ديوان قصائد لشعراء المملكة العربية السعودية (متجدد)☘️☘️

قصيدتي قبل الرّحيل
مع السلامه ياهناي وحبنا في عمر جيل

مثلي وطن ماله هنا فوق الخريطه عاصمه



انتي بنيتي في محيط الحب مرفأ للعويل

الله ياسوء المنقلب والله ياشين الخاتمه



وش لون ابرر موقفك في غفلة الليل الطويل؟

اذا سهرت بمفردي وافكارك انتي نايمه



اقول كان الحب فيما بيننا عابر سبيل؟

ولا تبين اقسى على عمر ومضى وآهاجمه؟



اخاف وابكي واندب الماضي ومن هذا القبيل

ولا تبين افطّر آلاف الجروح الصايمه؟



كم كنت اخاف اضيّعك وآخاف يحتار الدليل

واليوم ضيعتيني انتي والقضيه قايمه!



ان كنت انا المخطي وقلبي جرجره سوء السبيل

عساني اهلك في مكاني حرق وانتي سالمه



وان كنت مظلوم الجناب وقلبك ارداني قتيل

عساك ماتهنين في دنياك وانتي ظالمه



لحظة الم في داخلي والحظ من يومه بخيل

ماهي جديده لو تغادر كل لحظه حالمه



لكن من حقي اوقّف وابكي العمر الجميل

قصيدة التأبين هذي من صميمي قادمه



الله يرحم حبنا ياربة الطرف الكحيل

والله يرحم كل شي,بالفعل ضربه قاصمه



هو الزمان الي حكم والوقت ناكر للجميل

ياما الزمن شتّت بشر كلن غدا في عالمه



من دون ماتستأذني روحي وخليني عليل

قلتي يداويك الزمن واقول منتي واهمه



لكن والله مايداويني لو انه سلسبيل

ولا ينسيني جروحك في الخفوق الدايمه



احنا افترقنا صح بس ابغى اعترف قبل الرحيل

والله ماني فاهم اش صاير اذا انّك فاهمه!




علي سعد ظافر الشمراني

( بنات الحاره ) حنين الى الماضي
انتهينا وابتعد ظنّك وخالف ظنّي
بعد ماكان الغرام يضمّنا باصراره

وانسحبتي وانسحبت وماضحك لك سنّي
والجفا شب الفتيل وشدّنا تيّاره

كنّي الي حط تابوته بكونه كنّي
وكنّك الي شب قصره من بقايا ناره

اختفيتي من حياتي من عروقي منّي
واختفيت من الحنان الي خفوقك داره

وانطمس ماضي جميل بواقعي يسجنّي
واندفن طعم الحياه ومافضحت اسراره

اذكر اليا جيتك ادندن طرب واغنّي
قلتي الله يسعد اهلك موهبه جبّاره

واذكر اليا قلت بيت ابغى اسحرك في فنّي
صار قصة نوف واشغلتي بحبي ساره

الله اكبر غبت غبتي رايح ولكنّي
التفت واسأل وعقلي يختلي بافكاره

يسألك باقي مراييلك تسولف عنّي؟
يسألك عن باب قلبك يستشف اخباره

تذكرين ايام قلتي لو بتقدر خنّي
والله لاودي صوَرٌك لحمده السّحّاره َ

ياترى باقي تقولين لخواتك انّي
ياترى باقي يعرفوني بنات الحاره

عيد ميلادي ومسباحي هذاك البنّي
فاكرتها او نسيتي حبنا وازهاره

اعترف حنّيت واللي يرحم اهلك حنّي
اذكريني بس ..نعمة حبنا تذكاره

ولا انا وانتي ظنون وخان ظنّك ظنّي
صعب يرجع حب غطّاه الزمن باستاره



علي سعد ظافر

قصيده صوتيه للشاعر علي سعد ظافر الشمراني "كل حاجه"حصريه
نقره لعرض الصورة في صفحة مستقلة





ماتهـــنّيت بأحبـــائي ولا حتى أصـــدقائي
‏​كل يوم يزيد جرح وكل يـــوم تغيب حاجـــه


ألف درس وماتعلّمــت اتخلص ‏ من غبــائي
وألف خيبة ظن فوق إخفاق قلبي وانحراجه


مالقيت أبطال غيري جسّدوا قصـــة وفــائي
ومالقيت أسرى معي للعيش في عنق الزجاجه


اكتشفت اني شبيه لطالب بصف ابتدائي
وان بغى يحتج رغم الظلم مرفوض احتجاجه


يعني أيامي تلاشت بين ايهي بين لائي
وعمري اللي راح مني ما يناسبني نتاجه


راس مالي كبرياء وخايف اجرح كبريائي
وراس مال الهم كسره كل ماجت في مزاجه


المصيبه عشت للي كان من حولي فدائي
طبع غالب وادري ان الطبع لا يمكن علاجه


من يناديني والبي ‏​​لا يلبي لي ندائي
سامح الله ضلعي الأعوج وشكري لاعوجاجه

‏
من شراني ياهلا من ألفبائي لين يائي
ومن رحل عني عذرته عاقل ويعرف خراجه


ياصباحي لاتسلني ‏​وش مخبي لي مسائي
ويامسائي لامتى تحشد جيوشك وانتواجه


طالما حربك لأني للفرح معلن ولائي
ماتروعني جيوش الحزن والوالي وتاجه


الشقا دفة سنيني والأمل يطرد ورائي
والأماني بيت هدّوه البشر واطفوا سراجه


مدري اش باقي تبيه وما خذيته يا شقائي
خذت مني كل حب وكل حي وكل حاجه


علي سعد ظافر الشمراني

قصيدة مدح للشاعر علي بن سعد
بسم الله الرحمن الرحيم
السلام عليكم ورحمة الله وبركاته
هذه القصيد للشاعر بوسعد شارك بها في منتدى النخبه نقلتها الي ديوانه


يابوعلي ياعظّم الله قدرك

مكانك اللي تملكه تستحقّه



ما ينبدي في ساعة الحق عُذرك
تجود جود وتعطي الخير حقّه



ويمكن من المَدّات لو ضاق صدرك
تزعل على صدرك وترجع تشقّه



وان غاب بدر البَذل ماغاب بدرك
ماتحسب احساب العنا والمشقّه


ماكل شي في عمر الانسان يُدرك!
وادركت كل الطيب جلّه ودقّه


لله درّك كل ما اسمع بذكرك
ايقن ببرّك واعرفك ما تعقّه


رحّبت بل هلّيت بل شام قصرك
وشرّعت باب القصر من قبل ادقّه


ياسيّدي ضاعت حروفي ببحرك
لكن خذ شعري بوضعه ونقهّ


ياسيدي قدرك وقدرك وقدرك
تبطي الحروف تقول ما يستحقّه

شيلة ياجرحي استاذنك كلمات الشاعر علي سعد ظافر الشمراني اداء الشاعر والمنشد مسفر بن شنيف الشمراني


السلام عليكم ورحمة الله وبركاته


اقدم لكم شيلة ياجرحي استاذنك
كلمات الشاعر/ علي سعد ظافر الشمراني
اداء الشاعر والمنشد /مسفر بن شنيف الشمراني

تنفيذ / سعد الشمراني

قصائد الشاعر (بن منجيّة الشمراني)

رسـالة من الشاعر دماوي حيل الى الكاتب حسن الشمراني والشيخ ابوحوفان

بسم الله الرحمن الرحيم

والصلاة والسلام على اشرف الانبياء والمرسلين سيدنا ونبينا محمد علية وعلى اله وصحبة افضل الصلاة والتسليم


الاخوة اعضاء منتدى شمران

كمـا تعلمون الأختلاف بين الاخوة وارد وليس بمذموم بل المذوم هنا الاستمرار فالزعل ةالفرقة والحمدلله انها انجلت

اخوتي الكرام

الشاعر دماوي حيل احب هاهنا ان يسطر قليل من ابداعاته الشعرية الغير مستغربة


وهي قصيدة اعتذارية للاخ الكاتب المميز حسن الشمراني

والشيخ الوالد ابوحوفان


اترككم مع القصيدة
(الخطاب)

=====================================

يا وجودي فوق بازل ليا هاج ارتبع = ما يحدَّه حزم بيدا ولا ليل وسبع

ينطويلي وانطويله سوى كنَّا ربع = يطلق حجاجي واعِدَّه على روحي خليل

============================================

اشعلٍ بين المجاهيم والوضح انعرف = ماخذ اوصاف البوازل ولا ياكل علف

ياكل كبود الصماديع وشفوف الشعَف = جرهديٍ في ذرى الكرّ والغارة صميل

===========================================

واجتهادي فوق قُبَّه يعزِّزْه الركود = والنظر والسجّ واللجّ والبال الشرود

ما يونِّي شرح بالي وعزم القلب كود = نيمصيّ الرمش ابو مبسمٍ حدَّه سليل

============================================

يخشع الكافر من الوجد والموت الحَمر = تنثني ثم نتجثي في محاريبه ذعر

تندي الصمّ المصمصم من الصفصف نهر = ليت ما يدهم على قلعة اضلاعي بحيل

===========================================

ومن بليَّا دهم انا اضحيت مثل اطلال عاد = وفوقي احقاف الشَحَر كنَّها اهرام ورماد

من صلاها نار الاخدود كنَّه فالفواد = والهوى ما ينطحن والمشاعر ما تسيل

==========================================

وفي خضَّم وزخم هذا صدر منِّي كلام = في دجى يومٍ غَبَر عيَّت عيوني تنام

يوم انا سطَّرت في لابتي بيض العلام = واستثار ابجعبتي نمر واغداني قطيل

==========================================

وارتبعت اسرع من الجنِّي اعطيته لماخ = واستدار وقام يبرم على جِرمه وداخ

والحقيقة ان ابليس ملعونٍ وصاخ = واشتركنا فالزلل والزلل ما له عميل

===========================================

لابتي ركنٍ عليَّه من اركان الحياه = لابتي شمران مارضى بدلها بأي جاه

من غلاها اشوش ماعرف هذيَّا من هذاه = تجتمع فيني الشياطين لين آصل سهيل

============================================

حتَّى ابوي اللِّي ابوي يمكن إني فيه اجور = والقلم مرفوع عن منهو إبليَّا شعور

والا فإن إتراب اُبويه على راسي بخور = وآتبرَّك به وامرَّغ بخشمي فالسليل

===========================================

وانت ياصلب العصاة ابن عمي ياحسن = دامحك وإدمح خطيَّه وبالله استعن

وآنا منكم وانت منَّا كما سرج ورسن = وفالك البكره من الوضح مافيها هزيل

==========================================

وفال من يشناك خضر النوافع والكند = واحمد الساهر له الشكر هو وجه السعد

السفير اللِّي وفى باللوازم والوعد = والشواذل ابشرو بإن ابهرها بهيل

==========================================

والعذر ماصول للشيخ بوحوفان كار = زايع البيرق سليل المشايخ والكبار

لابة ال عبدالله قومٍ يضدُّون النهار = في حمى يومٍ خسر فيه من كان القبيل

===========================================

اقبلو من صلب حارث تراشيم الخطاب = زيعت اقلامي وجف الورق وسط الكتاب

والتوالي فيد والي وللصادر جواب = انتهت واقول يكفي هل العرف الدليل

==========================================

بن منجيَّة الشمراني

بيض السوالف
(بيض السوالف)



غزاني الشيب واوفدني رفادة وقار = وانا شبابي واحب المزح واهل الخبال

واحب لعب المقالب والسَعَة والشجار = واطَعِّم الهرج من فنجان بنّ وهِيَال

والكلمة اللِّي نبدِّيها علاها بهار = ما يسبق العذل سيفي والمداهِل طوال

طبعي جنوبي على ما قيل طبع الكبار = ما يرضي الورع منَّا كود كِذب وخيال

واكثر من اللِِّي حكيت اشيا علاها غبار = بنجوز عنها مجاز اهل الصحف والمقال

بيض السوالف تحاصرني بسور وجدار = كنَّه جدار اليهود العنصري في الشمال

عيَّت عليّ اهتني بوحي وزوع الستار = واقعد بليَّا كحي واقعد بليَّا جدال

كِنِّي صغير إيْحَدِيني ما يِحِدّ الصغار = صغير وكبير مير اجمع بالاثنين حال

عزَّالله احرجتني يا شيب في الاختيار = واحرجت حتَّى الغواني بين فَلّ الشيال

واخلفت سَعْوِي وانا ما حب طول القصار = وحيرْتِنِي في ظنوني هي حرام او حلال

ودبّيت بيتي معايد قبل سنّ الشفار = وودعت من قبل مآ اسلم وادير الدلال

طميت ما بسْمَلوا بالله أهل الجوار = وهجَّت على حرو زولي الفارعة والغزال

ساعة توكدّت قبل انَّه يطوف القطار = دريت وادرجْت وجهي وقلت هذا محال

ما أمرّ من صدَّة الجادل ووِجْدي بخار = تُجُود فوقة نوايا القلب حتَّى الطحال

لا عِدْت يا مِذْهب النجلا عساك البوار = باخضّبك واطْلِي جلودك سواد ومهَال



هذه متواضعتي اتمنى ان تحوز رضى كبريائكم

سيِّدي قوم
سيِّدي قوم

أعتني بالهوى مثل الفرس والخيول اللِّي أصيلة
واعقد الليل في غرَّة جبينه واغطِّيه الثريَّا

ينكسب في محيَّاه البخَت او بلاها من حصيلة
الصدر لعن بو من هو دعتْه الصدارة ثم عيَّا

ساعة الصفر عقربها يميني ومدَّتها طويلة
ماني مجبور اصفِّق باليدين ان كذا والا كذيَّا

طال عمري وانا احب الجميلة وانا حُب الجميلة
وطال عمري وانا سمح المحيَّا وهي وضح المحيَّا

ما عرفت المشاكل لإن حبّ المشاكل مانكيلة
والصبر يرفع كفوف الحرج قبل الاعذار إتّهيَّا

وان شرد ربع من فكري تلاقيه يحتاد الجفيلة
من وحوش المشاعر في حبيبي ويسرجها مطيَّا

لمسة كفوف خلِّي فوق كفِّي غطا من برد ليلة
والا من شمس قيله (سيِّدي قوم) تخدمها يديَّا

وانا سيِّد ليا منِّي خدمت العشيرة والقبيلة
المهمّ إنّ ظريف الطول لاشافني سلَّم وحيَّا

ويعلم الله لو إنه مال عنَّي وجرهدني النثيلة
تستبيح النجوم الشعق ظُهري وجفني للحديَّا

الوجد كافر
الوجد كافر

الوجد كافر والروابع تسونامي = ياصل بنات الفكر في عالي ابراجي

يخلف ارامل من عواقِبْه وايتامي = وتخِرّ في جاله صناديد الامواجي

والشوق له فالقلب قرطاس واقلامي = يكتب وينشر بالمعاليق مهراجي

واحيان يطرب فوق توزيع الانغامي = واحيان يجمع بين دوره والاخراجي

نوته تسطِّرني بها اعلوم واحلامي = رغم انفي اسير ابهواها والاحجاجي

وتدوربي وادور وتبيح الانسامي = واوقف واواصل دربي ابلحظة افراجي

ياخازله روحي على راس الابهامي = تومي بها فيما بغيتي وتهتاجي

وخلفين مادري وين ربعي من اخصامي = ويهدّ زوري حيل من يبني اسياجي

قلبي ومصراعيه مفتوح لإلهامي = ياخذبني يم الغضي سيد الادعاجي

وابقى زعيم البر واهراش الاسنامي = املح فحل ويهيم في كل الافجاجي

مهادله سعبل زبدها للاقدامي = يربع على قبّ البكاير والافواجي

مرفوع ماينَّاش راسه وهو طامي = واليا ارتبع محذور في ربعه ارجاجي

بابور كيفي للملاويح واعصامي = يفتق ويثعل بطن من يرغب ازعاجي

واقوم اهيجن فوق ذروة بسلهامي = واخير بين الحمر والسود والعاجي

بنات من تنكيح فكري والانظامي = ازفَّها للحر الاشقر الى داجي

واذكرك ياعبدالله اللي من العامي = ماعاد به في بركم طرش وانعاجي

العام الاول كنت قايد ومتزامي = والجمر في ميفاك والقرص والصاجي

واليوم قرصك لايماني ولاشامي = ضيَّعت بين اهل البشاير وقرطاجي

وضيَّعت مشيك بين حِديان واقطامي = وانته معايد قريتين اهل الاهداجي

عجزت في ريشك ووصفك والاوسامي = واخذت مع شرواك لفَّه ومدراجي

ما لك وسم يعني مع الخيل يارامي = والخيل يبغاله مسارج وكرباجي

والريش ماطارت به البط وانعامي = وش وقعكم ما لك علامه ومنهاجي

والا عبط واكبار مع زيدٍ وسامي = يا زيد يا بو زيد للشعر ديباجي

ماهوب سلعة بيع يشرى وينسامي = وماهوب سبحة شيخ سبحبها راجي

وماهوب زوعة خشم ومناخف انخامي = وماهوب حجة جند تتقلد التاجي

الشعر هجرة روح مطلوبها سامي = الشعر ظرف ابداخلة شمعة اسراجي

الشعر ملجى الحس من ظلم واظلامي = الشعر من نار الغضي صرتبه ناجي

لاتقحم القاله وهو حرَّها حامي = اما لها والا انت فيما انت محتاجي

انا لها فالبر والبحر واغمامي = بازل وحرّ وجيلبوتٍ وميراجي

ملِّيت من كثر الدعاية والاسهامي = وافلس نديبي واعلن البيع باحراجي

والعلم تالي العلم صلى الله اختامي = على النبي ذا سار للعرش معراجي

وتقبلوا تحياتي

سود العيون
سود العيون

سود العيون أسْفَرَتْ عن قتل ما في خفاي
شابي سَهَمْهَا طَعَنْ قلبي وجَرّْ الطُعُون

مِنْ مِبْرَدْ العين سنَّةْ حُبَّهَا في جِدَاي
واشْهَرْ جسدها يبارزني بكِلّْ الفنون

واضحيت اطالب بنجدتنا واجاوب صداي
خَسَرْنِي الكِلّْ واوصلني لِحدّْ الجنون

واغطْرِف ابخيبتي واعرض مَخَفَّه وناي
ويِهِفِّنِي بعض مُصَّة عقل واصبح ذهون

جَرَّدّْتِّنِي يا كحيل العين جُمْلَة قُواي
عقلي وصبري نفذ حتَّى الهويَّه بدون

وين انت ناوي تودِّيبي وتِبْحَثْ مَداي
وتغُرِّني ابطرف عينك بالمنايا واهون

يا مال علَّة سوِيْد القلب يشكي بلاي
يطني عليّْ الوجع وهو في حاله طنون

طَبَرْنِي المذهب السنِّي وشلَّع رِداي
وازريت احوِّل واحب ام القرى والحجون

يا خَطْبِي اليوم جرحي قام يعلن هذاي
واصبحت ادودي عسى بحثي وطَمْرِي يهون

جبت الدول والمداين وارتجي في شفاي
لكنّْ بان المراح ابدار غرش القطون

مرَدِّي ال مرهف القِدَّه شحيح العطاي
مكرم همومي ووجدي في كبار الصحون

وارهيت فيها الشِيَّم وتلِبِّنِي في نداي
يِحْرَم يجار ابهواها من يجيها زبون

في عرفها شقلبت عرف العرب بانطواي
غنَّت لها من ورى عين الشموس القنون

معذور قلبي عطاها كلّْ فكرة وراي
واستوحت الاحتياطي من بنات الظنون

ولا بقى الا دعاي اللي يعزِّز رجاي
احْفِلْ لو ابنزهةٍ في اطناب خِدْره بهون

تقبلوا تحياتي وتواضعي