اخترنا لكم

‏الجو رايق والسماء ممتلي غيم
والنفس فيها من الاماني كثيـره

الجو غيم ومنظره يشرح البـال
تنسى الهموم وتبتسم دون سبه

.....

يالسميري شد حيلك تطيق او ماتطيق
اول المشوار خـبّـه و تاليه عـرمَه

لك علي املى زهابك واقضبك الطريق
ولي عليك تسابق السيل في واد الرمه

محمد السكران

أهون على نفسي واقول الفرج قدام
وأعوّد على صوت البريكي وأبو نوره

يا كثر الكلام اللي بقوله وراح حطام
يا كم كلمةً وسط المعاليق مقبوره

.....

ليا بدى النقص في حالي وفي مالي
على كثيـر العـرب مانـي بمتجـرّي

اترك ملايين وانصـى واحـدٍ غالـي
اما قضى لازمـي ولا حفظ سـرّي

.....

‏ماكل من ضافك يبي يتبع رضاك
ولا كل من يعلق ترى معجبن فيك

فكره لمست احساس ذولا وذولاك
خلّك طبيعي لانّ محْدن درى فيك

.....

‏مذكور بالخيـر ياشخـصٍ تمنيتـه
لو كان مايسمع الداعي ولا يوحي

انت اخـر انسان قـدّرته وحبيته
وانت اول انسان بديته على روحي

.....

‏تجرفني الذكرى على بر الامال
ولولا الامل مات الفقير بمكانه

وياكثر ماشافت عيوني من ازوال
وكن العيون الله خلقها عشانه

.....

‏احذف كل اللي يسبب لك ازعاج
‏ولا تفكر في شعوره دقييقه

‏خل التخلي لك على طول منهاج
‏وشف كيف تصفى لك وجيه الخليقه

‏الناس مافيهم إذا باروا عـلاج
‏ومن لا يثّمن قيمتك في حريقه

.....

ياليتنـــا بقلوبنــا مثل الاطفال
‏اليـــا زعلنـــا في دقايــق رضينا

‏مانقفل أبواب التواصل بالاقفال
‏ونفــك بوجـــيـه الليالــي يدينا

‏ايامنــا تركـض بــنا يـّــم الآجال
‏واللـي على ذولاك بُكــره علييــنا

.....

فيما يخص الكـــلام الراجح الواعي
‏لا تعطــي النفس رغبتـــها وتذهبها

‏انا لقيـــت الحقيــقه تلـــوي ذراعي
‏وايامـــي البيض يا ما كنت اظن ابها

‏ابطـــا عليّ النهـــار وزادت اطماعي
‏ولا تخطي الشمس مشرقها ومغربها

‏مشكلتي اهتـــم باشياء ما لها داعي
‏والحاجه اللـــي لهـــا داعي مجنّبها

.....