ديوان قصائد لشعراء المملكة العربية السعودية (متجدد)☘️☘️

شمران

بسم الله الرحمن الرحيم

دخل احد المنتمين لقبيلة شمران سابقا المتخلين عن اسم القبيله في وقتنا الحاضر بعدالشعور بالامان دخل على احد السؤلين فسأله هذا المسؤل عن اسمه وعندما ذكر اسمه قال من اي قبيله قال القبيله الفلانيه قال المسؤل انا لم اسمع بهذه القبيله من قبل فرد احد الموجودين وكان غامدي وقال هو من قبيلة شمران قال المسؤل والله ونعم بقبيلة شمران فرد هذا المتخلي النذل بعبارات شتم فيها قبيلة شمران ووصل الخبر لي عن طريق الموجودين في الجلسه مما اثار حفيظتي وقد ارسلت له هذه الابيات اتمنى ان يعتبر وان لايكرر هذه الغلطه مرة اخرى




شمران فــــــــي ماضي حروب(ن) وتهديد
كــــانوا ملاذ لكل خـــــــــايف وفقران


ايام سلب ونهب واوقـــــــــات تهديد
كـــــــــانت قبايل تحتمي باسم شمران

مـــــــــن دون مـــانقص قبايل ولا ازيد
كنا جبل شامــــــــــخ بقمته بركـــان

يخوف اللـــــــــي يقربه وارعب بعيد
واللــــــــي يوسوس يحرقه صلو نيران

اوقــــات فخر وعـــــــز وايام تمجيد
وقت الطراد بسيف وبرمـــــح وحصان

قبيلـــــــة(ن) تنجب اسود وصناديد
مـــــــــاتنجب الا كل دندون بطران

مـــــــــن وصلنا يصبح بعد حزنه سعيد
يعيش تحت حـــمـــى طحاطيح شجعان

مــــــن حقي امجد هل الطيب تمجيد
شمران عنوان الفخر عبر الازمـــــان

عاداتهم دوم ا لـــــوفا بالمواعيـد
شيمة عــــــــرب فيهم اصاله وايمان

ياللــي اتكلم فالرجال الاجـــــاويد
اهل الكرم وان خاضوا الحرب فــرسان

احذر ترى مــاينفعك زيد وعبيد
لاينزغك ياناقص الـعـقــل شيطان

خلك بدارك وادع للي حمى البيد
وورثك ديره بعد ما كنت هــربان

مــــافيه داعي تسب وتهين يابعيد
وابوك شمراني وعمك بعــــد كــان

الــــــوقت دار وغير وا الاسم والقيد
مـن بعد مــــــاصار الزمن سلم وامان

وقـــمــــت اتفاخر بسم عنتر وابو زيد
وانا اعــــــــرف انك ناقص(ن) ياحويَِان

لـــــــو يرجع التاريخ ويدور ويعيد
بتعـــود ادوَر لنا مثل خـــــــــرشان

لا عـــــــــاد تنظر فوق يا قاصر الايد
البس مناظر وانتبه يـــــــــــا عميَان


اتمنى ان اكون قد لقنته الدرس الذي يستحقه هو ومن تسول له نفسه في التطر ق لقبيلة شمران

مع تحيات عبدالله ابو حيدر الشمراني

ابوحيدر خدر خفوقي

خدر خفوقي

كانت حياتي شوفتك كنت الاشواق ===== اعيشك اجمل حب واطيب علاقه

كنت بخفوقي نشوه وحب مشتاق ===== دلع وذوق وشوق واحلى لباقه

كلي خواطر كلي انغام عشاق ===== كلي وله كلي شجون وعشاقه

ذوقي معك يمتاز عن كل الاذواق ===== قلبي معك لقي الحنان ومذاقه

خدر خفوقي حبك وسج مافاق ===== الا بعد ما حَر فرقاك ذاقه

قلبي تسلى لجل ينساك ما طاق ===== ماله على فرقاك يا زين طاقه

بيني وبين الوقت وهمومي سباق ===== وكلن يحاول ينتصر في سباقه

الحب لي منه سطا وسط الاعماق ===== ماتردعه نخوه وصيت وطلاقه

والحزن لي منه نهب قلبك وباق ===== تشوف بعيون الشماته شفاقه

والحظ لا ميل عن الشخص وانساق ===== ماعاد تنفع فيه فزعة رفاقه

ما يوقع الا كل طيب وصداق ===== وكل السبب في ماحصل لي صداقه

اهون عليَ الموت من حب وفراق===== يعذرني اللي سم حاله فراقه

ابوحيدر == ماننخدع بعد الجفا ببتسامات
ابوحيدر== ماننخدع بعد الجفا ببتسامات


بسمتك وعيونك وخدك وجيدك ==== كانت بدايه والنهايه حكايات

كان الهوى والحب كنا نريدك ==== كنت الحياه وحبنا والمسرات

نسري مع نبضك الى اقصا وريدك ==== ونرقص على دقات قلبك بنغمات

نداعب افكارك نغني قصيدك ==== ندلعك وندللك كل الاوقات

نعطيك رغباتك وتطلب نزيدك ==== تأمر وحنا رهن اشارتك طاعات

ايام صارت ذكريات برصيدك ==== راحت وخلَت داخل القلب لوعات

نسيتنا واغواك عنا جديدك ==== جرفك تيار الهوى والملذات

ما راود الشك الثقه قبل كيدك ==== والله ماكان العشم فيك بالذات

نفذت فينا ماذكرت ب وعيدك ==== واصدرت حكم فراقنا بالخيانات

لي ضاقت الدنيا بترجع لسيدك ==== بيردَك القهر ودروب المتاهات

في وقتها ماتقدر اتمد بيدك ==== وتخجل ترد الى نطقنا سلامات

ولو تبتسم وتردد اجمل نشيدك ==== ماننخدع بعد الجفا ببتسامات

حتى ولو تحلف لنا مايفيدك ==== مابيننا صارت طوال المسافات

مع تحات ابوحيدر
usa
من ولاية فلوريدا تامبا

قصيدة بمناسبة تقاعد العقيد الدكتور الطيار الركن محمد الشمراني
هذه القصيده شاركت بها اثناء الحفله التي اقامها منسوبي قبيلة شمران وقدشاركهم
بعض الزملاء من قبيلة خثعم وعليان بقاعدة الملك عبدالله الجويه في جده بمناسبة
تقاعد العقيد الدكتورالطيار الركن محمد بن عبدالرحمن ال شيبان الشمراني حيث كان
ولازال نعم الاخ والزميل وتربطني ذكرياتي معه كثيره عبر الاجواء العالميه

ياصقر له بالجو صوله وجولات ***** في طائرة سي ون عبر كل الاوطان
تخصصك دائم صعاب المهمات ***** قلبك حديد مركــب بداخــــل انســان
ياكم عبرت في الليالي محيطات ***** رحلات مايقدر لها كل بطــــــــــران
تشهد سياتل لك وبكين رحلات ****** ولندن واغادير وجنيـــــفا ولبــنان
والروديو لك في نجاحه علامات***** حملت كأسه وانت واثق وفرحان
سمعت وطن شرفتها بالولايات***** ماهي بلعب مشرفة في طيـــــران
لك فتطور بعض الاقسام لمسات****صححت بأفكارك خطاء كل غلطان
الاجنحة تشهد وقادتك بالذات***** يشيد بك قادتك من دون نكـــــــران
ياصقر لاتهتم وانس الذي فات ****سلاحك شهادتك في كل ميدان
دكتور وطيار تحمل شهادات ***** لك شنة ورنة ولك قيمة وشأن
مرغوب مثلك في جميع المجالات**** والكمبني اللي تشتغل فيه كسبان
عشنا سنين نصارع المستحيلات*** كنت الزميل الصادق بكل الازمان
لك دائماً في وقت الازمات وقفات*** والكل يحمل لك جميل وعرفان
شيمه ونخوة للجماعة وفزعات***** عودتنا بالطيب في كل الاحيان
الزملاء قالوا لي اشكرك بابيات***** مشكور ماقصرت ياصقر شمران

مع تحيات ابوحيدر

بنت جده للشاعر عبدالله ابوحيدر

اقبلت مثل نور الشمس طلتها ****** شعللت ليل كان النوم باهدابه

فاتنه ساحره تغري ببهجتها ****** تنتج الذوق لاهل الفن واحبابه

لو نظرها القمر من زين بسمتها ****** مالخجل مافتح يم ارضنا بابه

والنجوم وكواكبها وروعتها ****** وكل نيزك نظرها يحرق شهابه

يفرح البحر لاهلت بطلعتها ****** يرتجف موجه الهادي من اعجابه

والشجر ينحني من تحت قامتها ****** والثمر منيته يبتل بلعابه

والزهور ادمنت في شم نسمتها ****** زهرة(ن) تفقدك للطين منسابه

حين تظهر يضيع اللي بصحبتها ****** وان تغيب الدلال يدور اصحابه

وحين تنظر حنان وشوق نظرتها ****** تدفن الناس تحت رموش لعابه

وحين تنطق موسيقة حب نغمتها ****** وان تسولف رومنسيه و جذابه

وحين تمشي ايقاع وفن مشيتها ****** من سمع صوت خطوتها تغنى به

وحين تطلب تلبى كل رغبتها ****** ما تدير القلوب الا بسبابه

بنت جده تزيد العمر شوفتها ****** عيبها كونها للقلب نهابه

مع تحيات ابوحيدر

#1
Photobucket


ابوحيدر is on a distinguished road

for pilots

قصيده لي في احدى الرحلات الخارجيه معضمها مصطلحات انجليزيه ( للطيارين )


اقلعت من جده وكان الوذر بور ======= ما خفت من سود السحب والمحاذير

زودت فالسرعه ضغطت البور مور ======= ورفعت مزلاج الفلاب وليفر قير

وطفيت كل اللايت ولا بقي نور ======= والكنترول يقول ماتطلب كلير

حتى وصلت في ارتفاعي لتوفور ======= وطيارتي وجهتها يم اغادير

المشكله هد وند وسبيد مدمور ======= والوند مابين الوذر كلها شير

مريت تنوس فور رفيول مجبور ======= والروت من عنابه يمر بالجير

اوفر شرشل دهره ووجده عبور ======= من بعد فاس اصبح جميع الوذرغير

نزلت في مدرج مسيرا على الفور ======= بعيد عن شاطي اغادير بكثير

وصولنا لازلت متذكر وشور ======== قبل الغروب وكان توقيتي عصير

وصلت للفندق وفاللوبي حضور ======== حفله كبيره كل مشروبها البير

لقيت فيها الفاتنات اجمل الحور ======== صغيرات السن بيض الغنادير

ناس تقول مزيان والبعض بنجور======= والبعض هاي وبعضهم قال يس سير

ما يعرفون اعراب فاعل ومجرور ======= ولايجيدون بلغتنا التعابير

ثقافة(ن) غربيه وهرج مكسور ======= وانا تكسر خاطري كني صغير

من شاف ذاك الفن ياناس معذور ======= ما يتعب اللي مايحسب المخاسير

كم واحد من اصحابنا رد مسحور ======= جسمه معه والعقل جته المقادير

قالوا لي اصحابي وش العلم والشور======= العنبره فيها الطرب والمزامير

وفي الكزار الفن مافيه محذور ======== والغيد في مرقص صحارى طوابير

دخلت وحدي غرفتي واقفل الدور ======== قلت البلد واهل البلد يصبح بخير

مالي ومال اللي يبي راسه يفور ======== وقت الغلط ماعاد تنفع معاذير

جاي بعمل ماني بسايح يبي تور ======== شغلي وانا دايم على العالم اطير

مع خالص تحياتي ابوحيدر

تحيه لاستاذي ابونايف

من قصائدي القديمه

حناني وحبي لك جبال(ن)طوال سفوح ===== لكني عرفت اني شقاوي ومنزوحي

عرفت ان مالي فالهوى غير كثر النوح ===== اناجي الليالي السود واضمد جروحي

عرفت ان مالي فالرجا غير كثر البوح ===== دموعي تخلي سر الايام مفضوحي

عرفت ان حالي للعنا دائما مكبوح ===== يساير شقا سود الغرابيل مصلوحي

عرفت ان كل اللي بغيته عديم الروح ===== خدعني بحسن الذوق حتى سرق روحي

عرفت ان حبي من ثرى خافقه ممسوح ===== وعذره يقول ان الهوى هرج ومزوحي

عرفت ان شوقي له مجرد مزيد جروح ===== اجرح خفوق(ن) كان سالي ومشروحي

عرفت وعرفت ورغم كل الغلط مسموح ===== مادامك عديم احساس روح ومسموحي

ابوحيدر

ابوحيدر اسقيتني من كاسك

اسقيتني من كاسك

عيون جذابه تحت رمش مزحوم == وسلهامتك والطرف ذابل ونعسان

وبسمه تخلي قاسي القلب معدوم == وكلمات معسوله لها انغام والحان

جرتني لحبك وكان امر مقسوم == واصبحت مجنونك ونزواتي جنان

اسقيتني من كاسك الحب مسموم == مغموس شوقك فيه لذه وسلوان

ذابت حياتي عشق واشجان وهموم == دايم اهوجس شارد الفكر ولهان

صرت بخفوقي نبض واحساس ونسوم == حبك يسابق دمّي بكل شريان

متخيلك نفسي بدون اي مفهوم == واشوفك اهلي والقرابه والاخوان

اعيش مثل المختفي مالي علوم == ارضى الهوان لخاطرك وانت فرحان

قوي واحس بداخلي غلب مهزوم == محتاج فيني حسرة ضعيف فقران

خضوع يجبرني على الهرج واللوم == مخذول لاصاحي ولاني بسكران

اسهر من اجلك ما يجي عيني النوم == ياكم صباح لقيت والقلب سهران

غلطة عمر جرتني وعشت مظلوم == سجين حبك وانت ظالم وسجان

محتار لنَي كنت عارف ومكتوم == عارف مصيري معك فرقا وخسران

ونهايتك صارت وبعتك بلا سوم == وترياقك انهيته ورخصت الاثمان

وابعدت حتى صرت مانيب ملزوم == في زيف مارد نشوته سم الابدان

واصبحت حرن بالفضا يعشق الحوم == ابعد عليك من السما عقب ماكان

ابوحيدر

شيلــة : | هواجس قلب |

كلمات : | العميد طيار ركن عبدالله سعد أبوحيدر الشمراني |

اداء : | مشاري آل عياش |

*
القلب لي صار له يم الفضا نزعه *
ب اطلقه فوق السحاب يخفف اوجاعه*
ب اطلقه عله يخفف حزنه ودمعه *
اصبح من الظلم للاصحاب *شماعه*
في هالزمن ناس لاخوه ولانفعه **
ناس ن للاصحاب والارحام قطاعه
والبعض صار الدجل والكذب من طبعه**
ماعاد تفرق معه لي خرب طباعه
اهم شي ماله يلاهث ورى جمعه *
مايفرق معاه كيف يكون جماعه*
وما تفرق معاه لا نخوه *ولا سمعه*
جشعه مايشبعه من كثرة اطماعه
مايفزع معاك وقت الضيق في فزعه *
ون جا الفرح *تلتقيه *بوفد *فزاعه
وين الصديق الذي بالخوف والفجعه *
*يوقف معك مايهاب الموت وافجاعه
وليا *تضايقت *تلقى *طيبه *ونفعه *
لي قلت تكفى يلبي سمعا وطاعه
يفهمك باشارتك ويحسك بسمعه *
وتحزن لروحته ويفرحك مرجاعه

الشاعر/ عبدالله ابو حيدر الشمراني