ديوان قصائد لشعراء المملكة العربية السعودية (متجدد)☘️☘️

رسالة لأخي زهير بن حمدان
أيها الأخوة الكرام أعضاء منتديات قبائل شمران الرسمية

السلام عليكم ورحمة الله وبركاته

هذه القصيدة أتمنى أن تقبلوها منّي وهي مهداة إلى أخي الغالي والكبير والجميل الشاعر

زهير بن مداوس بن حمدان الشمراني

الذي أتمنى أن يقبل منّي التعازي في وفاة والدته رحمها الله والتي لم أسطتع تقديم العزاء له فيها

لعدم علمي بوفاتها اسأل الله تعالى أن يجعلها من المرحومين منه والمغفور لهم بإذنه تعالى

القصيدة

يارفيقي يا ولد عود(ن) حكيم
أنت راعي حق والموقف صريح

والخطأ مني وباحلف بالعظيم
رب أبراهيم واحمد والمسيح

ماوصلني علم بالجرح الأليم
والسموحه منك يالقرم الجريح

أعتذر لك وأنت رجال(ن) كريم
تقبل المعذار لو عذري شحيح

العزى مني لكم وأنت الحليم
لا تواخدني على شرح(ن) صحيح

عالمي ماصار مثل أول سليم
تكثر الآلام في جوف الطريح

صار لي تقريب عام أطرد غريم
والغريم الضيم مع رجل فصيح

أخوك
سعد عبدالرحمن آل مجبّر
مدير شبكة ومنتديات البشائر نت

سعد عبد الرحمن

حكاية تهاويل


القصد عندي لك حكاية تهاويل
مضمونها لونين كاااانت وزاااالت

ومفهومها عينين هلّت هماليل
حزّة مشاعر بنت الأجواد غااالت

الله حسيب اللي حرمني التعاليل
في مجلس ن بالود قائل وقااالت

من بعد حلمي بالسنين المقابيل
شدّة ضعنها قاصده واستحااالت

واحلامي اللي صغتها بالقناديل
ما جمّلتها أيامي اللي تتاااالت

يا قوة الله وش بقى للتساهيل
ما دام صرخات المظالم تعاااالت

والله لو تنفع شفاعة مداخيل
لأجعل مداخيلي مناحل وثاااالت


سعد بن مجبّر الشمراني

السلام عليكم ورحمة الله وبركاته
شيلة جديده للشاعر سعد بن عبدالرحمن الشمراني في المنطقه الشرقيه بكاميرا المنتدى

قصيدة مهداة للعقيد مقبل بن محمد الشمراني بمناسبة سلامته من الحادث المروري الذي وقع له
بسم الله الرحمن الرحيم

هذه القصيدة يوجهها الأخ الشاعر :
علي صافي صالح الشمراني

بمناسبة سلامة العقيد :
مقبل محمد الشمراني

من الحادث الذي وقع له على طريق الرياض

ألف سلامة لأخونا أبومحمد
ونسأل الله له دوام الصحة والعافية والسعادة


القصيدة :

سلمت يامقبل عسى الناس تفداك
تفداك ناس ن ما تساوي ضلالك

علم المراجل كلّها ما تعدّاك
والطيب والمعروف والعزّ مالك

أنا أحمد الله يوم هو ربي أنجاك
يحفظك ربي عايش ن في حلالك

أنسى وخلّك مثلما قد عهدناك
ذخر(ن) لكل اللي عنى لك وجالك

سلمت يامقبل عسى الموت ينساك
والستر والصحة مع الخير فالك


الشاعر

علي صافي صالح الشمراني

قصيدتي الأولى أديها لكم بعنوان ( أعتذرت )
أعتذرت وقلت .. ما للشّوف بغيابك مكانه
لا رحم درب(ن) عسف شوفي لتابوت التجافي

والله إنك يالحبيب .. لعمري الباقي عنانه
كافي إنّي ذقت طعم المرّ من فرقاك كافي

شآن فات وكل وقت .. وله مع الأيام شآنه
ذنب وأذنبته .. ولاكن خاطري يازين صافي

والغلط مرجوع .. قد قالوه .. وأعطونا بيانه
والبيان مصيب منه أبني سند شعري وقافي

واللسان حصان والكفو أحتمى خطوة حصانه
ماهرج في دوج وإن هو قال شي هرجه سنافي

ذاك .. وإني جيت لك شاعر .. وأنا كلّي ميانه
معترف بالسالفه .. وآقول ..صار الثلج .. دافي

آتلذذ .. حين أقرّب منك .. وبهرجك .. هدانه
والحروف يسوقها الفكر المهذّب والثقافي

جعل حظّي .. ما يبور .. وما يذوّقني دوانه
والغياب الله يجلّيه .. وعسى ضاويه طافي

شوقي أكبر من حدود الوصف لو يشرح لسانه
والطريق اللي عليه الشوق .. ما ينفاه نافي

ياكم أتعبني حروف الدرب .. بسهوم الّلعانه
وياكم أتعبت الهجوس وما قبل عنها أنصرافي

آتذكّر .. بسمتك .. وآقول .. يا منبت حنانه
وآتذكّر .. نظرتك .. وآقول .. يالله المشافي

قصيدة من الشاعر (بن مجبر) موجهه للشيخ (مسفربن عوضه) وردها

بسم الله الرحمن الرحيم

وصلتني هذه الرساله من أخي الكريم الشاعر / سعد بن عبدالرحمن بن مجبر الشمراني
(مدير شبكة البشائر) وهي موجهه لاخونا الكبير قدرا ومقاما الشيخ/ مسفر بن عوضه الشمراني
وكان لي شرف الرد عليها (وهي تتحدث عن بعض المواضيع اللتي تهم الجماعه)



ـــــــــــــــــــــــــــــــــــــــ


البدع ( الشاعر سعد بن مجبر)




ياسلامي على اهل الطيب تسليم فال ابهــــر دلال


ارسله من جنوب المملكه بالمحبه والبشـــــــاير


في ضروف (ن) عليها ختم شمران مع شيماتها


لابن جروان ابونايف واقول الوصاه الزام حـــق


سر (لمسفر) وقل يابوعلي ياسندنا فاللــــــوازم

جمل الله حالك يارفيق(ن) على العليا جـــــــــمل

رايتك للسماء بيضا وشورك نحبه يالمشــــــــير

ال حارث عصاهم واحده والعضود تشيل راسي

والجماعه موصينا على جمعها الله والرســــول

واللذي مايدور للرفق يابن عمـــــــي قله (انعم)

دارنا واحده نحمى سماها ونحمى اركانهــــــــــا
دارنا واحده نحمى سماها ونحمى اركانهــــــــــا





،،،،،،،،،،،،،،،،،،،،،،


الرد من (عبدالرحمن بن جروان)




مرحبا هيل ترحيبه وفا لاجلها ابهـــــــــــــر دلال


بالرفيق العزيز اللي على العهد في وادي البشائر


بن مجبر سعد حمال شيمه ولاشي ماتهــــــــــــا


ياسعد كل طيب راس مثلك علي الـــــــزا (محق)


لو تكبر عقيد الجيش في رتبته قلت اللــــواء زم

يعرف ان الحمول الكايده ماحملها الا جمـــــــــل

(بوعلي) رتبته من بيننا امير من غير المشيـــــر

والله انه حزام الجنب لاولاد حارث تاج راســـــي

كلنا في اللوازم كف يمنى على دعوى الرســــول

والمعارف تجي من طيب الاصل ونعم ثم ونعـــــم

علم اللي ترك الاشوار قله وشف تركانهــــــــــا
علم اللي ترك الاشوار قله وشف تركانهــــــــــا




،،،،،،،،،،،،،


وسلامــــة الجميــــــــع

قصيدة : يارب خارجنا من النفسيه
أحيانا يحاول الشعر أن يترجم الواقع فربما يستطيع تقديم ما يجدي من الكلمة والصورة

يارب أنا طالبك تشرح بالي
ويارب ترزقني صفاة النيّة

الناس تاهت فالزمان التالي
تركض ولا تلحق وهيّه هيّه

ناس ن حسدها زايد المكيالي
عن الطمع ما شفتها منهيّه

الغيبه أكثر هرجها والقالي
ياويل من شافوا عليه السيّه

وأهل النفاق أسلوبهم متوالي
منهم يصير الخو مجافي خيّه

وأهل المناصب لعبهم بالمالي
هذي جماعيّه وذي فرديّه

بكلامنا العادي وهرج السالي
والشرح والمكشوف يابو حيّه

ألزم لي أقطع لك وخذ يالغالي
بيع المخطط وأنقل الملكيّه

وأبعد سنه وأحذر تقرّب جالي
لا يكشفون أسرارنا المخفيّه

ولا تتصل حتى على جوالي
لحين تنسى الناس ذيك وذيّه

ويانور شوت الكوره أوفر عالي
وأحرز يا ياسر قول من عرضيه

تمضي السنين وما تبدّل حالي
باقي نحاول نقبض الجمعيّه

والمرّ مشروبي ولا به حالي
يارب خارجنا من النفسيّه


بقلمي

سعد عبد الرحمن

سعد بن عبدالرحمن بن مجبر الشمراني
هذه قصيده لشاعرنا المحبوب سعد بن مجبر الشمراني

ودي أسولف شعر
نقره لعرض الصورة في صفحة مستقلة
ودي أسولف شعر وأنثر عبيره
والشعر عندي له مكانه وغالي
الشعر للشاعر يداعب ضميره
بالذات حين يكون معناه حالي
حلو القوافي والمعاني كثيرة
أعطيتها دايم تكامل سجالي
برضاي وأكتب شي مخالف لغيره
فيه الفرايد ما تخالف خيالي
في عهدنا الماضي معاني مثيرة
تجمع صداقات وشموخ ومعالي
واليوم خيره جعل فالأمر خيره
الوقت كله صار لعب وتسالي
وين الزمان اللي بصدق السريره
الغيث فيه أول ولا فيه تالي
روحي معا ذيك الحقائق أسيره
والشوق ماغاب ومجاله مجالي
ياليت ترجع لي سنين الصغيره
وأشرح لها ظلم الزمن وأحتمالي
وأسمع مناداها بنفس الوتيره
وأحساسها الصادق وعطر الليالي
لو يوم يتلاقى النظر مع نظيره
وأبحر بعالمها مسلطن لحالي
واسأل مداهل نونها وأستشيره
عن باقي أيامي وفرصة وصالي
وعن ثغرها الباسم وشوق ن يديره
والسرّ فالتشويق والموج عالي
وعن طبعها شبه الغرور وغريره
ومدى تواصلنا بمعنى مثالي
وليه الغلا يوقف مواقف خطيرة
ويجبرني أرمي غترتي مع عقالي
ودي أقول الشعر وأهدي عبيره
والشعر عندي له مكانه وغالي
سعد عبد الرحمن

صعب تجرررررررررررررررررح
صعب تجرح واحد(ن) ما حصل منه الخطا
وصعب تنسا اللي كتب لك وفاه وما نساك

أسألك بالله وش لون تعريف العطا
واسألك بالله كم ربحك بلحظة قساك

واسألك بالله يا قايد أسراب القطا
كيف تظلم ثم تبعد وغيرك مع أساك

واسألك بالله وش ذنب من جمرك وطا
نار بعدك تحرقه والسبب لنه أحتساك

واسألك بالله عن رمش متوحّش سطا
ليه ينوي ذبحتي بعدما حبي كساك

واسألك بالله من ركب خيلك وامتطا
وابعد الربان عن جال بحرك ما رساك

أنت ما تدري بأن الخطا ما له غطا
لو كسيته بالجواهر وليلك مع مساك

ياخسارة صدق الاحساس من جور البطا
ويا خسارة من تحرّى ومضمونه عساك

صعب والله صعب يا صاحبي منك الخطا
وصعب تجرح من كتب لك وفاه وما نساك

سعد عبدالرحمن