ديوان قصائد لشعراء المملكة العربية السعودية (متجدد)☘️☘️

(اعلى السنام) بمناسبة الفوز في انتخابات البلدية
هذه القصيدة ثار بها بركان مشاعري مفاخرا وسعيدا بمناسبة فوز شمران العصاة في تهامة شمران وادمة شمران وباشوت شمران وتبالة شمران

كم اتمنى ان تنال اعجابكم ولو انها قزمة المقام اما الاسم الاشم الشاهق شمران


(اعلى السنام)


شفت لا منَّا توحّدنا نهوز (اعلى السنــــام) = ونلحق العالي بـ أيادينا وحنَّا قاعديـــــــن

فكيف لو قمنا؟ خذينا زود، والقاعد يضـــام = في دمة شمران قيف الحارثية فايزيـــــن

وفي تهامه والشفا فازوا على رغم الزحــام = وفي تباله زاع خفَّاق الفزع بالنخلتيـــن

هكذا جدّاَننا كانوا قويين العـــــــــــــــــــزام = وينجزون القول بالفعل المجمِّل والسمين

فحن كذا، مثل الشيابين الاوايل والقـــــــدام = خيارنا فالجاهليه خيارنا فالاخرييــــــــــن

الله ايده مع يدين اهل الجماعة والنظـــــــام = فيوم حطِّينا يدينا في يدينا إمصافحيــــــن

جت توافيق الله إتزوع العداله والســـــــلام = فالله ايده مع يدينا تاخذ ايدينا وتعيــــــــن

ما خلَف وعده ولا خلاَّ عشايرنا قســــــــام = الله جمَّلنا قبال الناس يا نعم اليديــــــــــن

فالله الله مثل هذي في تفاصيل العــــــــــلام = والله إنَّا نقحم العسره ويبطي بالحصيـــن

ما يحارش بيننا ويسبب انواع الخصـــــام = وما يراوغ بيننا والصف يقسَم لا ثنيـــــن

فمن يبي زرع الفتن ويشق كلمتنا يــــــلام = وتنرمى بندقْه في ضرب الحديَّا والحِبَيـــــن

هناك ينتاش العضايا ويعَدِي بين الهــــوام = والقساور ما تعيش الا معا بو مخلبيـــــــن

المخالب مع مخالب والفصايص مع فصـام = فطرة الله قد فطر خلقه علاها من سنيـــــن

ما يخالفها يا كود الي به إشذوذ وفصــــام = وما يعاشرها يا كود الي شمايلها يميـــــن

فمن نهج نهج الوفا فالناس من حوله قيام = تجتمع حوله كما جمٍّ علاه الشاربيـــــــن

ويقود لو ماهوب شيخٍ وإمْتِمَشْيخ بالختام = لإنَّه إتشيَّخ بطيب القول وافعالٍ تبيــــــــن

شيخنا الي يحتمي الديره من إيدين الـزلام = شيخنا الي ينفع الديره على حبلٍ متيــــــن

والله إنَّا نجرح الفاشل بحدِّين الحســــــــام = ووالله إنَّا نمدح الناجح قسم بالله وديـــــن

والله إن بي فرحةٍ ما قد بدتني من عــــوام = هذا من فضل الله رب كل العالميـــــــــــــن

احمده واشكرْه واسجدله شكُر خلف المقام = والصلاة إعلى محمد قايد الغرّ الاميــــــن



وسلامة الجميع
سعيد بن منجية

خصيم الثريَّا
خصيم الثريَّا

عادتي مابني بيوتٍ على المعنى تبان
في غوارب لجِّتي قرح ثج وسلسبيل

وفي غياهب جبِّتي عقد لول وشمعدان
وقدح زند يشبّ في خافقي شمع وفتيل

رجل من صرمة رجال وحصانٍ من حصان
اعدي واطول الثريَّا وانوش المستحيل

عشت احب الجود واهله وربعي والحسان
وما اطاوع فالثلاثة ولا ارضا بديل

صاغني في حب الاجواد قلبي من زمان
ويحتم آصون الامانه واضيف ابن السبيل

ولي على طرف اللواحظ توجِّد واحتقان
يقحي الريِّف من الكبد يغديها صميل

ويقشم القاسي من القلب يحمسها دهان
ناعس الطرفين يهبط معا رمشه سهيل

ويعرج إبداله (خصيم الثريَّا) فالعنان
طرف عينه ريع من خلفه الليل الاصيل

اسودين إليا خدم رمشها جرح الجنان
وابيضين إليا دعب عيني وكنَّه زميل

جنّ يا عقلي من الزين لا جاك الجِنان
عقل في حضرة جناب الغضي ماهوب حيل

اصدق إحساس إنك إتجنّ او إنك تهان
هو بلا من حس بأصدق احاسيسه هبيل

وش رجاحة عقل من لا إنتصف واصبح جبان
إرفع اقلام الملامة ولا تصبح بخيل

كيف تبخل عن هبة روحك احلام الامان
وانت اولى من فقير المشاعر والرذيل

طيب مع نفسك واذا طبت عدَّاك الهوان
وابشر إبسعدك ولا همَّك القايل وقيل

يا شذر قلبي بمنزاع مثلوث الشبان
نزعته نزع الحسايك من اطراف الشليل

ما تروح الا بثلثين قسمتهن ثنان
وباقي الثلث احسن احوالها دش وهميل

ما يجوز الا لموق الغضي شذر السنان
الدعوج الاغنج اللي هب إلحظي سبيل

وانحنب في ملتقى حورها حد العيان
وانحول في دوحها شوفي وأصبح عليل

ويش اقول ويش اخلي على طرف اللسان
العيون اللي قتلن القلوب إهي الدليل

تبري المتهوم فالحب بإبداع وبيان
وتثبت إسناد الهوى والمشاعر للخليل

يا عيونه فلك ودروب لولاب الكيان
تحكي ابراج ومصابيح وخيول وصهيل

واحكي الله واكبر اللي يعين وما يعان
يا عيونه ليل يقفاه ليل وهمّ ليل

كنت اشوف وصرت ماشوف غشَّاني الاوان
اللي حاضابي متاهات وادوار الكحيل

لين صارت ثقب في عيني وهيّ المكان
وباقي العالم خراب ودجى ليلٍ طويل

اقدر آعرِّف من الحب مفهوم الحنان
اللي تحتاجة لاجل تنضوي تحته ظليل

هو علامة تبعث إنك طفل يبغى امان
ضاع من اُمَّه ويبحث عن اُمَّه بالعويل

وكل ما حاول بيشكي يغرغر باللغان
يكسر الخاطر وباقي عن إنقاذه قليل

ويم شاف اُمَّه شهق فرحة وخوف وامان
ولو حلف ما فارق اُمَّه ولو لحظة مقيل

الهوى يبقى طليق المشاعر ما يدان
يرتكب جرمه على اطرف احاسيس وعميل

ما يفرِّق بين ظرف الزمان ولا المكان
ويقتل الخافق ويحضر جنازات القتيل

تحياتي للابطال

سعيد بن منجية

جواب القاف
جا جواب القاف مع عذرا حَدَتني فالمسير = يوم انا باتل وادوِّر من يوصلِّني هناك

في غَدِر ليلٍ عواه الذيب واقفاه الجعير = دبْكها يقرَب ويقرَب حيل ويزيد الدباك

كل ماله لين احِس إنَّه بجنب إذني هدير = تاتي الحمَّى جبيني والشقيقه والوعاك

وفوقي إحمولٍ ومع ذالك يِدِي فيها شطير = من يبي طوحي ليا من قال جيتك قلت جاك

وانا قدني منصدم من واحدٍ ما فيه خير = يكوِّش المجلس علانا بالهروج وبالضحاك

ويْتكلّم فالمبادي ما يوقِّف بالهذير = وكلمة إزهل ما تعدَّا دَرْج لحيه والحناك

وحسن ظنِّي فالرفاقة ما يخلِّيني حقير = لين جتني ذالبنيَّه قالت الدنيا فداك

انا لك حسْب الطلب جيتك على ظهر البعير = قلت يفداك الشويْن انتي من انتي ياملاك

قالت آنا بنت ربعان الّي مع بو بن زهير = وبن زهير وبن ربيعه قبل مالله قد نشاك

والمعرِّي وابن بُرْد وقيس بن اوس وجرير = وابن ثابت والسموأل من هذول ومن ذولاك

وبو جعيدي وابن ظافر والغويد وبن طوير = وابن غرم الله وموسى زين يوم الله هداك

كنت احوف الارض لاجلك فالظلام وفالهجير = وآتوجّد في غيابك وآاترجَّا في وِحاك

لين صِبْتَك وانت غافي صرم حالي فالسرير = وانت ساجي فوق عادي لا عدا عدْوه سباك

باعني يَّاك وشريتك بالحنان وبالحرير = بلمسة إكفوفٍ علاها النقش بإسمك من غلاك

وريح مسْك وعنبَّر وكادي وريحان وعبير = ونور بدر ونبْق سدرٍ حبّةٍ منها دواك

وريق فُل وبرك راش وطعْمها طعم العصير = ينشرب ويصير خمره لا تخالط في شفاك

عندها تصْلب وكنَّك تنتظر مقدم عزير = تنقطف روحك وكلٍّ ياخذ الّي في خباك

منكشف كنَّك بلا ثوبٍ تدوِّر للخَدير = تعجَز إتنادي ولا حولك من الناس إيْحَمَاك

كود انا حولك واطولك مثل ماطول الغرير = والهدايه لين تقوا وإتّباها في قواك

ما ربَح وحْدٍ جنابي فالوريد وفالصدير = وانت جيتك جيتك ابغى ما تبي يالله وهاك

شدّ فوقي فوق رَحْلي شدّ لو تبغى تطير = خل حملك فوق رَحْلي خل حملك لا يطاك

إمتسِك دونك يِديَّه والقلاده والظفير = ولا يمين ولا يسار ولا ورا هذا بلاك

قُدْم قُدْم أمام أمام إهنا هِنا حتى تصير = قُدْم ما لك خلف ولْوحدك بلا ذيَّا وذاك

انت وانت وهِم وهِم وهِم عِمِي وانت البصير = لانت فوق ولانت تحت اقدُم تراني في حَراك

أرقبَك فلا تخلِّي من يرا مثل الضرير = وانت يومك شفتني غيرك ترا يبطي وراك

هذا حِن فوق البحَر والبحْر مآهول وغزير = طربخ إرجولك مع إرجولي ونبحث في مداك

وخُذ نفَس حتى تحِس إنَّك على جرف وقرير = لو تنفَّس طحت, فإصلب لا تفكِّر فالحراك

وإلى حَنّ الصدر حَنَّة مجهمٍ تطلب حِويْر = ما تدُرّ الا ليا جاها الحوَيِّر منيَّاك

الغبوق ابيض, حيا, ما به ولا حبَّة شعير = فيضةٍ تهضابها كل الحشايش والشواك

تضيع لو تلهى لحالك لو تكُن شيخٍ كبير = والمقدِّي فالسما شعرى وثاقب لا بداك

بنتقدَّا في سهيل وبنتعشَّا فالعِصيْر = وكل شِعب وكل بيد فيه عفري جا لفاك

وكل عدّ وكل بير وسيل وقْليب وغدير = جو بعرضه فوق عرضه لين تتلايم حذاك

بالقنا ماهي جنابا والقصايد بالصفير = قبلها طرشٍ تسوقه قم لهِم سوق إبعصاك

ثم تدور الدور في طابور من عود وصغير = كلَّها تجمع علي هرجٍ يكالت في خَفاك

باصدَق الهاجوس جا لك من محادير الضمير = وحْش ماصادف ولاصيدف ولاطرْي وطراك

في فضا, حُرٍّ طليق الساق مافوقه عَمِير = فاوَّل إمقابل بلا ميعاد بالصدفه لقاك

ويوم هو شافك شهَق بالموت وإشهاقة صرير = لو قدر ياكلْك ذاك الوقت ما قصَّر كلاك

ما تعرَّض له نفير وماعترض قبلك نفير = وما توصَّخ بالكذاب وما تنمَّك بالنماك

ما سمَع غير الرَعَد ثم المطر ثم الخرير = وما رِوَح غير الخزاما والشواحط والاراك

لين ترسل بالكلام الّي على الكيف وخطير = وانت لا قلته من النعره ترا العالم لهاك

فقلت هاتك هاته الّي من شهيقك للزفير = إشخَلي زلِّي تولِّي كل مافيني دعاك

فقالت الّي ماجبر خاطرْك خلَّه ما يضير = وإن بدا بالشكل والا الهرج فيحان وغَوَاك

وجات كم فرصه وعيَّت بيض فرسانه تغير = ولاحتمى من سود فرسانٍ طلايقها هلاك

فلا تهقوا مثل ذا بين البشر ولا تحير = دام داريته وحاولته وعيَّا لا يحاك

وحَط قدرك عند راس العير ماكنَّك عشير = فحُط قدره عند ذيل العير لا يطري علاك

من درا جنبه وقفَّا عنك فاليوم العسير = فإدر جنبك عنْه لاتحتار له واعطه قفاك

لا تراعي خايبٍ جبوٍ هدانٍ ما يجير = لو تجي بيته يزرفل دونك الباب وجفاك

وهو غريب وصار بين الناس والعالم امير = دايم الطرقي تهاوا الناس له تبغى اللواك

وماتفرِّق بين فيحان وفحَيِّح فالنذير = تبغى تتلافا المشاكل وقت هيَّات العراك

ما طرَت راس البعير اليا زبد عقب الهدير = البلا من زوره اليا داس به عند البراك

فيا بو هدلا لا تشدّ الحمل بالحبل القصير = خذ رهاوي يلحق الغارب ويوثق بالحباك

وانا في جالك علاك آمن وفي عمرك خشير = آتهقوالك على حلو الشيَم واظهِر حلاك

فلا تخيِّب من تعشَّم فيك ويحبَّك كثير = طعني وحوسه ودوسه وإدهكه باسفل حذاك

قلت سم آمر على خشمي وتحت امرك ذِمير = والله إنِّي طوعك انطق كل كلمه من حكاك

رابعه, ترين يِدينك على جسمي تثير = كامل إشعوري واغيِّب لين ياخذني حِداك

صوتك اجمل من تقاسيم الحساوي مع بشير = يسحب إحساسي مع المسحوب واتنفّس هواك

فالقرار وفالحراك وفالطلوع وفالحَدير = دلّةٍ ريقت على فنجال وجْدايه جداك

شفت فعيونك وانا شابح لها عدٍّ غوير = منهجر كنَّه هلالي فوقها قصَّة حجاك

من رما ماضن رما ماينفع الحبل الجرير = هو بدل ماياخذ اثْرَه قام مايدري عطاك

مات فيها اكثر من الّي مات من وقع الجفير = والّي مات ارتاح مير الّي نشِب واصبح معاك

وين ماتلقين يلقى وين ما ذرتي يذير = كل جُرَّه فوق جُرَّه والخِطا على خِطاك

والمهيجن لا تهيجن زاع بالصوت الجهير = يشكي اوجاع المشاعر والتوجّد والهماك

فيا ربيع القلب لك فالقلب مجعاد وحصير = وياربيع الراس من شر العباد الله يقاك

فزعتك حطَّت همومي مابقا منها اليسير = وبرّدت كبدي مخاييلك وفحْواك وحَياك

واليسير الّي بقا لازم له إمعاود وزير = ينفض الناشب بصدري من لزاليز وحساك

والرّدي عندي مشاذيبه وانا عقبك خبير = حتى لو يبعد بَصيبه بالشخاف وبالرماك

الرّدي ماله مكان الا لحاله في حَضير = يقعد إيلاوِك سنونه ويْتعالك بالعلاك

إزهلي يا رابعه ما دام انا جنبك جوير = ما عزمت اخذ علوم الخلق يحرم من سواك

والله الله فالقدوم اليا غدَت نارك دهير = لا بردت إهبي تعالي وآتدفَّا من صلاك

رابعه, قالت عِفيت اليوم وإعلومك بخير = ما سلا يا بنت ربعان الهجوس الا عِفاك

سعيد بن منجية

الله اكبر
قصيدة الثأر لحبيبنا المصطفى صلى الله عليه وسلم

الله اكبر كل ماقيل في حرب وجهاد
والله اكبر عدّ ما سيف ابو طالب صدر

والله اكبر ركَّعت قوم عاد اهل الوتاد
والله اكبر والشهادة علمنا والنصر

والله اكبر اهلكت كل ماضي في عناد
واهلكت ثمود من جاب فالواد الصخر

والله اكبر اهلكت كل امَّه في معاد
والله اكبر اهلكت قوم فرعون ومصر

والله اكبر اهلكت قوم تبَّع ذو العتاد
والله اكبر زلزلت كل قيصر قي قصر

والله اكبر كم هلك كل من طغى وباد
والله اكبر والله اكبر على طول العمر

والله اكبر ترتفع لاجلها كل الاياد
والله اكبر يخسأ الغرب وارباب البقر

حنَّا اتباع الرسول النبي خير العباد
حنَّا احفاد الصحابة ابو بكر وعمر

حنَّا من سلَّم لنا الفرس والغرب البلاد
مكه وطيبة منابر لعزتنا وفخر

حنَّا روس الناس والباقي اذناب وسماد
مسلمين الى اخر العمر والكافر خسر

والنبي والمصطفى صاحب الحوض المراد
خير من ادم وموسى وعيسى والخضر

خير من وطت رجوله على رمل وحياد
وخير من كل الخلايق عليه المستقَّر

انقذ العالم من الجهل الاعمى والفساد
الامين الهادي المسلم الحر الأغَرّ

علِّم الغرب ابناء الخنازير وابناء القرود
مضيِّعين النسل والاصل حاضرهم خطر

من تعرَّض للنبي فان ربي له رصاد
يحمي البيتين واهله ومحمد في القبر

كيد كايدهم يزيد اهل الاسلام اشتداد
ما يهبِّطنا عزيمة ويسلبنا قدر

الا يجعل امة العشر والميتين احاد
والعرب بدال الاقطار يجعلهم قطر

ابشرو بالذلّ والهون وانواع الحداد
يا اخاليط الاعاجم وشعوب الغجر

يا سلالات االزنا والفضالة والجراد
يا مناكحة المثيلين شرَّاب الخمر

قبح الله كل افعالكم يا اهل السواد
زلزل الله تحت اقدامكم نار وبحر

واحرق الله دوركم واهلكم حتَّى الرماد
وارسل الله فوقكم طير ابابيل وحجر

ولا تذوقو كل دافي ولا طعم البراد
زمهرير(ن) برد مرة ومرات(ن) سقر

لارحمتو ولا بعثتو تعيشو في كباد
انتو اصبحتو غنيمة لنا بعد الخبر

يا هل الخنزير وش حدّكم لاهل الغماد
يعلم الله ما حدانا امركم الا امر

انتو في امن(ن) ونعمة ولكن عاد عاد
يفرج الله بيننا وبينكم ثغر ونمر

والله ان نجعل سلاكم على ظهر الشداد
وانَّا نصلب شيخكم والاشبَّه والبزر

ونستحِّل انسائكم بيع(ن) ومشرى مزاد
وانَّا نستعبد ونكرفبكم كرف الحمر

الله امهلكم ويهملكم الواحد لا اراد
موعد(ن) يفقس بذخكم لمحظاظ الفقر

موعد(ن) يدنيه ربي متى ياتي الوعاد
موعد(ن) ترجون فيه الحمى خلف الشجر

يالله اقبل اضعف ايماننا حتى يعاد
اقوى من ايمان الاصحاب في الكهف المغر

اكفنا يالله فالغرب الانجاس الوغاد
واحفظ وشرِّف مقام النبي كل الدهر

واختم اقوالي بصلىَّ الله وسلَّم عداد
كل من صلى وسلم على سيد البشر

اسأل الله ان تشفي بها ولو بعض الغليل واقبلها منا جهادا مصغرا ونعلم انه اضعف الايمان امين
سعيد بن منجية

ابيات متناثرة
بسم الله الرحمن الرحيم

هذه ابيات متناثره غير مكتمله في المخاض او انها ماتت في احشائها بناتها
ولعلها سترى النور او تموت دون عذاب وتصبح طيور مرفرفه ليس لها قرار


وش مكسب السارق من الزين نظرات = غير انه يزود على الجرح كيات
==========================================
ريموت قلبي بين اصابيع يمناك = عن بعد تتحكم ومن قرب محكوم
==========================================
يتيم في حرفي وداري والاوطان = حتى ارهي اني آتخاطب مع اشباح

وش قصة ادوار المئاسي والاحزان = تاتي على حلقات ومسلسل إجراح
==========================================
فاحت دلال الشاذلية وكيفت = واسرجت من خيل الروابع جحافيل

تدهم بليا نذر تجتاح وتزيح = عجة ليا كرر مرازم همالـــــــــــيل
==========================================
فاول ليا قال الحكم فاول ارجوك = لمست بيدك جرح قلبي وذالحيــــن

الوقت قاتل والعواذل يشوفـــــوك = ياترضي العذال وتزعل المسكيـــن

اللي على شانك كسر من يعادوك = مابيك تطريلي المثل بين ناريــــــن

هو شي به كل المشاعر ينــادوك = وبرهانلي ينقال له وسمي العينين
==========================================
فالك المليون وادبلها وبيرق بن فطيس = وفال من يشناك ليل من النوافع والقلَت

حي من يحيي المشاعر في عروقي والحسيس = والبوازل من خلقها الله تبشِر لأقبلَت

في فوادي علقمة ليا فهقها خندريس = سبها غيدا تماري بالأماكن لا خلَت

تعيثبي سود الليالي والخلا واصير بيس = شح شفي من دعَجها والنواظر مادلت
==========================================
ككل البشر في الحضر والبوادي = نداري المشاعر وربي يداري

ككرب العراق ابد مابه ندادي = في قيض القوايل وغدر الغداري

ككون العراق ابد ماله ضمادي = وصقر النصارى يصيد الحباري

ككتلة نصير ابد ماراح نصادي = ومير البلا في الفريق الوزاري
==========================================
ليلة سمر في مخدعك عن ليالـــــــــي = تجلي سهاد اسنين عاني وضامي

وتغشي مصارع صفصفي عقب مابار = ويرتد نسمي وابتحض من مقامي

واقوم اهذري مثل قومة مجهلــــــــــل = ماني بصاحيله ولاني ابمنامــــي

ليلة مثل حلم المنامي وهي علــــــــــم = من روعها كنه على طول امامــي
==========================================
تهناني الجمره على جرح قايح من سنين = تدغدغ احساسي وتنسيني آلام الوجــــــــــع

وتهز باكتافي صليب المشاعر والحنيــــن = وتخلص افكاري ونفسي من اعراض الصرع

احيان مر بمر ياتي بموجب سالبيــــــــــن = عشرة عمر مع هات واخذي وتاليها ولـــــــع
==========================================
بيدي دواي وداي قلبي وروحي حايرة = ودي ولا ودي واشاور واخاير ايـــــه لا

اجود والا اجوز عن حب ذي واخايــــرة = شختك وبختك قمت الاعب بحالي للملا

كني غرير وكل من جا وراح يسايــرة = وان قلت بالعبها واخليه قلبي ماســـلا

لله درك ياهوى البال روحي طايـــــرة = وتحوم مع موجة هواكم ومع قولة هلا
==========================================
يرحمك يا وقت(ن) مضالي ولا عاد = وكفن معاه احساس واخبار خلان

الطيب راحوبه هل الطيب والحيــــن = الحر عايش تحت بومة وحديــــــان

ليت الملا ملاي والبر والمزيــــــون = والقلب يقعد مع هل الكيف طربـــان
==========================================
نيتي اصفى من الماي القراح الـزلال = ما يشوب صفاها كيد ساحر وزيد

لي حمية وغيرة مع بنات الحــــــلال = احتمي عرضهم وازيد غيرة وازيـد

والدراويش في بعض المواقف خبال = والله ماعندهم غير الفطا والسريد
============================================
نكفخ بجنحان المشاعر ونعتلــــــي ===== وننقى سمان الهرج ونذكي اسمنة

ونحوف خولاني على هيل واشخلي ===== ونمد باليمنى على الصدر وايمنـــة

واتلا حثال الكيف ماله مداولـــــــي ===== ونجدد الترحيب والبن نسحنـــــــــة
============================================
في القلب طاقة كامنة حقد واشواق = لإني جمل والحقد مايحملة هطهــــــــوط

وشوقي يشم الحيل من هند الانـــــواق = من مشي ليلة حبي والساق مربـــــوط

حيث ان مزوبد المهادل خطر لا ضـــاق = يعرك بزورة كل من قابلة ويســــــوط

ياناشد(ن) عن موضة القلـــب والاذواق = ينهت على هدبا علاها الوشم مخطوط

العنق فارع والشحم هازع(ن) بالساق = والقد مقطوع النسم به وممطــــــــــوط

وفي مشيه اكثر مايخليك تشتــــــــاق = ادعج غنج والشعر ناعم وممشــــــوط

ماودي ازود على كيلة الاســــــــــواق = خايف من الحسبة تعهّد علي اشــروط

لكنّ في بوحي طلع جايري وانطـــاق = حمّض علي الزاد والحين انا مبســـوط
=============================================
نيله على حب(ن) تخاطفه كل النــــــاس = ونيله على قلب(ن) وسيعه مذاهبــه

ودّي احسب انك لي واتغطرس تغطراس = مير انت في كل العناوين كاتبـــــه

في الزاوية والمتن والراس للـــــــــراس = الحب سمسرتيه بعروض كاذبــــــه

منتي مغلف والحلا لا تكشّف ســـــــاس = بس اشهد انك رجل فاطلق مضاربه

انبش شذر قلبك وبرشامك المنــــــداس = في جيبك المصنوع بايدين خايبـــه

ماينطرد في قلبي الفار بالمكنــــــاس = انا اطرد ابقلبك ثعابين هاربـــــــــه

تضحك ومن خلف الثنايا سموم وبـــاس = بس احذقه قبل التهي بالمخاطبـــه

ظفّي كتابك ماني اغوا قصص واهلاس = اقرا كتب بنت الاصاله لتايبـــــــــه
=============================================
وين القلم واكتب لناظم وشيهــــــــــــان = وبو حيدر الشعّار ذا هلّو الاشعــــــار

بصدور فيها الشعر يغزي على الوجدان = ويكلبش السارق من القلب زير وطار

ويرقّص الفرحه ويوعى لها البحـــــلان = ويوقّف السكة ويفتح بها مضمــــــــار

تلكد لها خيل الفواريس من شمـــــــران = وتدكّ بالحافر ممالك دول واســـــــوار

ننهج على العليا ونارد على القيفـــــــان = ورد البوازل والشياهين والامهــــــــار

ونبيّح الواكن قبل يهبد البلـــــــــــــــدان = نشفي بها جدب المشاعر وصلو النـــار

وجدي على الكلمة وجود القصر برزان = على الرشيد اللي حكم بّه وفيه يجـــــار

حبي لجال الشعر يغلب على النســــوان = هو بنت فكري والخوي والامل والجار

والا انت يابنت اعتقد ماكثر الغيــــــدان = لكن جناب الشعر ماينلقى لو طــــــــار

وهو في خفوقي مرتبع ويغديبي جــــان = ويزوع بي ويصول بي وين ما اختــار
==============================================
له له على ايش القيض يكشف سراب اللال = ويطلّع الصحرا بواحة ونخل إطـــوال

وهي في حقيقة امرها عاصفة وارمــــــــال = ياقيض فورك كرّه البنت في البنطــال

وكرّه غروب الشمس في لحظة الإســـــدال = تبغى تشوف الزين مع لمعة السلسال

وهو غارق ابرشحة يبي وارد الهمّــــــــال = عساه في دمي تطربخ يديه البــــــــال

آسف نسيت اني مع البيض شفت إهبـــــال = وهذا من اللي بعض باغيّر المـــــوال

هيهات يجثيني على اركوبي المختـــــــــال = لين اختلي ويحلّها عقبها حــــــــــلاّل

مؤمن ولا نلدغ من الجحر والادحــــــــــال = فزت ابهوى ريمية(ن) ما لها امثـــال

مخشوشة(ن) في قد غرفه بها زرفـــــــال = مضبوبها ابيمناي في مجمع الاحــوال
==============================================
ودّني يامودّي للحبيــــــــــــب = قبل يحتدّني سيل العـــــــرِم

سيل من جرح قلبي مايطيــب = انضبه طول صبره وانصرَم

مابقى الا يحدّث كالخطيـــــب = من كثر ما حفظ حب وغـرَم

سيرة الحب صدقة والغريــب = والملََفّق ومن باع وحــــرَم

اشهد اني من احبابي عطيب = واصبح اني بهم رابع هَــرم
=========================================
لهيت ابهواك الله يلاهيك عنّي لو بطــــــــي = لين يرتدّ نسمي واشرب العقل قدّام الضياع

المشاعر تخانق قام حسنك يورّدها وطِـي = من كثر هندّلة حبك براسي يصايدني الوداع

يانزاهة جنابك من مهابتْك عظمي ماسطي = تنعقد حية لساني وحلقمْه يِبْلَعْها بـــــــــلاع

ليت قلبي برجلينه وبيديه يمك ما خطــــــي = اشهد انه لقى حتفه وشاهد على روحه بياع
================================================
فيدك حياتي وقلبي طيــــــر = العب بطيرك على كيفك

خله على ساقيه يسيــــــر = قبل اتلاحقبها ايدينـــــك

وليتك على ماعملت اتصير = سيّد ولكن انا سيـــــدك

حاكم ومحكوم حنّا غيــــــر = مالك بغيري ولا غيـرك
===========================================
نياق العرب فيها مجاهيم واوضـــــــاح = وانا احب كل الوضح والسود لا بيس

ترى الوضح الاصليه وحازت بالامداح = غبني على وضحى تطفّي الفوانيــس

تجهر بشاعق وجهها كلّ شبّـــــــــــاح = تجيد الحكى والغشمره والتراميــــس

فيها اللحَم مثني من الهبر شــــــــرّاح = يندّي جبين اللي يشاهِدْه ويهيـــــــس

يِرَخّي له البرطم مسعبل ومرتــــــــاح = ويا مال للعلة بقلبي واحاسيــــــــــس
==============================================
انا اللي مداريك ابحنانـــــــــي = ولا شفت منك الا الاذيّــــه

تبيني على كيفك جبانــــــــــي = واجيلك على بطني وايديّـة

تحَسْبِي سهَم حبك قدانـــــــــي = ماتدري ان في قلبي وقيّــة

صحيح ابذل اقصاري واعاني = لاجل فطرة ابن ادم سجيـّة

ولكنّ باجهادي وايمانــــــــــي = تعيّي على يدّي بنيــــــــــّة

هي اللي بقالي من زمانـــــــي = وحانث على الله مابي زيّة

نزيهة جناب امني وامانــــــي = وتامر على روحي وصيّـة

هذيك ابنة الشيخ الفلانــــــــي = عليها من اشواقي تحيّــــــة
=============================================
وِقت من شرفة عيونك على قلبك وشفـــــــت = اكبر اسطورة مكابر رجل على رجـــــــل

وتنفثي في شمعة الحب غليون وبكــــــــــت = والله ان في خاطري انه خجل امحق خجل

اثر ما كل اللي يعني سكت اسمه سكــــــت = وانا مسكين احسب اني حذق واثري خطل

صدق ما خفي هو اعظم ومش مهم اليا بكت = اصقر من الصقر تهديك سمّ(ن) في العسل

بس باساير غرامه وابعرف ما خفــــــــــــت = يمكن اصادق على بعض احاسيسه وافــلّ؟
==================================================
سيف العِشِق بتَّار مكروه ذو حدّيـــــن = جوِّد على قلبك من النصف وامش ابهون

مهمى عطيت او خذت لا تذكر الثنتين = عُرْفْ الهوى يقلب مابين الطرف والعين
=================================================
يهلِّي ببو حيدر قصيدي ويمتـــــــــاز = حيث ان معْه الشعر يِحلى وينـذاق

كنَّه على هدّ المعاني مسى بــــــــاز = اليا قنص يقدي ولا يثني الســاق

صريح بس يجاذب القلب بألغـــــــاز = مخالبه تبحث مدى الحب لااشتـاق

هني من حازت بحبك ومن فــــــــاز = والزين يجهز في رضاكم وينساق

وجدي كما وجدك على حظّ ممتــــاز = مع جادلٍ ربروب يسرط بالاريـاق

احور عيونه خسف نيزك ومخــــراز = يفضخ مرار القلب مره وينــــــراق

جوّ وطبيعه تجعله دوم مركــــــــــاز = واغيِّب اوتادي واخيِّم بالآفـــــــاق

شي(ن) علاه استاهل الذنب بإيجاز = عِشْقَة قُمر يسرق من العين الامواق
============================================
يلجئ احساسي لدولة غرامك يا اميرة = لا تردِّي خاطره خلف مايحْمد عقابه

قَنْصِلِيْه إليا بغيتي وذمِّريه أية ذِميرة = يعجبك ويصيغ لأمرك حقيقة من اكذوبه

كيف لا ولِّيتَه امر الوصاية والسريرة = بيْغَزيبك صفصف اصقاع من نهر الخطابه

طال عمرك ازهليه الصغيرة والكبيرة = والتجارب خير برهان ساعة جربيبه

المهمّ الحظ منكوس بي لو ماتجيرة = ليتك الذيب انك اشوى من الصاحب وطيبه

ايه ايه الحب يحطم على قلبي سعيرة = ارفقي بالقرم من قبل مايصبح هبيبه
=============================================
تهت من روعة جمالك عساني مانعــــدم = ذيك الاحلى شي في الكون بسمة شفّتـــِك

وش حصلِّي انجهر شوفي وفمِّي انبصم = صرت من ذوي الحاجات الي مدمن بسمتك

يندفق حسّ انتعاشي مجرَّد لا زهـــــــم = كيف لو انك تقصدر جروحي بلوعتـــــــــك

تنخِثر وتشِدّ اكثر من اول والتئِــــــــــــم = وجِّهِي بوْصَل نيوني ليمِّك وابْخَتــــــــــــِك
================================================
فاتت سنة ماجا من الزين مرسال = يالله عسى سترك عساه المهمّ ابخيـــر

لو يدري انّي من غيابه شريد البال = واضيَّع الخطوة واخالف مرور السير
================================================
لها لها وانا لها والعلََـــــــــــــم دوَّار = والمطلق اللي ما يخالف سلوم الناس

اليا حضرنا يحضر الثلب فالمضمار = ولا يغيب الا الضعيِّف قليل البـــــاس
================================================
لهفة القلب تاخذني بليا شعور ألا سَبِي = بلَّد احساسي وخلاَّني اعيش في رجوى وهَم

هو يقين ابلغ من الشكّ انا ابي وهي تبي = لكن اشلون والا كيف مدري ولا عندي عِلِم
===============================================
يهزمني الطَيِّب بطيبة ويغلبنـــــي = ويكسر منارة كبريائي ويحرجني

واما الردي فارد صاعة بصاعيني = واهزمْه واغلب حظ منهو يعاديني
==============================================
حيَّاالله الي يبدي الشوق ويسلِّــــــــم = والقلب عند القلب والحال متباعـــــد

باسحب بساط الارض وادنيك واتكلَّم = من راسي ال راسك متى يوم نتواعد
=============================================
نيام او صحاح الناس ما عاد همِّي = اصلاً سوى سوى وجود وعدمهم

ناسي هوى بالي وخالي وعمِّــــي = ان نامت احسبهم نيام ابسررهم
=============================================
زهرة شبابي إذبلت واقبل الخريــــف = فيه ايتِساقط باقي العمـــر والاوراق

كل البشر تقضي وتمرق مروق الضيف = يارب عفوك وقت لالتفّ ساق ابساق
=============================================
ددا عليك الفكر وانا لعبت الشعر = لعبة صغار الامس في الرمل والطبطاب

يخشع ضميرك يا من اثرتنا بالمكر = قبلة رحاب الذعر توِّي من المحراب
=============================================

تحياتي وانتم سلوم

سعيد بن منجية

سارعي شمران
سارعي شمران








(سارعي شمران) للمجد والعزّ إعتلي
عالية من عالي الشعب قحطان العريب


من نسِل هود النبي وارم والصلب الجلي
منهُ منَّا اشد بطش وملاقاة وحريب


الطعان اولاد مذحج حفاد المرسلي
جمجمة مذحج نهار إبن عدوان الجنيب


في لقا البيدا معا معْد والعالم ملي
بين مكة والمدينة ودوسرنا كتيب


واستخار إقريش عامر وجانا مقبلي
إبتكرنا الطعن من قبل ما يدري الصويب


من قباب الخيل واحنا ركوب وخيّلي
والعرب سمَّت بنا الطعن والجرح العطيب


خضنا فيف الريح يوم الزمان الجاهلي
وعاقل ايام الملاحم موثّقها الاديب


وفي خشيم الذيب واعلى ليَه والا اسفلي
وغيرها عند العوارف سوالفها تطيب


واختلفنا مع صدا وكلّنا ربع وهلي
ثم جانبنا صدا مع بني عم وقريب


كلّنا سعد العشيرة منبَّه والغلي
ثم سمِّينا بجنب السراه إليا قريب


واتّجهنا يم بطحا القرى وادي حلي
وارتعو صبيان روح آل روحا فالكثيب


المسمَّى سبت شمران والطارف صلي
داعيتهم رابعه والمطاعي ما يخيب


وآل عبد الله هذولا بني روح الشلي
وارتقى في حجازنا باقي الصلب الصليب


الفزع بن روح حلّ ارض باشوت اولِّي
ثم لا وادي الفضا وادي النخل الخصيب


في تبالة إبن يوسف وقلبان الدّلي
درَّة العمليق بن لاوذ المرو الذهيب


الفزع بن روح بن مدرك إليا ما فلي
إبن شمران إبن علَّه ليا زيد وعريب


مالك اللي كنيته مذحج اصل ومفصلي
هم هل البطنين وابني خناس اهل الجليب


مورد المبعوث والمصعبين البزَّلي
بادية بيشة هل النخل والطرش الرهيب


وقرن بن ساهر بباشوت والعزوة علي
في مراقيب الشياهين واحرار الصعيب


وآل عامر فالشفا وآل قيسن ازهلي
بدّ من شجعان شمران في يوم النديب


وفي شقيق ابنا مخاسر نزاه المنسلي
محبلين الحرب قبل اللواقح ما تجيب


وفي دمة اولاد حارث مخاييل الولي
آل حارث فزعة الحلف واليوم العصيب


قوم لآخر يوم قدَّام ما فيهم تلي
ممّنين الجنب والجار والجار الطليب


العساسيف اهل خيلٍ كميت ومذهلي
والعبادل هل مجاهيم ترعى فالشعيب


يحتموها بالنوافع وخيلٍ تصهلي
آل حارث مشترين القصير اُنفه وطيب


في دمه والهوبجه والبشاير والفلي
ذول شمران العناصي مداهيل الصحيب


يبتحض شيطانهم لا رقص له سعللي
ويحترون اليا فطن ورعهم معنى السبيب


ويضرسون اليا حمض في براطمْه الحلي
ما يصايد زورهم ينزل الا بالغصيب


يرتّبع رجَّالهم لا سمع لمولولي
قوم ما ترضى الاهانه ولا ضيم ونحيب


هم عصاة القوم دآها يوقَّع فالكلي
من مخالبها تعشَّت جراوا كل ذيب


كم قبيلة سمَّت إعيالها وتحوّلي
بإسم شمران وتنومس بها في كل سيب


شجرةٍ من جا تحَتْها شبع وتظللي
والعوارف ما إجهلو فالنسب والا الحسيب


يعرفون البيس ويصاع قبل إنَّه يلي
ويهتمون اللي على صلّته شكَّه وريب


والاسامي لو تشابه زهلت الاكملي
فالنجوم سهيل والحرّ لا ودَّا يجيب


حن مصابيح السما والبواخر والخلي
حن هل الفزعة نجيب الطوارف والغريب


نثكل العادي حريمه وراعي العوّلي
ونكرم الطرقي ونعفيه لا جانا حبيب


هذا لا شاش الأنا قام راسي يشعلي
وتنطبخ فيه الطناخه وشعري يستجيب


ربعي اوتادي وحبل الوريد ومنهلي
احتمي ربعي واشانيبها عن كل عيب


يالله جمّلني لكسب الجمايل واجملي
مع ربوعي والرفاقة ومامور ونقيب


وآخر القالة ليا قيل شمران انزلي
يا هوام الناس تجليل للقيف المهيب


واحمدي الله ثم صقر البلد والفيصلي
وآمني بأحكام الاقدار مع حظ ونصيب



تحياتي القلبية والقبلية

د. حامد المطاعي الشمراني
يشرفني ان اطرح هذه القصيدة في سعادة الدكتور حامد المطاعي الشمراني الاستاذ المساعد في كلية التربية ووكيلها بجامعة شقرا بالدوادمي والشهاده مجروحه

سلام يا حُرٍّ ليا هدّ عاق الشارده = حُرٍّ وحَش ماهوب مصقور صقرٍ مانصقر

إليا نفر كنَّه مكمِّل هدادٍ طارده = ماكُن توَّه منطلق ما تعَرْف إليا نفر

وإليا كفخ ثم إنهزع فوق صيدٍ صايده = هزعة سحابٍ بالبَرَد درحمه هزع المطر

لين إنغدا مجمع كفوفٍ ليا جت جامده = لا كزّ صيده بالمخالب تقاضب فالظهَر

تقلب عشر قلبات فالجوّ لاهي هابده = ثم يعْمد اُرقبْته بغرز المخالب فالنحَر

يكتم نسمها وتْهَجِد كنْ من اول هاجده = يشبح حاوليه اكثر إمن إلتهامه للهبر

ربوشٍ اطفق من طفاق السباع الصاهده = شكله مهيب إيجاذب النفس ويشوق النضَر

هذا المطاعي حامد إليا دعيته تاجده = مثل الهدد ملواح لا لِحْت له لمح البصر

على الذراع اُخذه يجمِّل بك الي تارده = لو غبَّة البحر الغزير إيْعَديبك فالبحَر

والا على شاهوق يرقابك اعلا حايده = والا على صفصاف يرسيبك القاع الغبَر

دكتور فالمنصب لا منَّك بغيت إمساعده = يزهلْك ياها ما طبَس كبرها لو ما قدر

مليان شيمه ونْخَوَه والمزيا واجده = ربعه مطاع إمطوّعين العدا يوم الخطَر

ربعه مطاع إمطوّعة كل قومٍ عامده = من سبت شمران المسمَّى هل الخزْر الحمَر

دعوى مطاع إليا تدعويتها في كايده = تشوش وتشاوس وتسكر بلا كاس وسكَر

تنصا لزومك لين تبشر وهيَّة قاعده = إفكيف لو تنهض تعدَّا لزومك بالعشر

ربعٍ على حد الديار إحتمو حدايده = عاصين فالهيَّه ومن كان منهم ماخسر

فمن كان ربعه ذول عز الله إنْها فايده = تفيد من ينصا على حاجةٍ لو هي جمر

تاطاه لاعيناك كن إلْهَبَتْها بارده = حامد حزام الجنب يرفل شدادك لا حضر

يجيب ويودِّي عقيد الفصيل وقايده = يامر وينهى تحت اوامرْه لا صاح وأمر

ما نطري الا من ليا قام حل العاقده = يحل شرهات الطلب حل ويجيب الخبر

الميل عنده لا مشى ما يساوي يارده = ما باحت انسامه قوي العزايم والظفَر

نفسه على هوز الصعيبه قواها صامده = دام المطاعي حي فإبشر وفالك السفر
سعيد بن منجية

خذ تحيه
خذ تحيَّه

اي نعم كلَّنا نعرف بعَضْنا ولا فينا اعجمي
كلَّنا ابنا عموم وجد واحد ومذحج تاجها

هذا يوم إن غدانا عقرب الطين منزوع الدمي
عقرب الغفله اللي سمَّها منحشي في شرجها

خذ تحيَّه من اضعف مذحجي لا بداك مسلهمي
يقدع الزود من خشمك لذيب الخبوت وعلجها

والله إنَّه مسيكين ويتيم الذي جانا طمي
يبغى يبرد كبيده مير زعنا علاها صاجها

يا ضعيف البنايد يا لحق يا نزايع يا إقزمي
تبطي ما طلت عصمان الشوارب وبيرق فوجها

الله يعفى عن اهلك يوم جابوك عنهم محرمي
كنَّك الزير يطلب حاجته لين طيَّر عجّها

ثوم كبدك حبَلْها الغبن وبثورها تاتي عمي
تنخرك لين تحمق والحمَق ما نواخذ هرجها

منت رجل وشجاع ولوك رجل إخذ سيفك واحتمي
وحن نزين السوالف بالفعايل ونملا درجها

طاستي فايضه من كل وادي وجاهز بقْلمي
وانتظر من ينادبني واعنّ الخيول وسرجها

توب عن لابة الشجعان والحرب راعين الضمي
وابرد الحرَّة اللي في طحالك بعيد وزجّها

واعرف انَّا عصاة الناس يابوك ليتك تعلمي
حنَّا شمران قبل تقولها باللسان تهجّها

ابعث تحياتي الى المخترق Mr:Scorpion العقرب
سعيد بن منجية

إلى دماوي حيل
يا دماوي كيف حالك ,الخبر قرر وصاله ؟
كيف عززمنا على بيت الشعر قام وتبدل !

والحقيقة شفت ما عكر عليَه في فعاله
شفت حرق البيت واهل البيت يبكون المجندل

قلت لك واخفيت عنك الشاعر اللي هام باله
عن حوالة واتوجد وجده اللي ما تعدل

قمت بعد غياب وارسلك على المخفي رسالة
واتمنى الرد بالمخفي ولا قلل ولا دلّ
الشامخ
رد

نحمد الله والخبر خيره وشره حن قباله
وكل عزم إبن ادمي مهما ارتفع لازم يحول

والحقيقه حكمة المومن يطاردها لحاله
لو درج عنها البشر يبقى على نفس المعدل

من نشد عني فانا موجود ومسنتر هنا له
انا ماتالي من إيتالي ومع الاول فالاول

ما وصلني من حدن هرجه ولا طرد ومقاله
والتواصل سهل من يبغى يواصل ما يطول

تحياتي
سعيد بن منجية

الوسمي
الوسمي

هذي القصيدة مجاراة لابيات الشاعر سعد بن حنتم الفزعي الشمراني الي مطلعها

يالله في نوٍّ نصوبه تقافا = لا زل مخيالٍ تقفَّاه مخيال

وجاريته بالابيات هذي

يالله في نوٍّ مخيله يشافا = في كل دار وكل ديره ومنزال

يدك شعبان القرى والفيافا = ولا يُكُف الاَّ ليا جا له اغيال

نبصر صورنا في طرفها نظافا = مثل السنين اللي على خبرنا إعيال

لا راحت إخشومه ذيوله تلافا = ملفى رياجيلٍ على بيت رجَّال

كلٍ يبي الثاني زبون ومضافا = ما ينكس الاَّ لي طرب واسفر الفال

ياتي له إزهور وحشيش وعضافا = ربيعٍ إطلوعه ليا شيفت إهبال

تقول رعبوبٍ عديمة وصافا = ما هزَّها الوسمي على كل الاحوال

فيها الحسن والزين ياخي مضافا = تعتق ليا قِصْرَت يدين آهل المال

إليا عطفها القوم وقت المخافا = في يوم لا رد البرا قُدْم الازوال

تنصر جيوش القوم لوهم ضعافا = ويحوزها فارس ماهوب أي خيَّال

إصخيفٍ ماهي من اللي صخافا = ومربربٍ وإعظامها إدقاق وإجلال

مهزوعةٍ وتطير مثل الوطافا = حمامةٍ مدري غزال انس الاقوال

قد قلتها فأول عديمة وصافا = لا تنشد الخافق ولا تنشد البال

هذا اللي ينقال إله سيد الولافا = مثال يضربَّه وتنْقله الامثال

فيه الخفوق إيعد ربه يطافا = خوفٍ من احوالٍ يغيّربها اهوال

ويصد لا يغدي يجيه اختلافا = الزين ما يطري مثل حلم وإخيال

لما خطر فالقلب شرطٍ يلافا = حيث إنَّه اكبر منه ويعده إمحال

نظرة عيونه حدب هندٍ رهافا = تصرم عروق القلب وتكز الابطال

مبغي عيونٍ جرحها ما يعافا = حدِّي هبابي وإبدلو قلبي إطحال

قلبي خضر واعْرفْه لا من تهافا = يدهل مداهيلٍ على غير مدهال

يا خوي بن حنتم بيوتك شلافا = عز الله إنْها حرّكت في الاطلال

سقت القدم يم القفر والهيافا = واطل في جرَّة هلٍ ذكرهم زال

محنا وغصبا والبيوت الكلافا = ام القلايد من تحَت ثوب وإشيال

عادوا سحر وإلميس وإبه إنحرافا = والقنْع لطمة رجل والثوب بنطال

انهيتها رد إبدويٍّ بقافا = عيش الحضاره ما يغيّر بالآصال

واولاد حارث عزوتي واللحافا = من صلب شمران آتعزواه واختال

قومٍ ليا جانا المخلَّا زحافا = ندقل علاهم قبل ما ياتي إدقال

سعيد بن منجية