ديوان قصائد لشعراء المملكة العربية السعودية (متجدد)☘️☘️

خبر هاااام

سياسة الدولة لها درع وحزام
خلك على هونك وخذ لك عنازه
يالي تسولف بالمجالس هالأيام
وتنقد قرارات الملك بالاجازه
كل الدول حولك تبي نصرة الشام؟
ولاتبي لك طيحة وارتكازه؟
لاتاخذك نعرة وتنشر خبر هام
وتصير مع عدواننا دون عازه
جيراننا قد وقفوا جنب صدام
واليوم يبغون الخطأ وانتهازه
حنا لابومتعب ولدين خدام
نموت دون املوكنا ياعزازه
قل قال ابوضاري وخذها لك اوسام
حنا سعوديين نجد اوحجازه
حنا سعوديين نجد اوحجازه

ابيات أرسلت لي من احد الزملاء فيها نقد لالغاء اجازة يوم الخميس ولم يرضيني بعض ماتطرقت له قصيدته فرديت بهذه الابيات اتمنا ان تنال اعجابكم

ابو ضاري الشمراني

مافي النفس
اباأكتب بما في النفس عـل العـرب تقـراه00وانـا واثـق أنـي خـاسـر الحـبـر واوراقــي

لي أربع سنين(ن) والفرح اسمعه ما اراه00وضـاق الصـدر مـن كـثـر مـابـه ومابـاقـي

عــبــر مــجــال الـصـبــر والصبـرمـانـقـواه00قـويـنـاه عـــام او مـــر مـاعــاد يـنـذاقــي

وعبـرنـا مـجـال الـحـزن والـحـزن مانبـغـاه00ولا اظـن غيـر الدمـع للقلـب مــن راقــي

وعبـرنـا مـجـال الخـيـر والخـيـر ماشفـنـاه00سراب (ن) لـدرب الشـر يانـاس سواقـي

وعبـرنـا مـجــال الـجــد والـفــوز مانـلـنـاه00عليـنـا الـتـعـب والـحــظ مـاهــو بـتـواقـي

وعبرنا مجـال الصمـت والهجـر كـم ذقنـاه00عـذابـي يـزيـد اذا ذكــر يـــوم الافـراقــي

وعبـرنـا مـجـال الـعـز والـعـيـب ماجـيـنـاه00نصون الشـرف عـن مغريـات (ن) وبواقـي

وعبرنـا مجـال الحـب واثـر الهـوى ملـهـاه00اذا شب طفل (ن) قال انا اليوم عشاقـي

فـعـفـت الأمـــور الـسـابـقـه كـلـهــا والله00وصـار القلـم والبـوك صحـبـي والارفـاقـي

ويامـا حـوى قلبـي ويامـا وكـم قــد جــاه00مـن اللهم والغربـال والـحـزن وش بـاقـي

فـيـا قـاريـيـن الـخــط انـــا اسـالـكـم بالله00هو الحب له سيف (ن) وخنجر ومشناقي

ابو ضاري الشمراني

قصيده مهداه لشاعر شمران ((ابو فيصل ))
يابوفيصل طريقك من ذهب قد رصفته واستنار
واسم شمران بك يفخر وحن في فعولك نفتخر
لايهمك عديم الفكر ذا من نجاحاتك يغار
اسمك اصبح مخلد باسم شمران نقشا في صخر
من مثيلك لمع نجمه على كل نجم بالمدار
وارث الطيب من مسفر ولك في قرى ربعك فخر
لسمان انت زيزوم (ن ) وللغانمه مالك خيار
دام شمران جنب اسمك كتب وانت كفوا او مدخر


قصيده مهداه للاخ ابو فيصل واطلب منه العذر لاني كتبتها على عجاله وهو يستاهل زود
تحياتي لكم جميع
ابو ضاري الشمراني

اهداء لاحد رموز شمران (ابونايف)
مني سلاما عد وبلات الامزان
سلاما اخصه وياصل مقامه
ياصل لابونايف على سرج وحصان
له من تبوك الورد عطر الخزامه
شيخا وهب نفسه على مر الازمان
لطيب والناموس وثق حزامه
رأس الزعامه والكرم يابن جروان
عسى الولي يلبسك ثوب السلامه
حملت هم الكايده واسم شمران
ولاهو غريبا منك زود الشهامه
نسل الكرام الي بنوا المجد بنيان
متوارثين الطيب خال اوعمامه
مني لابونايف سلاما بعنوان
تاصل رفيع الشأن حب اوكرامه
هاجت هيوض الشعر معنا وقيفان
من خوك ابوضاري جزيل احترامه


اهداء لاحد حصون شمران وابنائها البارين الاخ عبدالرحمن بن جروان الشمراني (ابونايف)

ابو ضاري الشمراني

مرثية في زميلي علي العسيري

توفي زميل واخ وصديق لي ليله البارح اسمه علي عسيري بحادث سياره
نسال الله له الرحمه والمغفره
وقلت فيه عدة ابيات
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الله من صبحاً فجعنا النباء فيه
في يوم جمعه واحد ابشهر شعبان
قالوا علي طويت صحايف هقاويه
والموت حقاً والخبر صدق وعلان
فيالله يامن له نصلي ونرجيه
يالي تبدل سية العبد باحسان
ترحم علي وتطهره من خطاويه
وتسكنه جناتك برحمه وغفران
وصبر قلوباً حلمها والرجا فيه
يالي رجاك اكبر من اعمال الانسان
لانا تراقب رجعته والعزاء فيه
وتقول يامحمد تصبر للاحزان
حملاً ثقيلاً والمفارق بلاويه
واليتم صار اليوم للاسم عنوان
فيارب وسع قبره الي رقدفيه
واجعله روضه من رياضك ومسكان
واجبر عزانا في علي كل ماطريه
انا اشهد اني فاقده فقد الاخوان
والحمد للي قدر الحق راضيه
وصلاة ربي عد وبلات الامزان

ابوضاري الشمراني

اهل الوجيه الزايفه
اروم عن بعض المواقيف واحيد

وابسط على يم الفضيله شراعي

من صغر سني ماتخذ مشلحي فيد

ولاهتم في من جنبوا عن سماعي

عودت نفسي عايشاً حر ووحيد

مثل الصقر لاضقت زاد ارتفاعي

راسي كساه الشيب وانحن مواريد

ورد النقى ماهو ورود الافاعي

تعبت من طرد الوجيه المقاريد

وتعبت من كسب الخطاء باتساعي

وتعبت ادور لي من الناس صنديد

لامن حداني الوقت يسند ذراعي

ياهل الوجيه الزايفه مابكم فيد

الكره والتكذيب لبس القناعي

نقالةً للهرج ومدورة صيد

ياعلكم لصدوف بقعاء متاعي

مليت انا واليوم باقول واعيد

الله يكشف كل وجهاً صناعي

تمت وابوضاري حكم قافه القيد

هجوس ينضمها بقافاً رباعي

ابو ضاري الشمراني

فقيد شمران
نواف بن عون بن شعشوع الشمراني
يشتكي من حر فراق عمه محمد بن شعشوع الشمراني
رحمه الله (العبيدي)
فرديت عليه بهذه الابيات

نواف لاوالله ماحداً يلومك

موت العبيدي حزن اقلوب واوطان

تبكي القلوب وترسم العين همك

هذا انا اسميه فقيد شمران

هذا سندك ومحزماً لك وعمك

هذا سنام المجد قولاً وميدان



ابو ضاري الشمراني

مرثيه في محمد بن شعشوع الشمراني (العبيدي) ياعين دمعك مايبرد على الجوف

صرحاً من اصروح المراجل تهاوى

الي لفى بالعلم ماعمل معروف

ليته كذب واخفى علي ماتشاوى

شمران تاقف في عزا موته اصفوف

حتى الذياب ابروس رجمه تعاوى

شيخ المراجل والكرم ماله اوصوف

ياجعل له في جنة الخلد ماوى

اسم العبيدي رمز واضح ومعروف

عقيد قوم اوقفتة ماتساوى

ساره تنادي يايبه صابها الخوف

كنه بيسمع صوتها والشكاوى

تصبري ياساره العمر محفوف

والموت مايرحم قلوباً وياوى

يارب صبراً منك يارب مخلوف

وانزل علينا منك صبراً نشاوى

واحسن عزى شمران في شيخ معروف

صرحاً من اصروح المراجل تهاوى

ابوضاري الشمراني

قصائد الشاعر عبدالله بن حيدر الشمراني



عيديييييية لكل شمران قصيدة عيديه من الشاعر عبدالله ابو حيدر الشمراني الى قبيلة شمران (وكل عام وانت بخير اجمعين)

سلام ياشمران مع طلة العيد ======= والعايدين معطره بابتسامه

سلام يافخري ومن دون تحديد====== سلام من بيشه لساحل تهامه

شمران ياشمران وارد واعيد ====== شمران في روحي وقلبي علامه

شمران حب وعشق شمران تمجيد====== شمران ياكل الوفا والكرامه

انا اطلب الله فيكم يزيد ويزيد ======= يزيد فيكم صالحين وشهامه

ياعز راسي يا ثنا كل تمجيد ======= افخر بكم مادمت لابس عمامه

ابوحيدر

قصيدة رثاء في الخال صالح بن سعد رحمه الله

قصيدة رثاء في الخال صالح بن سعد رحمه الله وادخله فسيح جناته

ياقرية ال معاسره منظرك شان ======== واليتم بانت في بيوتك مواريه

تبكي بيوتك راعي الطيب سمحان ======== الشيخ صالح بن سعد في مراثيه

وتبكي دمه تبكي تباله ومران ======== تبكي ديار(ن) غاليه تفتخر فيه

تبكي على ركن انهدم بين الاركان ======= شهم الطباع الله مزين مباديه

ويبكونه شيوخ(ن) ويبكونه اعيان ======== يبكيه كل اللي يعرفه ويطريه

علم وراح من اعظم اعلام شمران ======== يشهد له التاريخ وافعال اياديه

بشوش فاستقبال ربع(ن) وضيفان ======== ترحيبته تكفي مع اللي يلاقيه

يكرم ويكرم طول عمره كريمان ======== دايم ضيوف بكل الاوقات تلفيه

ياكم عطا في شح في عسر الازمان ======== يعطي ويعطي ماحسب شي يعطيه

ملفى لمتسول وخاطر وجوعان ========= ما قد قفل بابه ولارد راجيه

ومنصى لحكام وعوارف وشيخان ========= كم شال عن ربعه حمولن تشقيه

شجاع ماهمه طحاطيح شجعان ========= ماهمه اشجع رجل فيمن يعاديه

اي والله ابكي واخلف الحزن باحزان ======== مادمت حي اذكره ببكيه وابكيه

اي والله ابكي فقد خالي كحيلان ========= فجعني الدهر بهوايل بلاويه

فيالله انا طالبك عفو(ن) وغفران ========= واسالك الجنه لخالي وتنجيه

سبحانك انت اللي كتب عمر الانسان======== وموته تقدر ساعته ثم تنهيه

وصلاة ربي عد ماهل هتان ========= على نبي(ن) كلنا نقتدي فيه

عبدالله ابوحيدر