كله معـاذيـر
‏تشفع لك ايام الغرام القديمه

.....

ياكم حاجةٍ صديت عنها عشان ارتاح
مهوب اي حاجة لازم تصير بالقوه

.....

ايه ياذكريات في الخيال محفوره
استعادت غلا عيا الزمن يستعيده

يعترض لي لطال الليل صوت وصوره
راح واللي بقى جرح على حطة ايده

.....

يحق لك تمشي على اطراف رجليك
رجلً شهم وبطل شجاع واميرً كفو

انت الرجل العظيم ولا فيه تشكيك
ولد ملك ووليً للعهد وصاحب سمو
🇸🇦

اللّي يعدّك شمس لا تخلف له ظنونه
أشرق على قلبه من الحب وأغرب به

.....

‏وش طراة العمر لاصرت بالشر محسوب
‏وكل ماشفت الزلل بان غيضك وانتشر

‏كان تبغى زبدة العلم وتصير محبوب
‏خل مبداك السماحه وجنب كل شر

.....

‏ما الله خلقنا نرضي فلان وفلان
‏إليا رضا ربي علينا اكتفينا

‏نداري الخطر على حسب الامكان
‏اما مشت بالطيب ولا مشينا

.....

يدور الزمان وكل قلب على ما فيه
‏والاقدار مامعها من الناس متصرّف

‏وسود الليالي ما تدور لسود وجيه
‏محاذيفها راس ابلج ذكره يشرّف

.....

أصوم عن كل شيءٍ يا غفور سوى
عن حبها لم أتبْ يومًا ولم أصمِ

محمد عمار