فوق هام السحب ( الشعر الشعبي) على متن القوافي

سبّح وهـلل واذكر الله دقـايق
ما ظن تاخذ وقت يامضيع الوقت

واطلب جليل الملك لاصرت ضايق
عساه يفرج ضيقتـك كل ما ضقت

.......

كم رغبتن صديت عنها ووليت
وضحيت فيها في سبيل الغوالي

تعبت من قسوت حياتي ومليت
صبري على حظي وخيبت امالي

ماجت حياتي لي على ماتمنيت
الحظ خاب ومطلب الروح غالي

.......

احاول أخفي واقعي في حياتي
ودمعي على خدي كفي يكفه

بسمة أمل راسمتها شفاتي
وتصور الواقع طهارة وعفة

.......

بين الأمل والياس عايش على لو
ليت (الأماني) تنتهي بالتمني

(حلمٍ) سكن فيني وأنا ساكنه تو
عشته خيال وخيب الوقت ظني

.......

‏تدري وش يذبح خفوقك وانت حيّ
والوجود / يصير ماله ، أية طعم

الصديق : اللي عطيته كل شي
من عقب ( لبيه ) يرسلك ( نعم )

.......

ﺎﺣذر ﺗﺑﯾـع ﺎﻟﻟي ﯾﻋزك وﺷﺎرﯾك
ﻓي ﺫﻣﭠي ﻟو رﺎح ﻋﻣرك ﺧﺳﺎره

ﻓي هاﻟزﻣن ﻣﻧﮬو ﯾﺣﺑك وﯾﻏﻟﯾك
ﺣﺎﻓظ ﻋﻟيه وﺧل ﻋﻧك ﺎﻟحقاره.
.......

يازيــن جــوّ (ن) جــوّنا ليلة الأمــــس
عيّـــت جفـــون العيــن فيها تنامـــي

ليله قضيـــنا ســرّنا جمعّـــــة الاُنس
فيــها الفــرح فيها الخوال وعمامـــي

من زينها في جرسها همسّنا همس
شعـــرُ وطــرب حر إقتّرب بالسلامـي

كــل الهّلا وكــل الغّلا وافّـي الخمس
فــي حــرفّنا مــن قلبّنا لـــك ضوامي

.......

يا هجوسي ما على الدنيا حسايـف
خلـهـا تقـفـي باهـلـهـا يـا هجـوسـي

لا يـغـيّـر حـلـمـنـا فـرقـى الـولايـف
أو تهـدّ اعزومنـا اضعـاف النفوسـي

دامـنـا نرقـى عـلـى روس النـوايـف
اتـرك الحسّـاد فـي الجبّـة تحوسـي

.......

‏يا رب والناس ما تدري عن الخافي
وانت اعلم بـ حزن روحي وبخوافيها

ساعدني آعيش وافي واندفن وافي
وامنعني من الخطايا قبل اسويها

.......

‏لمع بارق الفرقا وهلت دموع العين
وانا اقول ياعين الشقا ليه هماله

بلاش التعاسه واعرفي كلنا مقفين
والا عمار جرف لا اقبل الموت هياله

.......